PSALM 26:2 - BIBLU WIWE LỌ 1923

² Dindòna mi, OKLUNỌ È, na a ni mọdòna mi; Whle homẹ ṣie po ayiha ṣie po pọ́n.

PSALM 26:2 Iomraidhean Croise

OWÈ JOB TỌN. 13:23

Nẹmu wẹ oylanwà ṣie lẹ po ylando ṣie lẹ po? Hẹn mi nado yọ́n sẹ́ngbigbà ṣie po ylando ṣie po.

PSALM 17:3

Hiẹ ko whlé ayiha ṣie pọ́n; hiẹ ko dla mi pọ́n to ozán mẹ; Hiẹ dindòna mi, hiẹ ma sọ mọ núde; Yẹn ko lẹndai dọ onù ṣie ma na wàylan.

PSALM 66:10

Jiwheyẹwhe E, hiẹ ko mọdòna mí; Hiẹ ko whle mí pọ́n, dile yè nọ whle fataka pọ́n do.

PSALM 7:9

Gbọ oylan mẹylankan lẹ tọn ni pònu, ṣigba hẹn dódónọ lódo: Na Jiwheyẹwhe dódónọ to ayiha po hòmẹ po whlepón.

JẸLEMIA 20:12

Ṣigba OKLUNỌ awhànpa lẹ tọn E, he nọ whló dódónọ lẹ pọ́n, he mọ otu po ayiha po, gbọ yẹn ni mọ ahọsu towe to yé go; na hiẹ wẹ yẹn ko do whẹ́hó ṣie hia hlan.

ZEKALIA 13:9

Podọ yẹn na sọ hẹn ada atọ̀ntọ lọ gbọn miyọn mẹ wá, bo na kọn ye dile yè nọ kọn fataka do, bo na sọ whle ye pon dile ye nọ whle sika pọ́n do: Ye na nọ ylọ oyín ṣie, yẹn bo na sọ sè yé: Yẹn na dọmọ, Omẹ ṣie lẹ wẹ yé; yewlẹ bo na sọ dọmọ, OKLUNỌ lọ wẹ Jiwheyẹwhe mitọn.