PSALM 17:3 - BIBLU WIWE LỌ 1923

³ Hiẹ ko whlé ayiha ṣie pọ́n; hiẹ ko dla mi pọ́n to ozán mẹ; Hiẹ dindòna mi, hiẹ ma sọ mọ núde; Yẹn ko lẹndai dọ onù ṣie ma na wàylan.

PSALM 17:3 Iomraidhean Croise

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

1 OTÀNNUGBO LẸ 29:17

Yẹn sọ yọnẹn ga, Jiwheyẹwhe ṣie, dọ hiẹ nọ whle ayiha pọ́n, bo sọ tindo homehùn to dódó mẹ. Na yẹn tọn, to dódó ayiha ṣie tọn mẹ wẹ yen do jó onú he lẹpo podọ dinvie yẹn ko sọ mọ po ayajẹ po omẹ towe le, he tin to ofile, nado na po ojlo po hlan we.

OWÈ JOB TỌN. 23:10

Na ewọ yọ́n aliho he tin to dẽ; Whenuena ewọ ko whle mi pọ́n, Yẹn na tọ́n wá di sika.

OWÈ JOB TỌN. 24:14

Hlọnhùtọ lọ fọ́n po hinhọ́n lọ po, é hù wamọnọ lọ po agbátọnọ po; Podọ to ozán mẹ ewọ tin di ajotọ de.

PSALM 11:5

OKLUNỌ to dódónọ lẹ whlepọ́n: Ṣigba mẹylankan po omẹ he yiwanna adingbàndido po ayiha etọn gbẹwanna.

PSALM 119:106

Yẹn ko whle, yẹn ko sọ ẹ hẹnai, Dọ yẹn na nọ yin whẹ̀dida dódónọ towe lẹ.

PSALM 139:1

OKLUNỌ È, hiẹ ko dindòna mi, bo sọ yón mi.

PSALM 139:23

Dindòna mi, Jiwheyẹwhe E, na a ni yón ayiha ṣie: Whlé mi pọ́n, na a ni yòn tùmajai ṣie lẹ:

PSALM 16:7

Yẹn na dona OKLUNỌ, mẹhe nọ na linlẹn mi; Homẹ ṣie ga sọ to mẹplọnlọ do ogo e to ozán mẹ.

PSALM 26:2

Dindòna mi, OKLUNỌ È, na a ni mọdòna mi; Whle homẹ ṣie po ayiha ṣie po pọ́n.

PSALM 39:1

YẸN dọ, Yẹn na nọ dayi ali ṣie go; Na yẹn nikã yi odẹ́ ṣie do wà oylan: Yẹn na yí ajà do onù ṣie, Whenuena mẹylankan tin to nukọn ṣie.

PSALM 66:10

Jiwheyẹwhe E, hiẹ ko mọdòna mí; Hiẹ ko whle mí pọ́n, dile yè nọ whle fataka pọ́n do.

PSALM 7:4

Eyín yẹn yí oylan do suahọ ewọ he yẹn po e po tin to jijọho; (Nugbo ewọ he to kẹntọ ṣie yín yaya, yẹn ko whlẹn ẹn gán:)

HÓWHÍNWHÉN LẸ 13:3

Ewọ he bó onù etọn do, é whlá ogbẹ́ etọn: Ṣigba ewọ he hùn nuflo etọn gblo na tindo husúdo.

JẸLEMIA 12:3

Ṣigba hiẹ yón mi, OKLUNỌ E, hiẹ mọ mi, bo sọ whló ayiha ṣie pọn hlan dali towe: dòn yé jẹgbonu taidi lẹngbọ na hùhù, bo sọ lẹ̀ yé wé na azán hùhù tọn.

JẸLEMIA 50:20

To azán nẹlẹ mẹ, podọ to ojlẹ nẹ mẹ, wẹ OKLIJNỌ dọ, oylanwà Islaeli tọn na yín dindin, yè ma na sọ mọ de; podọ ylando Juda tọn, yé ma na sọ yín mimọ: na yẹn na jona yé mẹhe yẹn jódai di pipòtọ de lẹ.

HOSEA 7:6

Na yé ko hẹn ayiha yetọn wá sẹpọ́ taidi aklahitẹn de, whenuena yé mlọnai to ovàmẹ: adi yetọn damlọn to ozánmẹ lẹpo; to afọnnu é to jiji di ozòlọ miyọn tọn de.

MIKA 2:1

DINDỌN hlan yé he nọ dowéna oylanwà lẹ bo sọ nọ wàzọ́n oylan to adọzan yetọn lẹ ji! whenuena afọnnu yín hinhọn, yé nọ to pinplọn ẹn, na é tin to huhlọn alọ yetọn tọn mẹ wutu.

ZEKALIA 13:9

Podọ yẹn na sọ hẹn ada atọ̀ntọ lọ gbọn miyọn mẹ wá, bo na kọn ye dile yè nọ kọn fataka do, bo na sọ whle ye pon dile ye nọ whle sika pọ́n do: Ye na nọ ylọ oyín ṣie, yẹn bo na sọ sè yé: Yẹn na dọmọ, Omẹ ṣie lẹ wẹ yé; yewlẹ bo na sọ dọmọ, OKLUNỌ lọ wẹ Jiwheyẹwhe mitọn.

MALAKI 3:2

Ṣigba mẹnu wẹ sọgan nọtepọ́n azán wiwá etọn tọn? podọ mẹnu wẹ na nọte whenuena é sọawuhia? na ewọ tin taidi miyọn gànkọ̀ntọ de tọn, podọ taidi adi avọ̀yàntọ tọn:

OWALỌ APỌSTELI LẸ TỌN 11:23

Mẹhe, whenuena e jẹ finẹ, bo mọ ojọmiọn Jiwheyẹwhe ton, homẹ etọn hùn, é sọ yí ohó do jlahomedona yé omẹ pó, dọ, po awuwiwle to ayiha mẹ po wẹ yé ni yí dó sèbọ Oklunọ dogo.

OWALỌ APỌSTELI LẸ TỌN 16:9

Númimọ de sọ tón do Paulu ji to ozán mẹ; Dawe Makedoniatọ de ṣite, bo to vivé adọ̀, Juwá Makedonia, bo gọalọna mí.

1 KỌLINTINU LẸ 4:4

Na yẹn ma yón núde do dẽ go gba; gãnṣo yè ma sùwhẹna mi gbọn ehe dali gba: ṣigba omẹ he to whiwhle mi pọ́n wẹ Oklunọ.

2 KỌLINTINU LẸ 1:12

Na ehe wẹ awagundido mítọn, okunnuho ayiha mítọn tọn, dọ to ayidopo mẹ po nugbo di Jiwheyẹwhe tọn po mẹ, é ma yín po nuyọnẹn agbasalan tọn po gba, ṣigba to ojọmiọn Jiwheyẹwhe tọn mẹ, wẹ mìwlẹ to jijọ mítọn zán te to aihon mẹ, humọ susu hlan mìwlẹ dali.

JAKOBU 3:2

Na onú susu mẹ wẹ mí omẹ popo to ylanwà te. Eyín mẹde ma wàylan to ohó mẹ, ewọ lọ wẹ sọgbè, ewọ we sọgan dọgànnuna agbasa lẹpo ga.

1 PITA 1:7

dọ whlepón yise mìtọn tọn, he yónwhanpẹ hú sika he nọ sudo, eyín é bo sọ yín miyọn wẹ yè tlẹ yí do to whiwhle e pọ́n, na yè nido mọ ẹn to pipa mẹ to yeyi mẹ, to gigo mẹ to osọhia Jesu Klisti tọn whenu:

1 SAMUẸLI 24:10

Dayi e go, egbé nukun towe lẹ ko mọ le OKLUNỌ ko jó we to egbé do alọ ṣie mẹ to aigbaslo mẹ do: mẹdelẹ lẹnhẹ mi nado hù we: ṣigba nukun ṣie hla we dote; yẹn sọ dọmọ, Yẹn ma na yí alọ ṣie jegbonu do klunọ ṣie ji gba; na mẹyíamisisádodè OKLUNỌ tọn wẹ ewọ.

1 SAMUẸLI 24:12

OKLUNỌ ni dawhẹ́ to yẹn po hiẹ po ṣẹnṣẹn, podọ OKLUNỌ ni yiahọsuna mi sọn de we; ṣigba alọ ṣie ma to na tin to oji we gba.

1 SAMUẸLI 26:11

OKLUNỌ dike blo dọ yẹn na do dé alọ ṣie jẹgbonu do mẹyíamisisádodè OKLUNỌ tọn ji: ṣigba dinvie, yẹn vẹ́ we, yi owhán he tin to ota ligbé etọn, po ogò osìn tọn po, bo gbọ mí ni yì.

1 SAMUẸLI 26:23

OKLUNỌ na na hlan omẹ dopodopo dódó etọn po nugbo etọn po: sọle OKLUNỌ JO we do alọ ṣie mẹ tò egbé, bọ yẹn ma jlo na dè alọ ṣie jẹgbonu do mẹyíamisisádodè OKLUNỌ tọn ji.