PSALM 101:6 - BIBLU WIWE LỌ 1923

⁶ Nukun ṣie na tin to nugbonọ aigba lọ tọn lẹ go, na yé nido nọnọ́ hẹ mi: Ewọ he to zọnlinzin to aliho pipé mẹ, ewọ wẹ na sẹ̀n mi.

PSALM 101:6 Iomraidhean Croise

PSALM 119:63

Ogbẹ́ yé he dibusi we lẹpo tọn wẹ yẹn, Podọ yé he payi ogbèdai towe go lẹpo tọn.

PSALM 15:4

Mẹhe nukunmẹ mẹgbigble zùn mẹvọnu te; Ṣigba é nọ gbògbéna yé he dibusi OKLUNỌ lẹ. Mẹhe whle hlan awugble ede tọn, bo ma sọ légodo.

PSALM 34:15

Nukun OKLUNỌ tọn tin hlan dódónọ lẹ dali, Otọ́ etọn sọ hun hlan ogbè yetọn.

HÓWHÍNWHÉN LẸ 28:28

Whenuena mẹylankan fọ́n, gbẹtọ lẹ na hònbẹ: Ṣigba whenuena yé và, dódónọ lẹ nọ to susu deji.

HÓWHÍNWHÉN LẸ 29:2

Whenuena dódónọ lẹ dugán, gbẹtọ lẹ nọ jaya: Ṣigba whenuena mẹylankan dugán, gbẹtọ lẹ nọ blawu.

Levitiku 14:42

yé nasọ yí zannu devo lẹ, bo yí yé do otẹn zannu nẹlẹ tọn mẹ; é nasọ yí òbó devo, bo na tlẹ owhé lọ.

MATIU 24:45

Enẹwutu mẹnu wẹ afànumẹ nugbonọ, nuyọnẹntọ, mẹhe klunọ etọn do basi ogán whédo etọn tọn, nado na núdùdù yetọn yé to osã sisọ mẹ?

JOHANU 12:26

Eyín mẹde to sinsẹn mi, gbo e ni hodo mi; ofi he yẹn te, finẹ devi ṣie na te ga eyín mẹdepope to sinsẹ̀n mi, ewọ lọ wẹ Oto ṣie na gbogbena.

JOHANU 14:3

Eyín yẹn yì bo wleawu otẹn de tọn dai na mì, yẹn nasọ lẹgò, bo hẹn mì yì dè de; na ofi he yẹn te finẹ wẹ mì na nọ ga.

JOHANU 17:24

Otọ́, Enẹlẹ he hiẹ na mi lẹ yẹn jlo dọ ofì he yen te yéwle ga ni tin to dẽ; na yé nido to gigo ṣie he hiẹ ko na mi pọ́n: na hie yiwanna mi jẹnukọnna jijo aihon tọn.

OSỌHIA 21:3

Yẹn sọ sè ogbè daho de Sọn olọn mẹ to didọmọ, Do ayi e go, gohò Jiwheyẹwhe tọn tin to gbẹtọ lẹ de, ewọ nasọ nọhẹ yé, yé na yín ome etọn, Jiwheyẹwhe lọsu nasọ nọhẹ yé, bo nasọ yín Jiwheyẹwhe yetọn