PSALM 101:1 - BIBLU WIWE LỌ 1923

¹ YẸN na jihàn dagbewanyi po whẹ́dida po tọn: Hlan hiẹ wẹ yẹn na jihàn pipa tọn, OKLUNỌ È

PSALM 101:1 Iomraidhean Croise

PSALM 145:7

Yé na nọ tùntùn oflin dagbewà towe daho tọn jẹgbonu, Bo sọ nọ jihàn dódó towe tọn lélé.

PSALM 51:14

Tutlu mi jẹgbonu sọn ylando ohùn tọn mẹ, Jiwheyẹwhe E, hiẹ Jiwheyẹwhe whlẹngan ṣie tọn: Odẹ́ ṣie na to ohàn dódó towe tọn ji gangam

PSALM 89:1

YẸN na nọ jihàn dagbewanyi OKLUNỌ tọn tọn kakadoi: Onù ṣie wẹ yẹn na do do nugbo towe hia jẹ whẹndo lẹpo mẹ.

PSALM 92:2

Nado do dagbewanyi towe hia to afọnnu, Podọ nugbo towe to zánmẹ zánmẹ,

PSALM 97:8

Ziọni sè, homẹ etọn hùn, Oviyọnnu Juda tọn lẹ jaya, OKLUNỌ È, Na whẹ̀dida towe tọn wutu.

MIKA 6:8

Hiẹ dawe, ewọ ko do núhe yín dagbe hia we; podọ etẹ̀ wẹ OKLUNỌ to kinkanbiọ sọn de we, adavo nado nọ yí nugbo do wà, podọ nado yiwanna lẹblanu, podọ nado nọ yí whiwhẹ do zinzọnlin po Jiwheyẹwhe towe po.

LOMUNU LẸ 11:22

Enẹwutu dayi dagbe po fifiẹ Jiwheyẹwhe tọn po go: hlan yé he jai lẹ dali fifiẹ; ṣigba hlan hiẹ dali, dagbe, eyín hiẹ nọte to dagbe etọn mẹ: eyín é ma yín mọ yè na sán hiẹ sẹ ga.