PSALM 100:3 - BIBLU WIWE LỌ 1923

³ Mì ni yọnẹn dọ OKLUNỌ ewọ wẹ Jiwheyẹwhe: Ewọ wẹmẹhe da mí, etọn wẹ míwlẹ; Omẹ etọn wẹ mí, lẹngbọ yìndugbo etọn tọn.

PSALM 100:3 Iomraidhean Croise

2 AHỌLU LẸ 19:19

Enẹwutu dinvie, OKLUNỌ È Jiwheyẹwhe mìtọn, hiẹ ni whlẹn mi sọn alọ etọn mẹ, yẹn vò we, na ahọludu aigba tọn lẹpo nido yọnẹn dọ hiẹ wẹ OKLUNỌ Jiwheyẹwhe, yèdọ hiẹ sokẹdẹ.

1 OTÀNNUGBO LẸ 16:14

Ewọ wẹ OKLUNỌ Jiwheyẹwhe mìtọn: Whẹ̀dida etọn lẹ tin to aigba lẹpo ji.

OWÈ JOB TỌN. 10:3

Bé é yín dagbe hlan we bọ hiẹ na do bianukunnamẹ, Bọ hiẹ na do vlẹ tukla jẹ alọ towe lẹ tọn, Bo sọ to sisẹ́ to hónamẹ mẹylankan lẹ tọn ji?

PSALM 119:73

Alọ towe wẹ da mi bo sọ wànà ṣie. Na nuyọnẹn mi, na yẹn nido plọ́n gbèdide towe lẹ.

PSALM 12:4

Mẹhe dọmọ, Odẹ́ mítọn wẹ mí na do gbawhàn; Nùflo mítọn wẹ mítọn: mẹnu wẹ OKLUNỌ to mí ji?

PSALM 149:2

Mì gbọ Islaeli ni jaya to ewọ he da ẹ mẹ: Mì gbọ ovi Zioni ton lẹ ni yín ayanọ to ahọlu yetọn mẹ

PSALM 46:10

Mì ṣite abọẹ, na mì ni yọnẹn dọ yẹn wẹ Jiwheyẹwhe; Yè na zé mi daga to aihọn mẹ.

PSALM 78:52

Ṣigba é plan omẹ etọn titi lẹ yì di lẹngbọ, Bo sọ deali na yé to zùngbo mẹ di opá kanlin tọn,

PSALM 79:13

Mọ mí omẹ towe lẹ podọ lẹngbọ yindugbo towe tọn lẹ, Na nọ na opẹ́ we doidoi: Mí na do pipa towe hia jẹ whẹndo lẹpo mẹ.

PSALM 95:3

Na OKLUNỌ Jiwheyẹwhe daho de wẹ, Ahọlu daho de to yẹwhe lẹ ji.

Eksọdusi 6:7

Podọ yẹn na yí mì hlan dẽ na gbẹtọ de, yẹn nasọ yín Jiwheyẹwhe de hlan mì: mìwlẹ nasọ yónẹn dọ yẹn wẹ Jehova Jiwheyẹwhe mìtọn, he hẹn mì tón sọn agbàn Egiptinu lẹ tọn glọ.

YEWHEHÓDỌTỌ 12:1

FLIN medatọ towe to azán ovú whenu towe tọn, whenuena azán oylan tọn ma ko wá, bọ owhè ma ko sẹyamẹ, whenuena hiẹ na dọmọ, yen ma tindo homẹhùn to yé mẹ gba.

ISAIA 63:11

Whenẹnu wẹ é flin azán hóhó, Moṣe, po omẹ etọn lẹ po, dọmọ, fie wẹ ewọ he hẹn yé hẹji sọn ohù mẹ te, ewọ po lẹngbọhọtọ lẹngbọpa etọn tọn po, Fie wẹ ewọ he yí Gbigbọ Wiwe etọn do gblagbla yetọn mẹ te?

ISAIA 63:19

Towe wẹ mí; hiẹ ma ko dugán do yé ji gbède: yè ma sọ ylọ oyín towe do yé go.

ISAIA 64:7

Mẹde ma tin he to oyín towe ylọ, bo zé ede doaga nado hẹn ogo we: na hiẹ yí nukun towe whla sọn mí de, bo sọ sú mí do, na ylando mítọn wutu.

JẸLEMIA 10:10

Ṣigba OKLUNỌ wẹ Jiwheyẹwhe to nugbo mẹ; ewọ wẹ Jiwheyẹwhe ogbónọ, podọ ahọlu madopodo de: to homẹgble etọn me aigba sisọ, podọ akọta lẹ ma sọ tin sọgan nado dakónna adanjijẹ etọn.

EZEKIELI 34:11

Na le wẹ OKLUNỌ Jiwheyẹwhe dọ: Dayi e go, Yẹn lọsu, yèdọ Yẹn, na din lẹngbọ ṣie lẹ mọ, bo sọ din yé yì.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

EFESUNU LẸ 2:10

Na mìwlẹ wẹ alọnuzọ́n etọn, he yè da to Klisti Jesu mẹ na àzọ́n dagbe lẹ, ehe Jiwheyẹwhe ko dè dai donukọn na mí nido nọ zinzọnlin to yé mẹ.

Deutelonomi 32:15

Ṣigba Jẹsuluni lẹzún ojonọ, bo to whẹsó: Hiẹ tin lẹzùn ojonọ, hiẹ yín whinwhẹn tli, hiẹ tin lẹzùn mimẹ̀ Whenẹnu ewọ gbé Jiwheyẹwhe he basi i dai, Bo ma sọ hò Osé whlẹngan etọn tọn lọ pọ́n gba.

Deutelonomi 32:6

Gbẹtọ nulunọ podọ gugutọ È, le wẹ mì na suahọ OKLUNỌ lọ do? Ewọ ma wẹ otọ́ towe he tindo we? E wọ wẹ ko basi we bo sọ hẹn we li.

Deutelonomi 4:35

Yè do e hia hlan we, na hiẹ nido yọnẹn dọ OKLUNỌ lọ ewọ wẹ Jiwheyẹwhe; devo de ma tin dogó ẹ gba.

Deutelonomi 4:39

Enẹwutu a ni yọnẹn to egbé he, bo sọ yí i do ayiha towe mẹ, dọ OKLUNỌ lọ ewọ wẹ Jiwheyẹwhe to olọn mẹ aga podọ to aigba ji todò: devo de ma tin finẹ gba.

Deutelonomi 7:9

Enẹwutu yọnẹn dọ OKLUNỌ lọ Jiwheyẹwhe towe, ewọ wẹ Jiwheyẹwhe; Jiwheyẹwhe nugbonọ lọ, he nọ payi alẹ́nu po lẹblanu po go hẹ yé he yiwanna ẹn bo sọ ayipa gbèdide etọn lẹ go jẹ whẹndo lẹ fọtọ́n de;

1 PITA 2:25

Na mì ko taidi lẹngbọ he buali, ṣigba dinvie mí to lilégò do lẹngbọhọtọ lọ de, po bisọpu alindọn mìtọn lẹ tọn po.

1 PITA 2:9

Ṣigba mi wẹ whẹndo he yè dè, mẹhe yin tadọ yẹwhenọduta tọn, akọta wiwe, gbẹtọ na nudido Jiwheyẹwhe tọn titi: na mì nido jla pipa ewọ he ylọ mì sọn zinvlu mẹ do hinhọ́n ablanọ etọn tọn mẹ:

1 PITA 4:19

Enẹwutu mì gbọ yé he to yaji kẹdẹdi ojlo Jiwheyẹwhe tọn lẹ, ni yí ayiha yetọn do dagbe wiwà mẹ, hlan Mẹdatọ nugbonọ de.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.