NẸHEMIA 9:32 - BIBLU WIWE LỌ 1923

³² Enẹwutu dinvie, Jiwheyẹwhe mítọn, daho lọ, huhlọnnọ lọ, Jiwheyẹwhe dobu lọ, mẹhe nọ yìn alẹ̀nù po lẹblanu po, a dike tuklajẹ lẹpo sọawuhia pẹvi to nukọn towe blo, he ko wá mi ji, to ahọlu mítọn lẹ go, to ahọvi mítọn lẹ go, podọ to yẹwhenọ mítọn lọ go, podọ to yẹwhegán mítọn lẹ go, podọ to otọ́ mítọn lẹ go, podọ to omẹ towe lẹpo go, sọn ojlẹ ahọlu Asilia tọn lẹ tọn mẹ gbọn jẹ azán he gbè.

NẸHEMIA 9:32 Iomraidhean Croise

1 AHỌLU LẸ 8:23

Bo dọmọ, OKLUNỌ È, Jiwheyẹwhe Islaeli tọn, Jiwheyẹwhe de ma tin to fine di we, to olon mẹ to aga, kavi to aigba go to oglọ; he nọ yìn alẹ̀nù po lẹblanu po he mẹmẹsi etọn lẹ, he yí ayiha yetọn lẹpo do zinzọnlin to nukọn towe.

2 AHỌLU LẸ 15:19

Puli ahọlu Asilia tọn wá aigba lọ ji: Mẹnahẹmi sọ na talẹnti fataka tọn fọtọ́n Puli, na alọ etọn nido tin to e de nado bẹn ahọludu lọ li to alọ etọn mẹ.

2 AHỌLU LẸ 15:29

To azán Pẹka ahọlu Islaeli tọn tọn lẹ mẹ wẹ Tiglati-pilẹsẹli ahọlu Asilia tọn wá, bo yí Ijọni, po Abẹli-bẹti-maaka po, po Janoa po, po Kedasi po, po Hazọli po, po Gileadi po, po Galile po, po aigba Naftali tọn lẹpo po; é sọ bẹ́ yé yi mẹglọnọ jẹ Asilia.

2 AHỌLU LẸ 17:23

kaka OKLUNỌ do diọtẹnna Islaeli tọ́n sọn nukọn etọn, dole é dọ do gbọn alọ mẹmẹsi etọn yẹwhegán lẹpo tọn mẹ Mọwẹ yè bẹ́ Islaeli tón yì sọn aigba yetọn titi ji jẹ Asilia, kakajẹ azán he gbè.

2 AHỌLU LẸ 17:3

E ji wẹ Ṣalmanẹseli ahọlu Asilia tọn hẹji wá; Hosea sọ lẹzùn mẹmẹsi etọn, bo sọ hẹn nunina lẹ wá.

2 AHỌLU LẸ 17:6

To owhè ṣinẹnẹtọ Hosea tọn mẹ, wẹ ahọlu Asilia tọn yí Samalia, bo bẹ́ Islaeli yì jẹ Asilia, bo dotẹnna yé to Hala mẹ, podọ to Habọli mẹ, to otọ́ Gozani tọn go, podọ to tòdaho Mẹdẹsi lẹ tọn lẹ mẹ.

2 AHỌLU LẸ 23:29

To azán etọn le mẹ wẹ Falo-neko ahọlu Egipti tọn heji yì péhẹ ahọlu Asilia tọn to otò Èuflate tọn kọ̀n. Josia ahọlu sọ hẹji yì péhẹ ẹ; ewọ sọ hù i to Mẹgido, whenuena é mọ ẹn.

2 AHỌLU LẸ 25:7

Yé sọ hù visunnu Zẹdekia tọn lẹ to nukun etọn lẹ nukọn, bo sọ dè nukun Zẹdekia tọn lẹ jẹgbonu, bo sín in do afọgàn lẹ mẹ, bo sọ hẹn ẹn yì jẹ Babilọni.

ẸZLA 4:10

po pipòtọ akọta lẹ tọn lọ po, mẹhe Ouiapali daho yẹyinọ lọ hẹn hẹji wálẹ, bo do yé tòdaho Samalia tọn mẹ, podọ to pipòtọ otò lọ tọn mẹ to otò lọ gododọ̃n, po mẹmonkọ lẹ po.

ẸZLA 4:2

whenẹnu wẹ yé dọ̀n sẹpọ́ jẹ Zelubabẹli de, po nukọntọ owhé otọ́ le tọn lẹ po de, bo dọ hlan yé dọmọ, Mì gbọ mí ni dó hẹ mì: na mìwlẹ to Jiwheyẹwhe mítọn din, dile míwlẹ to wiwà do; míwlẹ sọ to avọ́ basi hlan e de, sọn azán Èsali-hadọni ahọlu Asilia tọn lẹ tọn mẹ gbọn, he hẹn mí hẹji wá file.

ẸZLA 9:13

Podọ to enẹ lẹpo godo yè hẹn enẹ wá mí ji na owàlọ ylanylan mítọn lẹ, podọ na whèyìnylan daho mítọn, mimọ hiẹ Jiwheyẹwhe mítọn ko doyana mí whè hú le oylanwà mítọn lẹ biọ do, bo ko sọ na pipòtọ mọnkọ de mí.

NẸHEMIA 1:5

Bo dọmọ, OKLUNỌ E, Jiwheyẹwhe olọn tọn, Jiwheyẹwhe daho he dobu lọ, he nọ payi alẹ̀nù po lẹblanu po go to yé he yiwanna ẹn bo sọ nọ payi gbèdide etọn lẹ go, yẹn vẹ̀ we;

PSALM 47:2

Na OKLUNỌ Gigogán jiawu: Ewọ wẹ Ahọlu daho to aihọn lẹpo ji.

PSALM 66:3

Mì dọ hlan Jiwheyẹwhe, dọ, Na hiẹ jiawu do to azọ̀n towe lẹ mẹ Huhlọn towe susu mẹ wẹ kẹ̀ntọ towe lẹ na yí sisọsisọ do wá de we.

PSALM 66:5

Mì wá pọ́n azọ̀n Jiwheyẹwhe tọn; Ewọ jiawu to azọ̀n etọn mẹ hlan, ovi gbẹtọ lẹ tọn dali.

Eksọdusi 18:8

Moṣe dọ na yónwhẹn etọn ehe OKLUNỌ wà hian Falo podọ hlan Egiptinu lẹ na Islaeli tọn wutu, po tukla lẹpo po he pla yé to aliho, po le OKLUNỌ whlẹn yewlẹ do po.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

DANIẸLI 9:4

Yẹn sọ hodé hlan OKLUNỌ Jiwheyẹwhe ṣie, bo sọ basi ogbèyí, bo dọmọ, OKLUNỌ E, Jiwheyẹwhe osidahonọ lọ, he nọ yìn alẹ̀nù po lẹblanu po hẹ yé he yiwan nẹ bo sọ nọ yìn gbèdide etọn lẹ;

DANIẸLI 9:6

mọ míwlẹ ma ko sọ tuntóai hlan devi towe yẹwhegán lẹ gba, he dọhó to oyín towe mẹ hlan ahọlu mítọn lẹ, ahọvi mítọn lọ, po otọ́ mítọn lẹ po, podọ hlan omẹ aigba lọ ji tọn lẹpo.

DANIẸLI 9:8

OKLUNỌ È, oflu nukunmẹ tọn tin hlan míwlẹ, hlan ahọlu mítọn lẹ, hlan ahọvi mítọn lẹ, podọ hlan otọ́ mítọn lọ, na mí ko wàylando do ogo we wutu.

Levitiku 26:18

Pọdọ eyin mìwlẹ to onú helẹ me ma na tùntóai hlan mi jãnwẹ, whenẹnu yẹn na doyana mì whla ṣinawe dogó na ylando mìtọn lẹ

Levitiku 26:21

Podọ eyín mìlẹ zinzọnlin jagọ̀ hlan mi, bo ma na tùntóai hlan mi gba; yẹn na hẹn azóndème whla ṣinawe dogọ́ wá mì ji gbọn ylando mìtọn lẹ dali.

Levitiku 26:24

whenẹnu wẹ yen ga na zinzọnlin jagò hlan mì; yen bo nasọ họ̀ mì, yèdọ yẹn, whla ṣinawe na ylando mìtọn lẹ

Levitiku 26:28

whenẹnu yẹn nasọ zinzọnlin jagò hlan mì to adánjijẹ mẹ; podọ yẹn ga na doyana mì whla ṣinawe na ylando mìtọn lẹ.

Deutelonomi 7:12

E nasọ wá jọ, na mì tùntóai hlan whẹ̀dida helẹ wutu, bo sọ to ayihapa, nado nọ basi yé, wẹ OKLUNỌ lọ Jiwheyẹwhe towe na payiha alẹ́nu lọ go to de we po lẹblanu lọ po he é whle hlan otọ́ towe lẹ;

Deutelonomi 7:13

ewọ na yiwanna we, bo nọ dona we, bo hẹn we sùdeji: ewọ nasọ dona sinsẹ́n agbasa towe tọn ga po sinsẹ̀n aigba towe tọn po, gbadó towe po ovẹ̃n towe po po amì towe po, jideji oyin towe lẹ tọn po lẹngbọvi lẹngbọpa towe lẹ tọn po, to aigba lọ ji he ewọ whle hlan otọ towe lẹ nado na yé.

Deutelonomi 7:21

Yè ma na hẹn we yín avosatọ na yé gba: na OKLUNỌ lọ Jiwheyẹwhe towe tin to gblagbla hiẹ tọn mẹ, Jiwheyẹwhe kiklo de podọ didobu de.

Deutelonomi 7:9

Enẹwutu yọnẹn dọ OKLUNỌ lọ Jiwheyẹwhe towe, ewọ wẹ Jiwheyẹwhe; Jiwheyẹwhe nugbonọ lọ, he nọ payi alẹ́nu po lẹblanu po go hẹ yé he yiwanna ẹn bo sọ ayipa gbèdide etọn lẹ go jẹ whẹndo lẹ fọtọ́n de;