NẸHEMIA 9:25 - BIBLU WIWE LỌ 1923

²⁵ Yé sọ yí tòdaho dokọnọ lẹ, po aigba ojonọ de po, bo sọ tindo ohọ̀ lẹ gigọ na onú dagbe lẹpo, odla kùnkùn lẹ, ovẹ́ngle lẹ, po olivieligle lẹ po, po atin sinsẹ́nnọ lẹ po to ogégé mẹ: mọwẹ yé dù, bo sọ yín gigónọ, bo sọ lẹzùn ojonọ́, bo nahomẹhùn yéde to dagbewà towe daho mẹ.

NẸHEMIA 9:25 Iomraidhean Croise

1 AHỌLU LẸ 14:9

ṣigba bo ko wà oylan hugan mẹhe tin to nukọn towe lẹpo, bo ko sọ yì bo basi yẹwhe devo lẹ na we, po bosiọ kinkòn lẹ po, nado hẹn mi gblehomẹ hlan adi, bo ko sọ ze mi dlan godo towe:

1 AHỌLU LẸ 8:66

To azán sinatòntọ gbè é do gbẹtọ lẹ hlan yì, yé sọ dona ahọlu, bo yì gohọ̀ yetọn lẹ kọ́n gọ́nayajẹ po homọhùn ayiha tọn po na dagbewanyi he OKLUNỌ dohia hlan Davidi mẹmẹsi etọn, podọ hlan Islaeli omẹ etọn lọ.

NẸHEMIA 9:35

Na yé ma sẹ̀n we to ahọludu yetọn mẹ gba, podọ to dagbewà towe daho mẹ he hiẹ na yé, podọ to aigba daho ojonọ̀ he hiẹ na to ye nukọn, mọ yé ma sọ ló sọn azọ́n ylankan yetọn lẹ mẹ gba.

PSALM 105:44

Bo yi aigba kosi lẹ tọn na yé: Yé sọ yí azọ́n gbẹtọ lẹ tọn to nutindo mẹ;

PSALM 65:11

Hiẹ yí dagbe towe do ṣinyọn gbakun na owhè: Omọ́ towe lẹ to ojó kùn.

HÓWHÍNWHÉN LẸ 30:9

Na yẹn nikã dù gọ̀ho hugán bo mòn we, dọ, Mẹnu wẹ OKLUNỌ lọ? Kavi dọ yẹn niká yín hẹntọnọ bo sọ finnú, na yẹn nikã wàylan do oyín Jiwheyẹwhe ṣie tọn go.

ISAIA 6:10

Hẹn ayiha omẹ helẹ tọn tliji, bo hẹn otó yetọn pẹ́n, sú nukun yetọn na yé nikã yí nukun yetọn do mọ, bo sọ yí otó yetọn do sè, na yé niká yí ayiha yetọn do yónẹn, na yé niká diọ, na yè nikã hẹnazọ̀ngbọna yé.

ISAIA 63:7

Yẹn na dọhó homẹdagbe OKLUNỌ tọn tọn, po pipa OKLUNỌ tọn po kẹdẹdi ehe OKLUNỌ ko yí na mí lẹpo, podọ dagbe daho do owhé Islaeli tọn go, he ewọ ko yí na yé, kẹdẹdi lẹblanu etọn, podọ kẹdẹdi susugege homẹdagbe etọn tọn.

JẸLEMIA 2:7

Bọ yẹn hẹn mì biọ otò ojijẹ tọn de mẹ, nado dù sinsẹ́n finẹtọn po nudagbe finẹtọn po; ṣigba whenuena mì biọ e mẹ, mì fiu aigba ṣie, bo sọ hẹn ogúigba ṣie zùn osùnú de.

JẸLEMIA 31:14

Yẹn na sọ yí ojó do hen alindọn yẹwhenọ lẹ lọ tọn mọawu, yè na sọ yi dagbewà do pékòna ome ṣie lẹ, wẹ OKLUNỌ dọ.

JẸLEMIA 32:23

yé sọ wá e mẹ, bo yí i na nutindo; ṣigba yé ma sètónuna ogbè towe gba, bo ma sọ zinzọnlin to osén towe mẹ gba; yé ma ko wà núde sọn ehe hiẹ degbèna yé lẹpo mẹ nado wà gba: enẹwutu wẹ hiẹ hẹn oylan he lẹpo nado wá yé ji:

EZEKIELI 20:6

to azán nẹ gbè yẹn zé alọ ṣie daga hlan yé, nado hẹn yé jegbonu wá sọn aigba Egipti tọn mẹ biọ aigba he yẹn ko pó dai na yé de mẹ, he yí oyìnnọ́ po owín po do to sisa, he yín gigo aigba lẹpo ton:

DANIẸLI 11:24

To ojlẹ jijọho tọn mẹ wẹ ewọ na wá yèdọ otẹn jonọ gbétatò lọ tọn lẹ ji; ewọ bo na sọ wà enẹ he otọ etọn lẹ ma ko wà, mọ otọ́ otọ́ etọn lẹ tọn lọ ma gba; ewọ na vúnvún àmánanú to yé ṣẹnṣẹn, po ogblannú po, po adọkunnu po: mọwẹ, ewọ na bladọ núbladọ etọn lẹ do figángán lẹ lọ go, yèdọ na ojlẹ de.

HOSEA 13:6

Kẹdẹdi kanlindùgbo yetọn, mọwẹ yè góhòna yé do; yè gọhona yé, ayiha yetọn sọ yín zédaga: enẹwutu wẹ yé ko do wọn mi.

HOSEA 3:5

enẹgodo wẹ ovi Islaeli tọn lẹ na lẹ́gọ̀, bo na din OKLUNỌ Jiwheyẹwhe yetọn, po Davidi ahọlu yetọn po; bo na sọ wá po osi po jẹ OKLUNỌ de podọ jẹ dagbewanyi etọn mẹ to azán agọ̀gbọnẹn lẹ lọ mẹ.

LOMUNU LẸ 2:4

Kavi hiẹ to adọkun dagbewà, linsinsinyẹn, po homẹfa etọn po vlẹ; bo ma yọnẹn dọ dagbewà Jiwheyẹwhe tọn to dido we hlan lẹnvọjọ de?

Deutelonomi 3:5

Ehelẹ pó wẹ tòdaho dòkọnọ lẹ po adó yìaga lẹ po, hòngbo lẹ, po gànpatin lẹ po; dogó tòmimlin lẹ sùsù gégé de.

Deutelonomi 32:13

E hẹn ẹn hẹ́ ofi yìji aigba tọn lẹ ji, E bo sọ dù jideji oglegbo lọ tọn; E bo sọ hẹn ẹn gbẹ́n owín sọn osé lọ mẹ, Podọ amì sọn osé okẹ́nnọ lọ mẹ;

Deutelonomi 32:14

Anọsinhiho oyin lẹ tọn, po anọsìn lẹngbọ lẹ tọn po, Po ojó lẹngbọvu lẹ tọn po, Podọ agbò sọn okún Baṣani tọn lẹ lọ tọn mẹ, po gbọgbọẹ lẹ po Po ojó ahún likún tọn lẹ lọ tọn po; Podọ hiẹ nù ovẹ̃n sọn ohùn vẹ̃nsinsén lọ tọn mẹ.

Deutelonomi 32:15

Ṣigba Jẹsuluni lẹzún ojonọ, bo to whẹsó: Hiẹ tin lẹzùn ojonọ, hiẹ yín whinwhẹn tli, hiẹ tin lẹzùn mimẹ̀ Whenẹnu ewọ gbé Jiwheyẹwhe he basi i dai, Bo ma sọ hò Osé whlẹngan etọn tọn lọ pọ́n gba.