NẸHEMIA 9:15 - BIBLU WIWE LỌ 1923

¹⁵ bo sọ na akla yé sọn olọn mẹ na ohùvẹ́ yetọn, bo sọ hẹn osìn tọ́n wá na yé sọn osé mẹ na nùgbla yetọn, bo sọ degbèna yé na do yì emẹ nado tindo aigba lọ he hiẹ ko zé alọ towe daga nado na yé.

NẸHEMIA 9:15 Iomraidhean Croise

Gẹnẹsisi 14:22

Ablam sọ dọ hlan ahọlu Sọdọmi tọn, dọmọ, Yẹn ko zé alọ ṣie daga hlan OKLUNỌ Jiwheyẹwhe Gigogán didatọ olọn po oké po tọn,

NẸHEMIA 9:20

Hiẹ yí gbigbọ dagbe towe jó ga nado naplọn yé, bo ma sọ dè mana towe sọn onù yetọn gba, bo sọ yí osìn na yé na nùgbla yetọn.

PSALM 114:8

He diọ osé zùn otándo osìn tọn de, Podọ okẹ́n zùn osisanuvo osìn lẹ tọn de.

Eksọdusi 16:4

Whenẹnu wẹ OKLUNỌ dọ hlan Moṣe dọ, Dayi e go, yẹn na ja akla jikun sọn olọn na mì; gbẹtọ lẹ na sọ tón yì bo sọ nọ ṣinyan mimá azán dopo tọn egbésọ egbesọ, na yẹn nido whlé yé pọ́n, eyín yé na zinzọnlin to osẹ́n ṣie mẹ kavi lala

Eksọdusi 17:3

Vẹhú gbẹtọ lẹ to finẹ na osìn; gbẹtọ lẹ sọ hunlun do Moṣe go, bo dọmọ, Etẹwutu wẹ hiẹ hen mí tón sọn Egipti, nado yí hùvẹ do hù mí po ovi mítọn le po po kanlinyìnyìn mìtọn lẹ po?

Eksọdusi 17:6

Dayi e go, Yẹn na site nukọn towe to finẹ to osé lọ ji to Holẹbi; hiẹ na linu osé lọ, osìn na sọ tón wá sọn e mẹ, na gbẹtọ lẹ nido nù. Moṣe sọ wà mọ to nukun meho Islaeli tọn lẹ tọn mẹ.

Eksọdusi 6:8

Yẹn nasọ hen mì yì aigba lọ ji, ehetọn dali yẹn zé alọ ṣie daga nado na ẹn hlan Ablaham, hlan Isaki, podọ hlan Jakobu: yẹn nasọ yí i na mì na ogú de. Yẹn Jehova wẹ.

ISAIA 48:21

Nugbla ma hù yé whenuena ewọ plan yé gbọn zùngbo mẹ; na é hẹn osìn sà sọn osé mẹ na yé wutu: é sọ zé awinyan ga, osìn sọ túntún jẹgbonu.

JẸLEMIA 32:23

yé sọ wá e mẹ, bo yí i na nutindo; ṣigba yé ma sètónuna ogbè towe gba, bo ma sọ zinzọnlin to osén towe mẹ gba; yé ma ko wà núde sọn ehe hiẹ degbèna yé lẹpo mẹ nado wà gba: enẹwutu wẹ hiẹ hẹn oylan he lẹpo nado wá yé ji:

EZEKIELI 20:15

Humọ ga yẹn zé alọ ṣie daga hlan yé to zungbo lọ mẹ, dọ yẹn ma na hẹn yé wá biọ aigba he yẹn na yé mẹ gba, he yí oyìnnọ́ po owín po do to sisa, he yín gigo aigba lẹpo tọn;

Osọha lẹ 14:30

nugbonugbo mìwlẹ ma na wá aigba lọ mẹ gba, gbọn ehe tọn dali yẹn ze alọ ṣie daga dọ yen na hẹn mì nò e me finẹ, adavo Kalẹbi visunnu Jẹfunnẹ tọn lọ, po Jọsua visunnu Nuni tọn lọ po.

Deutelonomi 1:21

Dayi e go, OKLUNỌ lọ Jiwheyẹwhe towe ko zé aigba lọ do nukọn towe: hẹji yì, yí nútindona, dile OKLUNỌ lọ, Jiwheyẹwhe otọ towe lẹ tọn lọ, ko dọhó hlan we do; a dibu blo, mọ a sọ yin oflunọ blo.

Deutelonomi 1:8

Dayi e go, yẹn ko zé aigba lọ do mì nukọn: mì yì e mẹ bo tindo aigba lọ he OKLUNỌ lọ whle hlan otọ́ mìtọn lẹ, hlan Ablaham, hlan Isaki, podọ hlan Jakob, nado na hlan yé podọ hlan okún yetọn to yé godo.

Deutelonomi 8:3

E sọ hòhuwhẹ we, bo hẹn húvé hù we, bo sọ yí mana do yìn we, he hiẹ ma yọnẹn, mọ otọ towe lẹ ma yọnẹn gba; na é nidọ hẹn we yọnen dọ gbẹtọ ma togbẹ̀ gbọn núdùdù kẹdẹ dali gba, ṣigba gbọn onú dopodopo he tọnsọn onù OKLUNỌ lọ tọn mẹ jẹgbonu dali wẹ gbẹtọ togbẹ̀ te.