NẸHEMIA 9:12 - BIBLU WIWE LỌ 1923

¹² Huganmọ hiẹ plan yé yì to odòtin aslọ tọn de mẹ to okle; podọ to odòtin miyọn tọn de mẹ to ozán mẹ, nado na hinhọn yé to aliho he mẹ yé do gbọn yí.

NẸHEMIA 9:12 Iomraidhean Croise

NẸHEMIA 9:19

gãnṣo hiẹ to lẹblanu yẹndawe towe lẹ mẹ ma gbé yé dai to zùngbo lọ mẹ gba: dotin aslo tọn lọ ma fọ́nyì sọn yé ji to okle, nado plan yé yí to aliho lọ mẹ; kavi dòtin miyọn tọn lọ to ozán mẹ, nado do hinhọ́n hia yé, podọ aliho ehemẹ yé do gbọn yì.

PSALM 105:39

E dlẹn aslọ de na yẹhẹ; Podọ miyọn nado na hinhọ́n to ozán mẹ.

PSALM 107:7

E do yé ga gbọn aliho jijlọ ji, Na yé nido yì otòdaho fininò tọn de mẹ.

PSALM 143:8

Hẹn mi sè dagbewanyi towe to afọnnu; Na hiẹ go wẹ yẹn dotudo: Hẹn mi yọ́n aliho he ji yẹn na zinzọnlin gbọn; Na yẹn zé ayiha ṣie daga hlan we.

PSALM 78:14

To okle ga é yí aslọ do basi alihiamẹtọ yetọn, Podọ to ozán mẹ lẹpo po hinhọ́n, miyọn tọn po.

Eksọdusi 15:13

Hiẹ to dagbewanyi towe me ko hiali gbẹtọ he hiẹ ko fhinlẹ: Hiẹ ko gọkọna yé to huhlọn towe mẹ hlan fininọ̀ wiwé towe.

EZEKIELI 20:6

to azán nẹ gbè yẹn zé alọ ṣie daga hlan yé, nado hẹn yé jegbonu wá sọn aigba Egipti tọn mẹ biọ aigba he yẹn ko pó dai na yé de mẹ, he yí oyìnnọ́ po owín po do to sisa, he yín gigo aigba lẹpo ton:

Osọha lẹ 9:16

Mowẹ é te whepoponu: aslọ lọ ṣinyọn ẹn, po awusọhia miyọn lọ tọn po to ozánmẹ.

Osọha lẹ 9:21

Podọ whedẽlẹnu aslọ lọ nọ tin sọn whèjai kakajẹ afọnnu; podọ whenuena yè zé aslọ lọ daga to afọnnu lọ mẹ, yé nọ jẹgbéjizọnlin ji: kavi eyín é nọai to okle po ozán po, whenuena yo zé aslọ daga yé nọ jẹgbójizọnlin ji.

Deutelonomi 1:33

mẹhe yìyì mì nukọn to aliho lọ mẹ, nado din otẹn de mọ na mì nado pọ́n ogohò mìtọn lẹ do, to miyọn mẹ to ozán mẹ, nado dohia mì aliho he mì do gbọn yì lọ, podọ to aslọ lọ mẹ to okle.