NẸHEMIA 9:1 - BIBLU WIWE LỌ 1923

¹ DINVIE to azán kònukunẹnẹtọ osùn he tọn mẹ wẹ yè yí nùbibla, po odẹ́vò po, po kọ́gudu po to yé ji, do bẹ́ ovi Islaeli tọn lẹ pli.

NẸHEMIA 9:1 Iomraidhean Croise

2 SAMUẸLI 1:2

yèdọ é sọ wá jọ to azán atọ̀ntọ gbè, wẹ, dayi e go, dawe de tón wá sọn osla mẹ sọn Sauli de po avọ̀ etọn lẹ po tintlẹn, to okọ́ po to ota etọn: podọ mọwẹ é, yín, whenuena é wá Davidi de, wẹ é dé hlan aigba, bo kanwhébiọ.

2 OTÀNNUGBO LẸ 20:3

Jehọṣafati sọ dibu bo zé ede do nado din hlan OKLUNỌ de; é sọ lá nùbibla de lẹ́do Juda lẹpo pé.

2 OTÀNNUGBO LẸ 7:10

To azán kònuatòntọ osùn ṣinawetọ tọn ji é do gbẹtọ lẹ hlan yì jẹ ogohò yetọn lẹ mẹ, ayajẹnọ po homẹvivinọ ayiha tọn po na dagbewà he OKLUNỌ dohia hlan Davidi, podọ hlan Sọlọmọni, podọ hlan Islaeli omẹ etọn lẹ.

ẸZLA 8:21

Whenẹnu wẹ yẹn demìsẽluna núbibla de to finẹ, to otò Ahava kòn, na mí nido whiwhẹ mìde to Jiwheyẹwhe mítọn nukọn, nado nọ din alọ jlọjlọ de sọn ewọ mẹ, na mí, podọ na omẹ flinflin mítọn lẹ, podọ na agbàn mítọn lẹpo.

ẸZLA 8:23

Mowẹ mí blanú bo sọ vẹ́ Jiwheyẹwhe mítọn na ehe: é sọ yín mẹvẹ́vèna sọn mí de.

NẸHEMIA 8:2

Ẹzla yẹwhenọ lọ sọ hẹn osẹ́n lọ wá agùn lọ nukọn, sunnu po yọnnu po, po ehe sọgan yí wuntùntùn do sè lẹpo po, to azán tintan osùn ṣinawetọ lọ tọn ji.

ẸSTELI 4:16

Yì, sinyan Ju he tinai to Ṣuṣani mẹ lẹpo plidopọ, mì ni bo blanù na mi, ma du ma nù azán atọ́n, zánmẹ kavi okle: Yẹn ga po deviyọnnu ṣie lẹ po na sọ blanù to wàlọ mọnkọ mẹ; podọ mọwẹ yẹn na yì whégbè jẹ ahọlu lọ de, he ma tin kẹdẹdi osẹ́n gba: podọ eyín yẹn súdo, yẹn súdo.

ẸSTELI 4:3

Podọ to tòyíyí dopodopo mẹ, fidepope gbèdide ahọlu lọ tọn po aṣẹ etọn po wá, finẹ wẹ awubla daho te to Ju lẹ ṣẹnṣẹn, po nùbibla po, po avi po, po hukuhlu po

OWÈ JOB TỌN. 2:12

Whenuena yé zé nukun yetọn lẹ daga to olá dọ́n, bo ma yọn ẹn gba, yé zé ogbè yetọn daga, bo viavi; yé omẹ dopodopo sọ tlẹn awugbó etọn, bo sọ bà kọgudu hlan aga do ota yetọn lẹ ji.

ISAIA 22:12

To azán lọ gbè wẹ OKLUNỌ, Jiwheyẹwhe awhànpa lẹ tọn na ylọ nado viavi, nado blawu, podọ nado lùn odà, podọ nado bla odẹ́vọ̀ do ogo:

JOẸLI 2:12

Gãnṣo yèdọ dinvie, wẹ OKLUNỌ dọ, mì lẹ́ do dẽ po ayiha mìtọn lẹpo po, po nùbibla pọ, po avi po, podọ po awubibla po:

Levitiku 23:34

Dọhó hlan ovi Islaeli tọn lẹ lọ, dọmọ, To azán fọtọ̀ntọ osùn sinawetọ he tọn wẹ hùnwhẹ́ oflò lẹ tọn gbè na azán ṣinawe hlan OKLUNỌ lọ.

Levitiku 23:39

Gãnṣo to azán fọtọ̀ntọ osùn sinawetọ lọ tọn gbè, whenuena mì ko bẹ́ sinsẹ̀n aigba mìtọn tọn lẹ pli wá whégbè, mì na payi hùnwhẹ́ OKLUNỌ lọ tọn go hò azán ṣinawe: azán tintan na yín ogbọjẹ ayidego de tọn gbè, podọ azán sinatòntọ nasọ yín ogbọjẹ ayidego de tọn gbè.

JỌṢUA 7:6

Jọsua sọ tlẹn avè etọn lẹ, bọ hè jai to nukunmẹ etọn ji to alki OKLUNỌ tọn nukọn kakajẹ whèjai, ewọ po mẹho Islaeli tọn lẹpo; yé sọ yí kọgudu do ota yetọn lẹ ji.

OSỌHIA 11:3

Yẹn nasọ na huhlọn kunnudetọ ṣie awe lẹ, yé na dọdai hò azán fọṣidopo e lán kandeko, to odévò mẹ.

WHẸ̀DATỌ 20:26

Whenẹnu ovi Islaeli tọn lẹpo, po gbẹtọ lẹpo po, hẹji yì, bo wá Bẹtẹli, bo viavi, bo sinai finẹ to OKLUNỌ nukọn, bo blanù to azán nẹ gbè kaka jẹ whèjai; yé sọ na nunina avọ́ mimẹ̀ tọn lẹ po avọ́ nunina: jijọho tọn lẹ po to OKLUNỌ nukọn.

1 SAMUẸLI 4:12

Omẹ Bẹnjamini tọn de sọ họ̀nwezun tón sọn awhàn lọ mẹ, bo wá Ṣilo to gbèdoponẹ po avọ̀ etọn lẹ po tintlẹn, po kọgudu po to ota etọn.

1 SAMUẸLI 7:6

Yé sọ pli dopọ do Mizpa, bo dòn osìn, bo kòn ẹn dai to OKLUNỌ nukọn, bo sọ blanù to azán nẹ gbè, bo dọ to fìnẹ dọ, Mìwlẹ ko wàylando do OKLUNỌ go. Samuẹli sọ dawhẹ̀na ovi Islaeli tọn ẹ to Mizpa.