NẸHEMIA 8:10 - BIBLU WIWE LỌ 1923

¹⁰ Whenẹnu wẹ é dọ hlan yé dọmọ, Mì yì, dù ojó lọ, bo sọ nù vivi lọ, bo sọ do mimá lẹ hlan ewọ he yè ma wleawu núde tọn na: na azán he wiwe wẹ hlan OKLUNỌ mítọn: mì sọ yín adinọ blo; na ayajẹ OKLUNỌ tọn wẹ huhlọn mítọn.

NẸHEMIA 8:10 Iomraidhean Croise

1 AHỌLU LẸ 8:66

To azán sinatòntọ gbè é do gbẹtọ lẹ hlan yì, yé sọ dona ahọlu, bo yì gohọ̀ yetọn lẹ kọ́n gọ́nayajẹ po homọhùn ayiha tọn po na dagbewanyi he OKLUNỌ dohia hlan Davidi mẹmẹsi etọn, podọ hlan Islaeli omẹ etọn lọ.

1 OTÀNNUGBO LẸ 16:27

Gbégbòna po kiklo po tin to nukọn nẹ: Huhlọn po homẹvivi po tin to osẹn etọn mẹ.

NẸHEMIA 8:11

Mowẹ Levinu lẹ hẹn gbẹtọ lẹpo nabọẹ, dọmọ, Mì hẹn abọẹ mítọn go, na wiwe wẹ azán lọ; mì sọ yín adinọ blo.

NẸHEMIA 8:12

Gbẹtọ lẹpo sọ yì nado dù, podọ nado nù, podọ nado do mimá lẹ hlan, odọ nado basi ajògidi daho, na yé o tùnwun ohó he yè lá hlan yé lẹ wutu.

ẸSTELI 9:19

Enẹwutu wẹ Ju gbeta lẹ tọn lẹ, he nọnọ̀ otò madodòkọnọ lẹ mẹ yí azán wiẹnetọ osùn Adali tọn lọ do basi azán homẹhùn po ohùnwhówiwà po tọn de, podọ azán dagbe de, po dido mimá lẹ hlan omẹ de hlan omẹ de tọn po.

ẸSTELI 9:22

di azán lẹ ehe mẹ Ju lẹ tindo ogbọjẹ sọn kẹ̀ntọ yetọn lẹ si, podọ osùn lọ he yè diọ hlan yé sọn awubla mẹ do homẹhùn mẹ, podọ sọn ohòninò mẹ do azán dagbe de mẹ: na yé nido yí yé do basi azán hùnwhèwiwà po homẹhùn po tọn lẹ, po dido mimá lẹ hlan omẹ de hlan omẹ de tọn po, po nunina lẹ po hlan wamọnọ.

PSALM 149:2

Mì gbọ Islaeli ni jaya to ewọ he da ẹ mẹ: Mì gbọ ovi Zioni ton lẹ ni yín ayanọ to ahọlu yetọn mẹ

PSALM 89:17

Na hie wẹ gigo huhlọn yetọn tọn: Nukundagbe towe mẹ wẹ yè na zé azò mítọn daga te.

HÓWHÍNWHÉN LẸ 17:22

Homẹvivi hẹn póngbọ dagbe wá: Ṣigba homẹgble ayiha mẹ tọn hẹn ohú hú.

YEWHEHÓDỌTỌ 11:2

Yí mimá na ṣinawe podo na sinatòn ga, na hiẹ ma yón oylan he na tin to aigba ji.

YEWHEHÓDỌTỌ 2:24

Onú de ma yọn na gbẹtọ hú ni dù, bo sọ nù, podọ é ni hẹn ayiha etọn dù vivi onú dagbe tọn to magbọjẹ etọn mẹ. Ehe wẹ yen mọ ga dọ, Jiwheyẹwhe de wẹ é sọn.

YEWHEHÓDỌTỌ 3:13

Podọ na mẹdopodopo ni to dùdù, bo sọ to nùnù, na é ni to vivi magbọjẹ etọn lẹpo tọn dù, nunina Jiwheyẹwhe tọn wẹ.

YEWHEHÓDỌTỌ 5:18

Dayi, e go, ehe yẹn mọ nado yín dagbe bo sọ jẹ na omẹ de wẹ nado dù, bo sọ nù, na é ni sọ to jijọho dù to magbọjẹ etọn he é basi to owhè glọ lẹpo me, to gbẹ̀zán etọn lẹpo mẹ, he Jiwheyẹwhe yí nẹ̃: na ehe wẹ mimá eton.

YEWHEHÓDỌTỌ 9:7

To yìyì na dewe, yí ayajijẹ do to núdùdú towe dù, bo sọ yí homẹhùnhùn do to! ovẹ̃n towe nù: na Jiwheyẹwhe kẹalọyí azón towe to dinvie.

OHÀN SỌLỌMỌNI TỌN 5:1

Yẹn jẹ opá ṣiẹ mẹ, nọviyọnnu ṣie, yọnnu-yọ́yọ́, Yẹn ko bẹ́ ozúya ṣie po nuyònwán ṣie po pli: Yẹn ko dú wínjá ṣie po owín ṣie po; Yẹn ko nù vẹn ṣie po yìnnò po: Mì dùnú, mì họ́ntọn emì; Nù, yèdọ mì ni nù sù, mì mẹyiwanna lẹ.

ISAIA 49:5

Podọ dinvie wẹ OKLUNỌ dọ, mẹhe do mi sọn ohò mẹ nado yín devi etọn, nado hẹn Jakob gọ́ do e de, nado ṣinyan Islaeli pli, na yẹn nido yín gigonọ to nukun OKLUNỌ tọn mẹ, Jiwheyẹwhe ṣie na sọ yín huhlọn ṣie.

ISAIA 61:10

Yẹn na jaya susu to OKLUNỌ mẹ, gbigbọ ṣie na sọ yín ayajẹtọ to Jiwheyẹwhe ṣie mẹ; na é ko yí awù whlẹngán tọn do na mi, é ko yí avọ̀ dódó tọn ṣinyọnna mi, dile asisunọ nọ yí aṣọvọ̀ do doasọna ede, podọ dile asiyọ́yọ́ nọ yi aṣọdonu etọn do doasọna ede do.

JOẸLI 2:23

Enẹwutu mì ni yín homẹhùnnọ, mì ovi Ziọni tọn lẹ, bo sọ nọ jaya to OKLUNỌ Jiwheyẹwhe mìtọn mẹ: na ewọ na ojikun nukọntọn mì to dódó mẹ, ewọ bo sọ hẹn ojikun nado jẹte wá na mì, ojikun nukọntọn po ojikun agọ̀gbọnẹn po, to osùn tintan ji.

ZEKALIA 14:21

Mowẹ, ozẹ́n lẹpo to Jelusalẹm mẹ podọ to Juda mẹ na yín wiwe hlan OKLUNỌ awhànpa lẹ tọn: bọ yé he to avọ́sán lẹpo na wá bo dè sọn yé mẹ, bo nọ soakusìn to yé mẹ: podọ to azán nẹ mẹ Kananinu de ma na sọ tin to ohó OKLUNỌ awhànpa lẹ tọn tọn mẹ finẹ ba.

LUKU 11:41

Ṣogãn mì ni kuku nọ na nunina lẹblanu tọn sọn onú depope mì tindo mẹ, bo pọn, onu lẹpo na lẹzun wiwe hlan mì.

2 KỌLINTINU LẸ 8:2

Na le susugege zinzán yetọn tọn po ohẹn yetọn madodogbo po zùn susu hlan adọkun homẹdagbe yetọn tọn do, to whlẹpbn daho nukunbibia tọn mẹ.

FILIPPINU LẸ 3:4

Humọ yẹn do tindo tudido to agbasalan mẹ ga. Eyím mẹdepope lẹn dọ é tindo fie é na dotu to agbasalan mẹ te, ṣie wẹ hú:

OSỌHIA 11:10

Yé he tin to aigba ji lẹ nasọ jaya do yé ji, homẹ yetọn na vivi, yé nasọ nanú yénọzo; na yẹwhegán awe helẹ ko saya na yé he tin to aigba ji lẹ wutu.

1 SAMUẸLI 25:8

Kanbiọ yọ̀pọ sunnu towe lẹ, yé na dọ na we: enẹwutu gbọ yọ̀pọ sunnu lẹ ni mọ nukundagbe to nukun towe lẹ mẹ; na míwlẹ wá to azán dagbe he mẹ; yẹn vẹ́ we, na onú he wá alọ towe mẹ depope, hlan devi towe lẹ, podọ hlan visunnu towe Davidi.