NẸHEMIA 8:1 - BIBLU WIWE LỌ 1923

¹ GBẸTỌ lẹpo sọ bẹ́ yéde plidopọ di omẹ dopo do otẹn gbigblo he tin to osìn họngbo lọ nukọn; yé sọ dọhó hlan Ẹzla wékantọ lọ nado hẹn owé osén Moṣe tọn lọ tọn wá, he OKLUNỌ ko degbèna hlan Islaeli.

NẸHEMIA 8:1 Iomraidhean Croise

2 AHỌLU LẸ 23:2

Ahọlu sọ hẹji yì jẹ ohọ̀ OKLUNỌ tọn mẹ, po omẹ Juda tọn lẹpo po po tòmẹnu Jelusalẹm tọn lẹpo po to e de, po yẹwhenọ lẹ po, po yẹwhegán lẹ po, po gbẹtọ lẹpo po, pẹvi po daho po: é sọ hia ohó owé alẹ̀nù lọ tọn tọn lẹ he yè mọ to ohò OKLUNỌ tọn mẹ to otọ́ yetọn lẹ mẹ.

2 OTÀNNUGBO LẸ 34:15

Hilkia sọ gblọn bo dọ hlan Ṣafani wékantọ lọ dọmọ, Yẹn ko mọ owé osẹ́n tọn lọ to ohọ̀ OKLUNỌ tọn mẹ. Hilkia sọ jó owé lọ hlan Ṣafani.

2 OTÀNNUGBO LẸ 34:30

Ahọlu sọ hẹji yì jẹ ohọ́ OKLUNỌ tọn lọ mọ, po mẹho Juda tọn lẹpo po po tòmẹnu Jelusalẹm tọn lẹ po, po yẹwhenọ lẹ po, po Levinu lọ po, po gbẹtọ lẹpo po, daho po pẹvi po: é sọ hia to otọ́ yetọn lẹ mẹ ohó owé alẹ̀nù lọ tọn he yè mọ to ohọ̀ OKLUNỌ tọn mẹ tọn lẹpo.

ẸZLA 7:1

DINVIE to onú helẹ godo, to ahọludu Altakẹlikesi ahọlu Pẹlsia tọn tọn mẹ, Ezla visunnu Selaia tọn lọ, visunnu Azalia tọn lọ, visunnu Hilkia tọn lọ,

ẸZLA 7:10

Na Ezla ko zé ayiha etọn do nado to osén OKLUNỌ tọn din, podọ nado nọ basi i, podọ nado nọ plọnmẹ oséndoai lẹ po whẹ̀dida lẹ po to Islaeli mẹ.

ẸZLA 7:11

Dinvie ehe wẹ opón wlan ohówé lọ tọn he Altakẹlikesi ahọlu lọ na hlan Ezla yẹwhenọ lọ, wékantọ lọ, yèdọ wékantọ ohó gbèdide OKLUNỌ tọn lẹ tọn lẹ lọ tọn, po osẹ́ndoai etọn lẹ ton po hlan Islaeli

ẸZLA 7:6

Ezla he wẹ hẹji yì sọn Babi-lọni; é sọ yín wékantọ alọyatọ de to osén Moṣe tọn mẹ, he OKLUNỌ, Jiwheyẹwhe Islaeli tọn, ko na: ahọlu sọ na kanbiọ etọn lẹpo e, kẹdẹdi alọ OKLUNỌ Jiwheyẹwhe etọn tọn to e ji.

NẸHEMIA 12:26

Ehelẹ tin to azán Jọiakimi visunnu Jeṣua tọn tọn lẹ mẹ, visunnu Jozadaki tọn lọ, podọ to azán Nẹhemia otògán lọ tọn lẹ mẹ, po Ẹzla yẹwhenọ wékantọ lọ tọn po.

NẸHEMIA 12:37

podọ to asisa hóngboji dali, podọ to yé nukọn titegbè, wẹ yé nọ gbọn hẹji yì to aila tòdaha Davidi tọn tọn dali, to hihẹji yì adó lọ tọn, to aga ohọ̀ Davidi tọn, yèdọ jẹ osìn họ́ngboji hlan whèzẹtẹn dali.

NẸHEMIA 3:26

(Dinvie Nẹtinimi lẹ nọ nó Ofẹli mẹ jẹ otẹn pànnukọn osìn họ́ngboji hlan whèzẹtẹn dali po atọ̀họ̀ lọ he nọte tọ́n po.)

NẸHEMIA 8:16

Mowẹ gbẹtọ lẹ tọ́n yì, bo bọ́ yé wá, bo basi avajà lẹ na yéde, omẹ dopodopo to aga ohọ̀ etọn tọn ji, podọ to awánu yetọn le mẹ, podọ to akànmaho ohọ̀ Jiwheyẹwhe tọn tọn lẹ mẹ, podọ to otẹn gbigblo họ̀ngbo osìn tọn mẹ, podọ to otẹn gbigblo họ̀ngbo Eflaimi tọn tọn lọ mẹ.

NẸHEMIA 8:3

E sọ hia to e mẹ finẹ to otẹn gbigblo lọ nukọn he tin to osìn họ̀ngbo lọ nukọn sọn afọnnu fliflimẹ kakajẹ okleda, to nukun sunnu lẹ po yọnnu lẹ po tọn mẹ, po enẹlẹ he sọgan tùnwun po tọn; otọ́ gbẹtọ lẹpo tọn sọ yín sọwhètọ hlan owé osẹ́n lọ tọn.

ISAIA 8:20

Na osẹ́n po alènuhó po: eyín yé ma dọ kẹdẹdi ohó he, na hinhọ́n ma tin to yé mẹ wutu wẹ.

Levitiku 9:5

Yé sọ hẹn ehe Moṣe degbèna wá ogohò opli tọn lọ nukọn: agùn lẹpo sọ dòn sẹ́pọ bo site to OKLUNỌ lọ nukọn.

MALAKI 4:4

Mì nọ flin osẹ́n Moṣe devi ṣie tọn, he yẹn degbèna hlan en to Holebi mẹ na Islaeli lẹpo, yèdọ osẹ́ndoai lẹ po whẹ̀dida lẹ po.

MATIU 13:52

é sọ dọ hlan yè, dọmọ, Enẹwutu wẹ wekantọ dopodopo he yè hen zun nuplọntọ hlan ahọludu olọn tọn do tin jijlẹ do dawe he yín whènọ de go, ehe to onú yọyọ po hóhó po dè sọn adọkunnú etọn mẹ jẹgbonu.

MATIU 23:13

Ṣigba dindọn hlan mì, wekantọ lẹ, po Falesi lẹ po, yẹnuwàtọ I na mìwlẹ sú ahọludu olọn tọn to gbẹtọ lẹ nukọn wutu: mìlọsu ma biọ e mẹ, mọwẹ mì ma sọ dike mẹhe to na biọ e mẹ lẹ ni biọ e mẹ.

MATIU 23:2

Dọmọ, Wekantọ lẹ, po Falesi lẹ po sinai to aisintẹn Moṣe tọn mẹ:

MATIU 23:34

Enẹwutu, mì do ayi e go, yẹn do yẹwhegán lẹ hlan mì, po gbẹtọ nuyọnẹntọ lẹ po, po wekantọ lẹ po: mẹdelẹ to yé mẹ mì na hù, bo nasọ whè do satin go: podọ mẹdelẹ to yé mẹ mì nasọ hò to sinagọgu mìtọn lẹ mẹ, bo nasọ dohomẹkẹn sọn otò daho de mẹ jẹ otò daho de mẹ.

Deutelonomi 31:11

Whenuena yè hẹn Islaeli lẹpo wá nado sọawúhia to OKLUNỌ lọ Jiwheyẹwhe towe nukọn to otẹn he é na dè lọ mẹ hiẹ na hia osẹ́n he to Islaeli lẹpo nukọn to nisè yetọn mẹ.

WHẸ̀DATỌ 20:1

WHENẸNU wẹ ovi Islaeli tọn lẹpo tón yì gbonu, yè sọ pli agùn lọ dopọ di omẹ dopo, sọn Dani yèdọ jẹ Beẹl-seba, po aigba Gileadi tọn po hlan OKLUNỌ de to Mizpa.

WHẸ̀DATỌ 20:8

Gbẹtọ lẹpo sọ tite di omẹ dopo, dọmọ, Míwlẹ depope mí tọn ma jei gohò etọn mẹ gba, mọ míwlẹ depope mí tọn ma na diọkò hlan owhé etọn gbè gba.