NẸHEMIA 7:1 - BIBLU WIWE LỌ 1923

¹ DINVIE é sọ wá jọ, whenuena yè dó adó lọ, bọ yẹn ko sọ zé ohọ́n lẹ dote, bọ yè ko sọ dè họ̀njinọtọ lẹ po hànjitọ lẹ po po Levinu lẹ po,

NẸHEMIA 7:1 Iomraidhean Croise

2 AHỌLU LẸ 7:10

Mọwẹ yé wá bo yì hònjihọtọ tòdaho lọ tọn de: yé sọ dọ na yé, dọmọ, Míwlẹ wá jẹ osla Silianu lẹ tọn kọ́n, bo, dayi e go, omẹ de ma tin to finẹ gba, kavi ogbè gbẹtọ tọn, adavo osó lẹ to sínsín, po kẹtẹkẹtẹ lẹ po to sínsín, po gohọ̀ lẹ po dole yé te.

2 OTÀNNUGBO LẸ 31:2

Hẹzekia sọ dè okànta yẹwhenọ lẹ po Levinu lẹ tọn po kẹdẹdi okànta yetọn lẹ, omẹ dopodopo kẹkẹdi sinsẹ̀n etọn, yẹwhenọ lẹ lọ po Levinu lẹ lọ po na avọ́ nunina mimẹ̀ lọ podọ na avọ́ nunina jijọho tọn lẹ, nado nọ wàdẹvizọ́n, podọ nado nọ na avọ́ nunina opẹ́ lẹ tọn, podọ nado nọ na pipà to họ̀ngbo osla OKLUNỌ tọn lẹ tọn lọ mẹ.

ẸZLA 3:8

Dinvie to owhè awetọ wiwá jẹ ohọ̀ Jiwheyẹwhe tọn lọ mẹ yetọn tọn, to Jelusalẹm, to osùn awetọ mẹ, wẹ Zelubabẹli visunnu Sealtiẹli tọn lẹ ṣẹ̀, po Jeṣua visunnu Jozadaki tọn lọ po, po pipòtọ mẹmẹsunnu yetọn yẹwhenọ lẹ po, po Levinu lẹ po, po yé he yè hẹn sọn mẹglọnọ mẹ wá jẹ Jelusalẹm lẹpo po; bo sọ dè Levinu lẹ, sọn owhè òko mẹho lẹ mẹ podọ yìaga, nado tindo nugopọ́n azọ́n ohọ́ OKLUNỌ tọn lọ tọn.

NẸHEMIA 10:39

Na ovi Islaeli tọn lẹ po ovi Levi tọn lẹ po wẹ nọ hẹn avọ́ nunina zédlanga tọn, ogbadó tọn, ovẹ̃n tọn, amì tọn, do abò lẹ mẹ, fie nuzinzán fiwiwe tọn lẹ te, po yẹwhenọ he to devizónwà lẹ po, po hònjinọtọ lẹ po, po hànjitọ lẹ po: podọ mìwlẹ ma na gbẹ́ ohó Jiwheyẹwhe mítọn tọn lọ dai gba.

NẸHEMIA 11:3

Dinvie ehelẹ wẹ ogán gbeta tọn lẹ he nọ nọ̀ Jelusalẹm mẹ: ṣigba to tòdaho Juda tọn lẹ mẹ wẹ omẹ dopodopo nọ nọ̀ nutindo etọn mẹ to tòdaho yetọn lẹ mẹ, nado dọ, Islaeli lẹ, yẹwhenọ lẹ, po Levinu lẹ po, po Netinimi lẹ po, po ovi mẹmẹsi Sọlọmọni tọn lẹ tọn lẹ po.

NẸHEMIA 12:24

Podọ ogán Levinu lẹ tọn lẹ: Hasabia, Selebia, po Jeṣua visunnu Kadiniẹli tọn po, po mẹmẹsunnu yetọn lẹ po pànnukọn yé, nado nọ pà bo sọ nọ na opẹ́ lẹ kẹdẹdi gbèdide Davidi omẹ Jiwheyẹwhe tọn lọ tọn, hihọ́ pànnukọn hihọ́.

NẸHEMIA 6:1

DINVIE é sọ wá jọ, whenuena yè hẹnwádọ jẹ Sanbalati po Tobia po de, podọ jẹ Gẹsẹmi Alabianu lọ po de, podọ jẹ pipòtọ kẹ̀ntọ mítọn lẹ tọn po de, dọ yẹn ko dó adó lọ, podọ yè ma sọ pò kikẹ̀ de dai to finẹ gba; (mọ yèdọ jẹ ojlẹ nẹ mẹ yẹn ma ko zẹ́ ohọ́n họ̀ngbo lẹ tọn lẹ lọ dote gba;)

NẸHEMIA 6:15

Mowẹ yè vẹ̀ adó lọ to azán koatọ́ntọ osùn Eluli tọn mẹ, to azán kandewiawe mẹ.

NẸHEMIA 6:19

Yé sọ nọ dọhó owàlọ dagbe etọn lẹ tọn to nukọn ṣie, bo sọ nọ hẹn ohó ṣie lẹ wádọ nẹ̃. Tobia sọ do ohówé lẹ hlan nado do mi obu mẹ.