NẸHEMIA 4:3 - BIBLU WIWE LỌ 1923

³ Dinvie Tobia Ammọni lọ tin to e de, é sọ dọmọ, Yèdọ enẹ he yé dó, eyín wọtupọẹ de hẹji yì, é na gbà adó yetọn jannu tọn liai.

NẸHEMIA 4:3 Iomraidhean Croise

1 AHỌLU LẸ 20:10

Beni-hadadi sọ domẹhlan ẹn, bo dọmọ, Yẹwhe lẹ ni wà mọ hlan mi, podọ humọ ga, eyín kọ̀gudu Samalia tọn na pó na alọgogo lẹ na omẹ he hodo mi lẹpo.

1 AHỌLU LẸ 20:18

Ewọ sọ dọmọ, Eyín yè hẹn yé tọ̀n wá na jijọho, mì bé yé gbẹ̀te, kavi eyín yè hẹn yè tọ̀n wá na awhàn, mì bẹ́ yé gbẹte.

2 AHỌLU LẸ 18:23

Dinvie enẹwutu, yẹn vẹ̀ mì, mì na ogodenú lẹ hlan mẹmẹnu ṣie ahọlu Asilia tọn, yẹn na sọ na osé fọtọ́n awe hiẹ, eyín hiẹ tin sọgan to awà towe ji nado dè hihọtọ lẹ do yé ji.

NẸHEMIA 2:10

Whenuena Sanbalati Holoninu lọ, po Tobia mẹmẹsi, Ámmọmnu lọ po, sè linlin e tọn, é doadihomẹna yé gbahugbahu, na dọ yè hẹn omẹ de wá finẹ nado din jijọho ovi Islaeli tọn lẹ tọn.

NẸHEMIA 2:19

Ṣigba whenuena Sanbalati Holoninu lọ, po Tobia mẹmẹsi Ammọninu lọ po, po Gesẹmi Alabianu lọ po, sè e, yé sàn mí kò, bo sọ vlẹ mi, bo dọmọ, Eté wẹ onú he mìwlẹ to wiwà he? mìwlẹ na ṣiatẹ hẹ ahọlu lọ wẹ?

NẸHEMIA 6:1

DINVIE é sọ wá jọ, whenuena yè hẹnwádọ jẹ Sanbalati po Tobia po de, podọ jẹ Gẹsẹmi Alabianu lọ po de, podọ jẹ pipòtọ kẹ̀ntọ mítọn lẹ tọn po de, dọ yẹn ko dó adó lọ, podọ yè ma sọ pò kikẹ̀ de dai to finẹ gba; (mọ yèdọ jẹ ojlẹ nẹ mẹ yẹn ma ko zẹ́ ohọ́n họ̀ngbo lẹ tọn lẹ lọ dote gba;)

AVIGBÈ JẸLEMIA TỌN 5:18

Na osé Ziọni tọn lọ, he yín ojẹvè; Ogbevún, lẹ to zọnlinzin to e ji.

Deutelonomi 23:3

Amoninu de kavi Moabinu de ma na biọ agùnpipli OKLUNỌ lọ tọn mẹ gba; yèdọ jẹ whẹndo aotọ mẹ wẹ omẹ depope he yín yé tọn ma na do biọ agùnpipli OKLUNỌ lọ tọn mẹ kakadoi: