NẸHEMIA 3:26 - BIBLU WIWE LỌ 1923

²⁶ (Dinvie Nẹtinimi lẹ nọ nó Ofẹli mẹ jẹ otẹn pànnukọn osìn họ́ngboji hlan whèzẹtẹn dali po atọ̀họ̀ lọ he nọte tọ́n po.)

NẸHEMIA 3:26 Iomraidhean Croise

1 OTÀNNUGBO LẸ 9:2

Dinvie tòmẹnu tintan he nó nutindo yetọn lẹ mẹ to tòdaho yetọn lẹ mẹ wẹ, Islaeli, Yẹwhenọ lẹ lọ, Levinú lẹ lọ, po Nẹtinimi lọ po.

2 OTÀNNUGBO LẸ 27:3

E dó hòngbo aga ohọ̀ OKLUNỌ tọn tọn lọ, podọ to adọ́ Ofeli tọn go wẹ é dó susu do.

2 OTÀNNUGBO LẸ 33:14

Dinvie to ehe godo é dó adó gbonu tọn jẹ todaho Davidi tọn kọ̀n, to whèyìhọ wàji Gihoni tọn go, to agbadò lọ mẹ, yèdọ jẹ bibiọ whégbe whèvi họ̀ngbo ji mẹ; é sọ lẹ́do Ofẹli pé, é sọ fọ́n ẹn daga jiyìyi talala de: é sọ dè awhàngán tudotọ lẹ do tòdaho dòkónọ Juda tọn lẹpo mẹ.

NẸHEMIA 10:28

Po pipòtọ gbẹtọ lẹ tọn po, yẹwhenọ lẹ, Levinu lẹ hònjinọtọ lẹ, hànjitọ lẹ, Nẹtinimi lẹ, po yé he ko klán yéde dovò lẹpo po sọn akọta aigba lọ lẹ tọn mẹ hlan osẹ́n Jiwheyẹwhe tọn, asi yetọn lẹ, visunnu yetọn lẹ, po viyọnnu yetọn lẹ po, omẹ dopodopo he tindo oyọnẹn po wùntùntùn po;

NẸHEMIA 11:21

Ṣigba Netinimi lẹ nọ nọ̀ Gfẹli mẹ: Ziha po Gispa po tintò Netinimi lẹ lọ ji.

NẸHEMIA 12:37

podọ to asisa hóngboji dali, podọ to yé nukọn titegbè, wẹ yé nọ gbọn hẹji yì to aila tòdaha Davidi tọn tọn dali, to hihẹji yì adó lọ tọn, to aga ohọ̀ Davidi tọn, yèdọ jẹ osìn họ́ngboji hlan whèzẹtẹn dali.

NẸHEMIA 3:27

To ewọ godo wẹ Tekoinu lẹ jla mimá dèvo do, pànnukọn atọ̀họ̀ daho lọ he nọte tọ́n, podọ jẹ adó Ofẹli tọn kọ́n.

NẸHEMIA 8:1

GBẸTỌ lẹpo sọ bẹ́ yéde plidopọ di omẹ dopo do otẹn gbigblo he tin to osìn họngbo lọ nukọn; yé sọ dọhó hlan Ẹzla wékantọ lọ nado hẹn owé osén Moṣe tọn lọ tọn wá, he OKLUNỌ ko degbèna hlan Islaeli.

NẸHEMIA 8:16

Mowẹ gbẹtọ lẹ tọ́n yì, bo bọ́ yé wá, bo basi avajà lẹ na yéde, omẹ dopodopo to aga ohọ̀ etọn tọn ji, podọ to awánu yetọn le mẹ, podọ to akànmaho ohọ̀ Jiwheyẹwhe tọn tọn lẹ mẹ, podọ to otẹn gbigblo họ̀ngbo osìn tọn mẹ, podọ to otẹn gbigblo họ̀ngbo Eflaimi tọn tọn lọ mẹ.

NẸHEMIA 8:3

E sọ hia to e mẹ finẹ to otẹn gbigblo lọ nukọn he tin to osìn họ̀ngbo lọ nukọn sọn afọnnu fliflimẹ kakajẹ okleda, to nukun sunnu lẹ po yọnnu lẹ po tọn mẹ, po enẹlẹ he sọgan tùnwun po tọn; otọ́ gbẹtọ lẹpo tọn sọ yín sọwhètọ hlan owé osẹ́n lọ tọn.

ISAIA 32:14

na yè na gbẹ́ awánu nẹlẹ dai; yè na jó otò susu dai, ofi gángán po atọhò po na sọ zùn odò kakadoi, ayajẹ na kẹtẹkẹtẹ ogbé tọn, odàn fáfá na kanlinpa;