NẸHEMIA 2:6 - BIBLU WIWE LỌ 1923

⁶ Ahọlu lọ sọ dọ hlan mi dọmọ, (ahọsi lọ ga sinai to e de,) Na dẹ́n sọ na wẹ gbéjizọnlin towe na yín? podọ whetẹnu wẹ hiẹ na lẹ́gọ̀? Mọwẹ é hùnhomẹ ahọlu lọ nado do mi hlan; yẹn sọ do ojlẹ de nẹ̃.

NẸHEMIA 2:6 Iomraidhean Croise

NẸHEMIA 1:11

OKLUNỌ E, yẹn vẹ̀ we, gbọ otó towe ni yín tùntùnai hlan odẹ̀ mẹmẹsi towe tọn lọ, podọ hlan odẹ̀ mẹmẹsi towe lẹ tọn, mẹhe hùnhomẹ nado dibusi oyín towe: hẹn mẹmẹsi towe duale, to azán he gbè, yẹn vẹ̀ we, bo na lẹblanu hlan ẹn to nukun dawe he tọn mẹ. (Dinvie kọfohẹntọ wẹ yẹn to ahọlu lọ de.)

NẸHEMIA 13:6

Ṣigba to ojlẹ he lẹpo mẹ yẹn ma tin to Jelusalẹm gba: na to owhè gbànnukunawetọ Altakẹlkesi ahọlu Babilọni tọn lọ tọn mẹ wẹ yẹn yì ahọlu de, podọ to azán sọha dẽlẹ godo biọ ojódo sọn ahọlu de:

NẸHEMIA 2:4

Whenẹnu wẹ ahọlu lọ dọ hlan mi dọmọ, Eté wẹ hiẹ basi okanbiọ na? Mowẹ yẹn hodẹ́ hlan Jiwheyẹwhe olọn tọn lọ.

NẸHEMIA 2:5

Yẹn sọ dọ hlan ahọlu dọmọ, Eyín é hùnhomẹ ahọlu lọ, podọ eyín mẹmẹsi towe ko mọ nukundagbe to nukun towe mẹ, bọ hiẹ na do do mi hlan jẹ Juda, jẹ tòdaho oyọ̀whé otọ́ ṣie lẹ tọn lẹ mẹ, na yẹn nido dó e.

NẸHEMIA 5:14

Hugamọ sọn ojlẹ he mẹ yè ko dè mi nado yín otògán yetọn to aigba Juda tọn mẹ, sọn owhè ogbàntọ mẹ yèdọ jẹ owhè gbànnukunawetọ Altakẹlikesi ahọlu lọ tọn mẹ, enẹ wẹ, owhè wiawe, yẹn po mẹmẹsunnu ṣie lẹ po ma ko dù akla otògán lọ tọn gba.

ISAIA 58:12

Yé he na yín towe lẹ na gbá ofi hóhó he yè ko gbà kija lẹ; hiẹ na zé odòdo whẹndo susu tọn doaga, yè na sọ nọ ylọ we dọ jladotọ onú tintlẹn tọn, nuhẹngọ̀dotẹntọ aliho lẹ tọn nado nọ̀ é mẹ.

ISAIA 61:4

Yé na gbá ofi hóhó he jẹvọ́ lẹ, yé na zé ofi hóhó he gbà lẹ dote, yé na sọ vọ́ otò gbàkija lẹ jlado, ofi jẹvọ́ whẹndo susu tọn.

ISAIA 65:24

E na sọ wá jọ, na whẹpo yé na ylọ, yẹn na siọ, podọ le yé to hódọ to alọnu, yẹn na sè.

DANIẸLI 9:25

Enẹwutu yọnẹn bo sọ tùnayinugo, dọ sọn gbonu jẹ yì gbèdide lọ tọn nado gọ̀jẹ́ podọ nado do Jelusalẹm hlan mẹyiamisisádodè de, ahọvi lọ, na yín osẹ̀ ṣinawe: po osè kandekonukunawe po, é na sọ yín vivọ́ do, po alihogbo po po odòkọdò po, yèdọ to ojlẹ tuklanọ lẹ mẹ.