NẸHEMIA 2:17 - BIBLU WIWE LỌ 1923

¹⁷ Whenẹnu wẹ yẹn dọ hlan yé dọmọ, Mìwlẹ mọ homẹgblenu ylanylan he mẹ mìwlẹ te, le Jelusalẹm mlọnai jẹvọ́ do, bọ yè yí miyọn do fiọ hòngbo etọn lẹ: mì wá bo gbọ mí ni dó adó Jelusalẹm tọn yìaga, na mí sọ yín ovlẹ de ba blo.

NẸHEMIA 2:17 Iomraidhean Croise

ẸZLA 9:9

Na mẹmẹglọ wẹ mí lẹ; gãnṣo Jiwheyẹwhe mítọn ma ko gbẹ́ mí dai to kanlinmọgbénu mítọn mẹ gba, ṣigba bo ko dotena lẹblanu jẹ mí de to nukun ahọlu Pẹlsia tọn lẹ tọn mẹ, nado na wùnhinhọ́n de mìwlẹ nado zé ohọ̀ Jiwheyẹwhe mítọn tọn lọ daga, podọ nado vọ́ gbigbà etọn lẹ jlado, podọ nado na adó de mí to Juda mẹ podọ to Jelusalẹm mẹ.

NẸHEMIA 1:3

Yé sọ dọ hlan mi dọmọ, Pipòtọ he yè pòdai sọn mẹglọnọ mẹ finẹ lẹ to ogbeta lọ mẹ tin to nukunbia daho po ovlẹ po mẹ: yè ko họ́ adó Jelusalẹm tọn liai ga, yè sọ yí miyọn do mẹ̀ họ̀ngbo etọn lẹ.

NẸHEMIA 2:13

Yẹn sọ tọ́n yì to ozán lọ mẹ gbọn họ̀ngbo lọ gbàdomẹ, yèdọ hlan odòtọ odànawanọ lọ tọn kọ̀n, podọ jẹ họ́ngbo agbóji tọn lọ kọ́n, bọ yẹnpón adó Jelusalẹm tọn lọ lọ, he yè ko gbà liai, yè ko sọ yí miyọn do fiọ họ́ngbo etọn lẹ.

NẸHEMIA 2:16

Ogán lẹ ma yón fie yẹn yì, kavi núhe yẹn ko wà gba: mọ yẹn ma tlẹ ko dọ ẹ hlan Ju lẹ lọ gba, kavi hlan yẹwhenọ lẹ, kavi hlan mẹgbògbo lẹ, kavi hlan ogán lẹ, kavi hlan pipòtọ he wàzọ́n lọ lẹ.

NẸHEMIA 3:15

Po asisa hóngboji lọ po wẹ Ṣalumi visunnu Kọli-hozẹ tọn lọ, ogán awlomẹ Mizpa tọn lọ tọn jlado; é dó e, bo sọ ṣinyọnnúdo e, bo zé ohọ̀n etọn lẹ dote, sẹ́hlo etọn lẹ, po họ̀nglatin etọn lọ po, po adó otándò Ṣela tọn tọn po to ojipa ahọlu lọ tọn dali, yèdọ jẹ agahẹ́nú he jẹte jei sọn tòdaho Davidi tọn mẹ

PSALM 102:15

Mọwẹ kosi lẹ na dibusi oyín OKLUNỌ tọn, Ahọlu aihọn mẹ tọn lẹpo nasọ dibusi gigo towe.

PSALM 44:13

Hiẹ hẹn mí zùn ovlẹ hlan kọmẹnu mítọn lẹ, mẹṣanko podọ aṣagbọnu hlan omẹ he lẹdo mí lẹ.

PSALM 44:14

Hiẹ yí mí do basi hodọnu to kosi lẹ ṣẹnsẹn, Podọ mimínmìmín ota tọn to gbẹtọ lẹ ṣẹnsẹn.

PSALM 79:12

Bo sọ suahọ kọmẹnu mítọn lẹ whla ṣinawe to otù yetọn mẹ, Na ovlẹ yetọn ehemẹ yé to vivlẹ we te, OKLUNỌ E.

PSALM 79:4

Míwlẹ zùn ovlẹ hlan kọmẹnu mítọn lẹ. Mẹsanko podọ aṣagbọnu hlan yé he lédo mí lẹ.

JẸLEMIA 24:9

lèdọ yẹn na jó ye hlan nado yín núsisi de hlan ahọludu aigba tọn lepo na oylan; nado yín ovlẹ de po hówhinwhén de po, mẹkiko de po dẹ̀hodo de po, to otẹn lẹpo me fie yẹn na yàn yé hlan.

AVIGBÈ JẸLEMIA TỌN 2:2

OKLUNỌ ko zé fininò Jokob tọn lẹpo mì, bo ma ko sọ blawu gba; Ewọ ko zé figángán viyọnnu Juda tọn tọn lẹ liai to homẹgble etọn mẹ: Ewọ ko hẹn yé jete jẹ aigba: Ewọ ko flu ahọludu lọ po ahọvi etọn lẹ po.

AVIGBÈ JẸLEMIA TỌN 3:51

Nukun ṣie wànúdo alindọn ṣie, na viyọnnu tòdaho ṣie tọn lẹpo tọn wutu.

EZEKIELI 5:14

Humọ yẹn na hẹn we zùn ovójẹ de po ovlẹ de po, to akọta he tin lédo we pé lẹ ṣẹnṣẹn, to nukun mẹhe juwájei lẹpo tọn mẹ.

MIKA 7:11

Azán he gbè adó towe lẹ tin nado yin dido! azán nẹ mẹ wẹ dogbọji lọ na yín sisẹtẹnna yìdẹn.

1 SAMUẸLI 11:2

Nahaṣi Ammọninu lọ sọ dọ hlan yé dọ, Ehe tamẹ wẹ yẹn na basi alẹ̀nù hẹ mì te, dọ adusi nukun mìtọn lẹpo ni yín didè sẹ́; yẹn na sọ sọ ẹ dai na ovlẹ de do Islaeli lẹpo ji.