NẸHEMIA 2:14 - BIBLU WIWE LỌ 1923

¹⁴ Whenẹnu wẹ yẹn to yìyì jẹ asisa họ́ngboji podọ jẹ otándò ahọlu tọn lọ kọ̀n: ṣigba otẹn de ma tin na okanlin he tin to oglọ ṣie nado gbọnyì.

NẸHEMIA 2:14 Iomraidhean Croise

2 AHỌLU LẸ 18:17

Ahọlu Asilia tọn sọ do Taltani po Lab-salisi po po Labsakẹ po sọn Lakisi hlan ahọlu Hẹzekia de po awhàngbó daho de po jẹ Jelusalẹm Yé sọ hẹji yì bo wá Jelusalẹm. Whenuena yè hẹn yé hẹji wá, yé wá bo site tọ sìnwhinnu otándò aga tọn dali, he tin to odàn alihogbo, avọ̀yàntọ tọn tọn ji.

2 AHỌLU LẸ 20:20

Dinvie pipòtọ owàlọ Hẹzekia tọn tọn lẹ, po hlọnhlọn etọn lẹpo po, podọ le é basi otándò lọ do po sìnwhínnu lọ po, bo do nọ hẹn osìn wá biọ tòdaho lọ mẹ, yè ma ka wlan yé to owé otànnugbo ahọlu Juda tọn lẹ tọn tọn lẹ mẹ?

2 OTÀNNUGBO LẸ 32:30

Hẹzekia dopo he lọ ga ko glọn asisanu osìn Gihọni tọn tọn aga tọn, bo hẹn yé tiregbe jẹte wá adá whèyìhọ todaho Davidi tọn ton ji. Hẹzekia sọ dùale to azọ̀n etọn lẹpo mẹ.

NẸHEMIA 12:37

podọ to asisa hóngboji dali, podọ to yé nukọn titegbè, wẹ yé nọ gbọn hẹji yì to aila tòdaha Davidi tọn tọn dali, to hihẹji yì adó lọ tọn, to aga ohọ̀ Davidi tọn, yèdọ jẹ osìn họ́ngboji hlan whèzẹtẹn dali.

NẸHEMIA 3:15

Po asisa hóngboji lọ po wẹ Ṣalumi visunnu Kọli-hozẹ tọn lọ, ogán awlomẹ Mizpa tọn lọ tọn jlado; é dó e, bo sọ ṣinyọnnúdo e, bo zé ohọ̀n etọn lẹ dote, sẹ́hlo etọn lẹ, po họ̀nglatin etọn lọ po, po adó otándò Ṣela tọn tọn po to ojipa ahọlu lọ tọn dali, yèdọ jẹ agahẹ́nú he jẹte jei sọn tòdaho Davidi tọn mẹ

NẸHEMIA 3:16

To ewọ godo wẹ Nẹhemia visunnu Azbuki tọn lọ, ogán odá owlomẹ Bẹti-zuli tọn tọn lọ jlado jẹ otẹn he pannukọn oyọ́whé Davidi tọn lẹ podọ jẹ otándò he yè basi lọ kòn, podọ jẹ owhé omẹ hlọnhlọnnọ lẹ tọn kòn.

YEWHEHÓDỌTỌ 2:6

Yẹn basi tandó susu nado nọ bà osìn sọn yé mẹ do ozùnhe nọ hẹn atin jẹgbonu wá lẹ mẹ.