NẸHEMIA 2:12 - BIBLU WIWE LỌ 1923

¹² Yẹn sọ tite to ozán lọ mẹ, yẹn po omẹ vude dẽlẹ po gọ́na mi; mọ yẹn ma sọ dọ na omẹ depope núhe Jiwheyẹwhe ṣie yí do ayiha ṣie mẹ nado wà na Jelusalẹm: mọ okanlin depope ma tin to dẽ, adavo okanlin he ji yẹn hó lọ.

NẸHEMIA 2:12 Iomraidhean Croise

ẸZLA 7:27

Donanọ wẹ OKLUNỌ yín, Jiwheyẹwhe otọ́ mítọn lẹ tọn, he yí onú di ehe nkọ de do ayiha ahọlu tọn mẹ, nado doaṣọna ohọ̀ OKLUNỌ tọn hetin to Jelusalẹm mẹ;

NẸHEMIA 2:11

Mowẹ yẹn wá jẹ Jelusalẹm, bo sọ tin finẹ azán atón.

NẸHEMIA 2:13

Yẹn sọ tọ́n yì to ozán lọ mẹ gbọn họ̀ngbo lọ gbàdomẹ, yèdọ hlan odòtọ odànawanọ lọ tọn kọ̀n, podọ jẹ họ́ngbo agbóji tọn lọ kọ́n, bọ yẹnpón adó Jelusalẹm tọn lọ lọ, he yè ko gbà liai, yè ko sọ yí miyọn do fiọ họ́ngbo etọn lẹ.

PSALM 122:6

Mì hodẹ́ na jijọho Jelusalẹm tọn; É na yónna yé he yiwanna we lẹ.

PSALM 51:18

Wàdagbe homẹhùn towe tọn hlan Ziọni: Bo sọ do dokò Jelusalẹm tọn.

HÓWHÍNWHÉN LẸ 12:23

Omẹ zìnzìn yí nuyọnẹn whlá: Ṣigba ayiha nulunọ lẹ tọn to nululu hódo.

YEWHEHÓDỌTỌ 3:7

Whenu hinhẹntlẹn tọn de, podọ whenu titò tọn; whenu abọẹninọ tọn de, podọ whenu hódido tọn;

JẸLEMIA 31:33

Ṣigba ehe wẹ alẹ̀nù he yẹn na basi hẹ owhó Islaeli tọn to azán nẹlẹ godo, wẹ OKLUNỌ dọ; Yẹn na yí osén ṣie do ohò yetọn mẹ dọn, podọ ayiha yetọn mẹ wẹ yẹn na wlan ẹn do; Yẹn na sọ yín Jiwheyẹwhe yetọn, yéwlẹ na sọ yín omẹ ṣie:

JẸLEMIA 32:40

podọ yẹn na sọ basi alẹ́nù madopodo de po yé po, dọ yẹn ma na diọkò sọn yé godo, nado nọ wà dagbe na yé; yẹn na sọ yí osi ṣie do ayiha yetọn lẹ mẹ, bọ yé ma na do fọ́nyì sọn dẽ gba.

AMỌSI 5:13

Enẹwutu ewọ he yín zìnzìntọ na nọabẹ to ojlẹ mọnkọ de mẹ; na ojlẹ yinylan de wẹ.

MIKA 7:5

Mì dotu to họntọn de mẹ blo, mì sọ yí tódido do whegbè họntọn de mẹ blo: bọ̀ ohọ̀n onù towe tọn lẹ do sọn ewọ he mlọnai to akọ́n towe mẹ dè.

MATIU 10:16

Mì pọ́n, yẹn do mì hlan di lẹngbọ do ohla ṣẹnṣẹn: enẹwutu na mì ni yọnnuin di odàn, bo sọ do jijọmimiọn di apoe.

MATIU 2:14

E sọ fọ́n, bo yí ovi lọ po onọ etọn po to ozán mẹ, bo sọ tọ́nyì Egipti:

2 KỌLINTINU LẸ 8:16

Ṣigba opé ni tin hlan Jiwheyẹwhe mehe yí vivẹnu zogbe dopolọ do ayiha Titu tọn mẹ na mì.

JỌṢUA 10:9

Enẹwutu Jọsua wá ye ji ajiji; na ozán lẹpo wẹ é do yì sọn Gilgali.

OSỌHIA 17:17

Na Jiwheyẹwhe ko yí do ayiha yetọn mẹ nado hẹn ojlọ eton di, nado dogbèpó, podọ nado yí ahọludu yetọn na kanlin lọ, kaka ohó Jiwheyẹwhe tọn nado di.

WHẸ̀DATỌ 6:27

Whenẹnu wẹ Gideoni yí sunnusi ao sọn mẹmẹsi etọn lẹ mẹ, bo wàdole OKLUNỌ ko dọhó hlan en do: é sọ wá jọ, na é dibusi whegbetọ otọ́ etọn tọn po omẹ tòdaho lọ lẹ tọn po wutu, sọ mọ dọ é ma sọgan wà ẹ to ókle, wẹ é dò wà ẹ to ozán mẹ.

WHẸ̀DATỌ 9:32

Enẹwutu dinvie, fọ́n to ozánmẹ, hiẹ po omẹ he tin to de we lẹ po, bo tòwu do danji: