NẸHEMIA 13:16 - BIBLU WIWE LỌ 1923

¹⁶ Omẹ Tile tọn lẹ nọ nò finẹmẹ ga, he nọ hẹn owhèvi wá whegbè, po hunkọ ajọnú tọn lẹpo po, bo nọ to sisà to gbọjẹzán gbè hlan ovi Juda tọn lẹ, podọ to Jelusalẹm mẹ.

NẸHEMIA 13:16 Iomraidhean Croise

NẸHEMIA 13:15

To azán nẹlẹ̃ mẹ wẹ yẹn mọ mẹdẽlẹ to Juda mẹ to avọ́nlinú lẹ zín to gbọjẹzán gbè, bo to hinhẹn amakó lẹ wá whégbè, bo sọ yí do to agbàndona kẹtẹkẹtẹ lẹ; di ovẹ̃n ga, ovẹ̃nsinsẹ́n lẹ, po ovọ̀sinsẹ́n lẹ po, po hùnkọ agbàn lẹ tọn lẹpo po, he yé to hinhẹn wá Jelusalẹm mẹ to gbọjẹzán gbè: yẹn sọ sakunnu do yé ji to azán lọ gbè ehemẹ yé to núdùdù lẹ sà te.

NẸHEMIA 13:17

Whenẹnu wẹ yẹn sọ wọ́hẹ mẹgbõgbo Juda tọn lẹ, bo sọ dọ hlan yé dọmọ, Eté wẹ onú ylankan ehe mì to wiwà he, bo to gbọjẹzán hẹngble?

Eksọdusi 20:10

ṣigba azán sinawetọ wẹ gbọjẹzán OKLUNỌ Jiwheyẹwhe towe lọ tọn de: to e mẹ hiẹ ma na wà azọ́n depope, hiẹ, kavi visunnu towe, kavi viyọnnu towe, devisunnu towe, kavi deviyọnnu towe, kavi whékanlin towe lẹ, kavi ojonọ towe he tin to hòngbo towe lẹ mẹ:

Eksọdusi 23:12

Azàn ṣidopo hiẹ na wà azọ́n towe họ̀, podọ to azán sinawetọ gbè hiẹ na gbọjẹ: na oyín towe po kẹtẹkẹtẹ towe po nido tindo gbọjẹ, podọ visunnu deviyọnnu towe tọn, po ojonọ lọ po, nido yín awumiọnnọ.

Deutelonomi 5:14

Ṣigba azán sinawetọ lọ ogbọjẹ de wẹ hlan OKLUNỌ lọ Jiwheyẹwhe towé: to e mẹ hiẹ ma na wà azọ́n depope, hiẹ, kavi visunnu towe, kavi viyọnnu towe, kavi devisunnu towe, kávi deviyonnu towe, kavi oyin towe, kavi kẹtẹkẹtẹ towe, kavi kanlinyìnyìn towe depope, kavi ojónọ towe he tin to hòngbo towe lẹ hòmẹ; na devisunnu towe po deviyọnnu towe po nido gbọjẹ di hiẹ.