NẸHEMIA 13:13 - BIBLU WIWE LỌ 1923

¹³ Yẹn sọ basi adọkunnugán lẹ do adọkunnu lẹ ji Ṣẹlẹmia yẹwhenọ lọ, po Zadọki wékantọ lọ po, podọ sọn Levinu lẹ mẹ, Pedaia: podọ awetọ sẹpọ́ yé wẹ Hanani visunnu Zakuli tọn, visunnu Matania tọn: na yè hia yé nugbonọ, azọ́nwà yetọn sọ wẹ nado nọ mánú hlan mẹmẹsunnu yetọn lẹ.

NẸHEMIA 13:13 Iomraidhean Croise

2 AHỌLU LẸ 12:15

Hugánmọ yé ma lẹn hẹ sunnusi lẹ gba, alọ mẹhetọn mẹ yé jọ́ akuẹ lọ do nado yí na hlan yé he wà azọ̀n lọ lẹ: na yé yí nugbo do zán.

2 AHỌLU LẸ 12:16

Akuẹ na avọ́ nunina whẹ̀yinylan tọn lẹ, podọ akuẹ na avọ́ nunina ylando tọn lẹ, yè ma hẹn biọ ohọ̀ OKLUNỌ tọn mẹ wá gba: yẹwhenọ lẹ tọn é yín.

2 AHỌLU LẸ 22:7

Ṣogãn yè ma basi linlẹn akuẹ he yè jó do alọ yetọn mẹ lọ tọn to finẹ po yé po gba; na yé yí nugbo do zán.

NẸHEMIA 10:12

Zakuli, Ṣelebia, Ṣebania;

NẸHEMIA 10:38

Podọ yẹwhenọ visunnu Aalọn tọn lọ na tin to Levinu lẹ de, whenuena Levinu lẹ to madao lẹ yí: Levinu lẹ na nọ hẹn madao sọn madao lẹ mẹ hẹji wá jẹ ohọ̀ Jiwheyẹwhe mítọn tọn mẹ, do abò lẹ mẹ, biọ agbàn hòmẹ.

NẸHEMIA 11:22

Nugopọ́ntọ lẹ ga sọn Levinu lẹ mẹ to Jelusalẹm wẹ Uzi visunnu Bani tọn lọ, visunnu Hasabia tọn lọ, visunnu Matania tọn lọ, visunnu Mika tọn lọ, sọn visunnu Asafi tọn lẹ mẹ, hànjitọ lẹ lọ, to azọ́nwà ohọ̀ Jiwheyẹwhe tọn tọn ji.

NẸHEMIA 12:35

podọ mẹdẽlẹ sọn visunnu yẹwhenọ lẹ tọn lẹ mẹ po opẹ́n lẹ po: Zekalia visunnu Jonatani tọn lọ, visunnu Ṣemaia ton lọ, visunnu Matania tọn lọ, visunnu Mikaia tọn lọ, visunnu Zakuli tọn lọ, visunnu Asafi tọn lọ;

NẸHEMIA 12:44

Azán nẹ gbè wẹ yè dè gbẹtọ lẹ do abò lẹ ji na adọkunnu lẹ, na avọ́ nunina zédlanga lẹ, na sinséntintan lẹ, podọ na madao lẹ, nado bépli do yé mẹ, kẹdẹdi ogle tòdaho lẹ tọn lẹ, mimá yè dè gbọn osẹ́n dali lẹ na yẹwhenọ lẹ po Levinu lẹ po: na Juda to ayajẹ na yẹwhenọ lẹ podọ na Levinu he nọ site lẹ.

NẸHEMIA 3:30

To ewọ godo wẹ Hanania visunnu Ṣẹlemia tọn, po Hanuni po visunnu ṣidopotọ Zalafi tọn lọ sọ jla mimá dẽvo do. To ewọ godo wẹ Mẹṣulami visunnu Bẹlekia tọn lọ jlado pànnukọn abòmẹ etọn.

NẸHEMIA 7:2

wẹ yẹn na asẹ Hanani nọvisunnu ṣie, po Hanania otògán whéhla tọn lọ po, to Jelusalẹm ji: na omẹ nugbonọ de wẹ ewọ, bo sọ nọ dibusi Jiwheyẹwhe hugan mẹsusu.

NẸHEMIA 8:4

Ẹzla wékantọ lọ sọ ṣite to nuyìaga atin tọn de ji, he yé ko basi na núwiwà lọ; Matitia sọ site gọ́na ẹn, po Sema po, po Anaia po, po Ulia po, po Hilkia po, po Maaseia po, podọ to alọ adusi etọn ji; podọ to alọ amiyọn etọn ji, Pẹdaia, po Misaẹli po, po Malkija po, po Hasumi po, po Haṣbadana po, Zekalia, po Mẹṣulami po.

LUKU 12:42

Oklunọ sọ dọmọ, Mẹnu wẹ honkọnsi nugbonọ, nuyọnẹntọ lọ, mẹhe Oklunọ etọn na do basi ogán do owhé etọn ji, nado na nudùdù sọha yetọn ye to ojle etọn mẹ?

OWALỌ APỌSTELI LẸ TỌN 4:35

yé yí yé bọdai to afọ apọsteli lẹ tọn go: yè sọ basi mimá etọn hlan mẹdopodopo kẹdẹdile matindo ẹtọn sọ.

OWALỌ APỌSTELI LẸ TỌN 6:1

PODỌ to azán nẹlẹ gbè, whenuena sọha nuplọntọ lẹ tọn to susu do e ji, hunhlun de fọ́n to Gleki lẹ mẹ do Heblu lẹ, na yè to jiwọn asusiọsi yetọn le go to numánamẹ egbésọegbésọ tọn mẹ wutu.

OWALỌ APỌSTELI LẸ TỌN 6:3

Enẹwutu, mẹmẹsunnu emi, mì pọ́n sunnusi ṣinawe to mì mẹ, oyín dagbenọ, mẹhe gó na Gbigbọ Wiwe, podọ na nuyọnen, mehe mí do dè do azọ́n he kòn.

1 KỌLINTINU LẸ 4:2

Humọ yè biọ to hònkọnsi lẹ mẹ, dọ yè ni mọ omẹ lọ yín nugbonọ.

1 TIMOTI 1:12

Yẹn sọ dopéna Klisti Jesu Oklunọ mítọn, mẹhe gọalọna mi, na yè lẹn mì jẹ na nugbonọ, bo so yí mi do devizọ́n mẹ;

1 TIMOTI 3:10

Gbọ yè ni mọdòna ehelẹ ga whé; whenenu wẹ yè ni gbọ yé ni dugán diakọni tọn eyín yé ma tin whẹgbledo.