NẸHEMIA 13:10 - BIBLU WIWE LỌ 1923

¹⁰ Yẹn sọ mọhlan dọ yè ma ko na mimá Levinu lẹ tọn yé gba; sọmọ bọ yè hẹn Levinu lẹ po hànjitọ lẹ lọ po he wà azọ́n lọ lẹ, hónyì omẹ dopodopo jẹ ogle etọn kón.

NẸHEMIA 13:10 Iomraidhean Croise

2 OTÀNNUGBO LẸ 31:4

Humọ é degbèna gbẹtọ he nọ nọ̀ Jelusalẹm mẹ lẹ nado nọ na mimá yẹwhenọ lẹ po Levinu lẹ tọn po, na yé nido jó yéde hlan osén OKLUNỌ tọn.

NẸHEMIA 10:37

podọ mí nado nọ hẹn sinsẹ́ntintan linfinhihò mítọn tọn lẹ wá, po avọ́ nunina mítọn zédlanga tọn lẹ po, podọ sọn sinsẹ́n alọpalọpa atin lẹ tọn lẹpo po, ovẹ̃n po amì po jẹ yẹwhenọ lẹ de, do abò ohọ̀ Jiwheyẹwhe mítọn lọ tọn tọn mẹ; po madao aigba mítọn tọn jẹ Levinu lẹ de; na yé, Levinu lẹ nọ yí madao lẹ to tòdaho oglegbo mítọn tọn lẹpo mẹ.

NẸHEMIA 10:39

Na ovi Islaeli tọn lẹ po ovi Levi tọn lẹ po wẹ nọ hẹn avọ́ nunina zédlanga tọn, ogbadó tọn, ovẹ̃n tọn, amì tọn, do abò lẹ mẹ, fie nuzinzán fiwiwe tọn lẹ te, po yẹwhenọ he to devizónwà lẹ po, po hònjinọtọ lẹ po, po hànjitọ lẹ po: podọ mìwlẹ ma na gbẹ́ ohó Jiwheyẹwhe mítọn tọn lọ dai gba.

NẸHEMIA 12:47

Islaeli lẹpo to azán Zelubabẹli tọn lẹ mẹ, podọ to azán Nẹhemia tọn lẹ mẹ nọ na mimá hànjitọ lẹ po hònjinọtọ lẹ po tọn lẹ, dile azán dopodopo biọ do: yé sọ lẹ́wé na Levinu lẹ; Levinu lẹ sọ lẹ́wé na visunnu Aalọn tọn lẹ.

ISAIA 43:23

Hiẹ ma hẹn kanlin pẹvi nunina mimẹ̀ towe tọn wá na mi; mọ hiẹ ma yí avọ́ towe do gbogbéna mi, yẹn ma yí nunina do hẹn we sèn, mọ yẹn ma yí nuwhẹnkun do do magbọjẹ na we

MALAKI 3:8

Bé gbẹtọ de na jẹajodo Jiwheyẹwhe wẹ? gãnṣo mìwlẹ jẹajodo mi. Ṣigba mìto didọmọ, Etẹ́ mẹ wẹ míwlẹ ko jẹajodo we te? To madaotọ lẹ mẹ po avọ́ nunina zédlanga tọn lẹ po.

Osọha lẹ 35:2

Degbèna ovi Islaeli tọn lẹ lọ, dọ yé ni na sọn ogú tòdaho nútindo yetọn lẹ tọn mẹ hlan Levinu lẹ nado nọnọ̀ e mẹ; podọ agbègbeji na tòdaho lẹ lọ lẹ́do yé pé wẹ mì na na hlan Levinu lẹ lọ.

Deutelonomi 12:19

Yí ayipipa hlan dewe dọ hiẹ gbẹ́ Levinu lọ blo dẹn sọle hiẹ tin to aigba towe ji.