NẸHEMIA 12:43 - BIBLU WIWE LỌ 1923

⁴³ Yé sọ sán avọ́ daho lẹ de to azán nẹ gbè, bo sọ jaya: na Jiwheyẹwhe ko yí ayajijẹ daho do nẹn yé jaya; yọnnusi lẹ ga po yọ̀pọ lẹ po sọ to ayajẹ: sọmọ bọ yè sẹ̀ ayajijẹ Jelusalẹm tọn lọ yèdọ jẹ aganu bóbóe.

NẸHEMIA 12:43 Iomraidhean Croise

2 OTÀNNUGBO LẸ 20:13

Juda lẹpo sọ ṣite to OKLUNỌ nukọn, po mẹflinflin yetọn lẹ po, asi yetọn lẹ, po ovi yetọn lẹ po.

2 OTÀNNUGBO LẸ 20:27

Whenẹnu wẹ yé lẹ́gọ̀, omẹ Juda po Jelusalẹm tọn lẹ po dopodopo, po Jehọṣafati po to nukọn yé tọn, nado vọ́ gọ̀ yì Jelusalẹm po ayajẹ po; na OKLUNỌ ko hẹn yé nado jaya to kẹ̀ntọ yetọn lẹ ji.

2 OTÀNNUGBO LẸ 7:10

To azán kònuatòntọ osùn ṣinawetọ tọn ji é do gbẹtọ lẹ hlan yì jẹ ogohò yetọn lẹ mẹ, ayajẹnọ po homẹvivinọ ayiha tọn po na dagbewà he OKLUNỌ dohia hlan Davidi, podọ hlan Sọlọmọni, podọ hlan Islaeli omẹ etọn lẹ.

ẸZLA 3:13

sọmọ bọ gbẹtọ lẹ ma do sọgan yọ́n awhá abóbó ayajẹ tọn lọ tọn sọn awhá avivivi gbẹtọ lẹ tọn lọ ton mẹ: na gbẹtọ lẹ yí awhá daho de do to abóbódo, yè sọ sè linlin lọ to aganu boboe.

NẸHEMIA 12:27

To klándowìwe adó Jelusalẹm tọn tọn whenu wẹ yé din Levinu lẹ sọn otẹn yetọn lepo mẹ, nado hẹn yé wá jẹ Jelusalẹm, nado yí homehùn do payi klándowiwe lọ go, po pẹ́dido lẹ po, po hànjiji po, po ajògàn lẹ po, asiazón hànjinu lẹ, po ajalẹn lẹ po.

NẸHEMIA 12:42

Maaseia, po Ṣemaia po, po Eleazali po, po Uzi po, po Jehohanani po, po Malkija po, po Elami po, po Ezẹli po. Hànjitọ lẹ to hànji lẹ́dó, po Jezlahia nugopọ́ntọ yetọn po.

OWÈ JOB TỌN. 34:29

Whenuena ewọ na abọẹninọ, mẹnu wẹ sọgan gblewhẹ̀do whenẹnu Podọ whenuena ewọ whla nukunme etọn, mẹnu wẹ sọgan pọ̀n ẹn whenẹnu? Eyín é yín wiwà hlan akọta de, kavi hlan omẹ de, dozẹnzẹn:

PSALM 27:6

Lò wẹ ota ṣie na zé daga hú kẹ̀ntọ ṣie he lédo mi lẹ tọn; Enẹwutu wẹ yẹn na sánvọ̀ ayajijẹ tọn to gohò etọn mẹ: Yẹn nasọ jihàn, nugbo, ohàn pipa tọn wẹ yẹn na ji hlan OKLUNỌ.

PSALM 28:7

OKLUNỌ wẹ huhlọn ṣie, awòyinú ṣie; Ewọ go wẹ ayiha ṣie dotudo, yè sọ gọalọna mi: Enẹwutu homẹ ṣie vivi susu; Yẹn nasọ nọ yí ohàn ṣie do pa ẹ.

PSALM 9:2

Yẹn na jaya, yẹn na doawagun to hiẹ mẹ; Yẹn nasọ yí pipa do jihàn hlan oyín towe, hiẹ Gigogán È.

PSALM 92:4

Na hiẹ, OKLUNỌ, ko hen homẹ ṣie hùn gbọn azọ́n towe dali: Yẹn na yí ayajijẹ do jihàn to azọn alọ towe tọn lẹ mẹ.

ISAIA 61:3

Nado dè na yé he to awubla to Ziọni lẹ, nado na aṣọdonu yé do afín tẹnmẹ, amì ayajijẹ tọn do awubla tẹnmẹ, avọ̀ pipa tọn do gbigbọ nukunbibia tọn tẹnmẹ; na yè nido ylọ yé dọ, atin dódó tọn, núdido OKLUNỌ tọn, dọ yè nido pàgigo nẹ̀.

JẸLEMIA 31:13

Whenenu wẹ awhli lọ na to ayajẹ to owè mẹ, Yọpọ sunnu le po yọnhonọ lẹ po dopọ; na yẹn diọ awubla yetọn do ayajẹ mẹ, bo na mionhomẹna yé, bo sọ hẹn yé jaya sọn awubla yetọn mẹ.

JẸLEMIA 33:11

ogbè ayajẹ tọn po ogbè homẹhùn tọn po, ogbè asisúnọ tọn po ogbè asiyòyò tọn po, ogbè yé he to didọmọ, Na opẹ lẹ hlan OKLUNỌ awhànpa lẹ tọn, na yínyọn wẹ OKLUNỌ, na lẹblanu etọn tote doidoi: po yé he hẹn avọ̀sánnú opénina tọn lẹ wá biọ ohò OKLUNỌ tọn mẹ lẹ tọn po. Na yẹn na hen mẹglọnọ aigba lọ tọn nado lẹ́gọ̀ di tintan ton, wẹ OKLUNỌ dọ.

Osọha lẹ 10:10

To azán homẹhùn mìtọn tọn lọ mẹ ga, podọ to hùnwhẹ dido mìtọn lẹ mẹ, podọ to saunsaunwhenu losùn mìtọn lẹ lọ tọn mẹ, mì na yí opẹ́n lẹ lọ do kúnpẹ́n do avọ́nunina mimẹ̀ mìtọn lẹ ta, podọ do avọ́sánnu avọ́nunina jijọho tọn mìtọn lẹ ta; yé bo nasọ tin hlan mì na oflinnú de to Jiwheyẹwhe mìtọn nukọn: yẹn wẹ OKLUNỌ lọ Jiwheyẹwhe mìtọn.

MATIU 21:15

Ṣigba whenuena ogán yẹwhenọ lẹ tọn, po wekantọ lẹ po mọ onú jawu lẹ he é basi, bọ Yọpọvu lẹ to awhádo to; tẹmpli mẹ dọ Hosana hlan ovi sunnu Davidi tọn; é gblehomẹ na yé susu,

MATIU 21:9

Agùndaho he to yìyì nukọn lẹ, po ehe hodo yé to godo lẹ po to awhádo, dọmọ, Hosana hlan ovi sunnu Davidi tọn: Donanọ wẹ ewọ he ja to oyín Oklunọ tọn mẹ; Hosana to oji aga.

JOHANU 16:22

Enẹwutu mìwlẹ tindo awubla to dinvie; ṣigba yẹn nasọ vò mì mọ, ayiha mìtọn naso jaya, mede ma naso de ayaje mìtọn son mì de.

EFESUNU LẸ 5:19

Mì nọ dọhó hẹ mìnọzo to ohàn wiwe mẹ, to ohàn pipa tọn mẹ, podọ to ohàn gbigbọnọ me, mì nọ kehàn, bo sọ nọ jihan gbèplì to ayiha mìtọn mẹ hlan Oklunọ;

JAKOBU 5:13

Be mẹde to oyaji to mì mẹ? mì gbọ é ni hodè. Homẹ mẹde tọn vivi? mì gbọ é ni jihan wiwe.

1 SAMUẸLI 4:5

Whenuena alki alẹ́nù OKLUNỌ tọn tọn wá biọ osla mẹ, Islaeli lẹpo yí ayajẹ daho de do dabobo, sọmọ bọ aigba whànjẹnjẹn.