NẸHEMIA 11:3 - BIBLU WIWE LỌ 1923

³ Dinvie ehelẹ wẹ ogán gbeta tọn lẹ he nọ nọ̀ Jelusalẹm mẹ: ṣigba to tòdaho Juda tọn lẹ mẹ wẹ omẹ dopodopo nọ nọ̀ nutindo etọn mẹ to tòdaho yetọn lẹ mẹ, nado dọ, Islaeli lẹ, yẹwhenọ lẹ, po Levinu lẹ po, po Netinimi lẹ po, po ovi mẹmẹsi Sọlọmọni tọn lẹ tọn lẹ po.

NẸHEMIA 11:3 Iomraidhean Croise

ẸZLA 2:1

DINVIE ehelẹ wẹ ovi ogbeta tọn lẹ, he hẹji tọ́n yì sọn mẹglọnọ enẹlẹ he yè ko bẹ́ yì lẹ tọn mẹ, mẹhe Nẹbukadnẹzali ahọlu Babilọni tọn ko bẹ́ yì jẹ Babilọni, ehe sọ lẹ́gọ̀ do Jelusalẹm po Juda po, mẹdopodopo jẹ tòdaho etọn mẹ;

ẸZLA 2:43

Nẹtinimi lẹ lọ: ovi Ziha tọn lẹ, ovi Hasufa tọn le, ovi Tabaoti tọn lẹ;

ẸZLA 2:70

Mowẹ yẹwhenọ lẹ, po Levinu lẹ po, po mẹdẽlẹ po sọn gbẹtọ lẹ mẹ, po hànjitọ lẹ po, po họ̀njinọtọ lẹ po, po Nẹtinimi lẹ lọ po, nọ̀ tòdaho yetọn lẹ mẹ, po Islaeli lẹpo po to tòdaho yetọn lẹ mẹ.

NẸHEMIA 11:20

Podọ pipòtọ Islaeli tọn, sọn yẹwhenọ Levinu lẹ mẹ, tin to tòdaho Juda tọn lẹpo mẹ omẹ dopodopo to gúdùnú etọn mẹ.

NẸHEMIA 11:4

Podọ to Jelusalẹm mẹ mẹdẽlẹ sọn ovi Juda tọn lẹ mẹ nọ nọ̀, podọ sọn ovi Bẹnjamini tọn lẹ mẹ Sọn ovi Juda tọn lẹ mẹ: Ataia visunnu Uzia tọn lọ, visunnu Zekalia tọn lọ, visunnu Amalia tọn lọ, visunnu Sẹfatia tọn lo, visunnu Mahalaleli tọn lọ, sọn ovi Pelezi tọn lẹ mẹ;

NẸHEMIA 7:39

Yẹwhenọ lẹ: ovi Jedaia tọn lẹ, sọn owhé Jeṣua tọn gbè, fẹnẹkẹnnẹwiatòn.

NẸHEMIA 7:43

Levinu lẹ: ovi Jeṣua, Kadiniẹli tọn tọn lẹ, sọn ovi Hodeva tọn lẹ mẹ, kandegbànnukunẹnẹ.

NẸHEMIA 7:46

Nẹtinimi lẹ: óvi Ziha tọn lẹ, ovi Hasufa tọn lẹ, ovi Tabaoti tọn lẹ;

NẸHEMIA 7:6

Eheló wẹ ovi gbeta tọn lẹ, he hẹji tón yì sọn mẹglọnọ he yè ko bó yì nẹlẹ̃ tọn mẹ, mẹhe Nẹbukadnẹzali ahọlu Babilọni tọn ko bó yì lọ, podọ he lẹ́gọ̀ jẹ Jelusalẹm podọ jẹ Juda, omẹ dopodopo jẹ tòdaho etọn mẹ;

NẸHEMIA 7:7

Mẹhe wá po Zelubabẹli po lẹ, Jeṣua, Nẹhemia, Azalia, Laamia, Nahamani, Moldekai, Bilsani, Mispelẹti, Bìgvai, Nẹhumi, Baana. Osọha sunnusi lẹ tọn sọn omẹ Islaeli tọn lẹ mẹ:

NẸHEMIA 7:73

Mowẹ yẹwhenọ lẹ, po Levinu lẹ po, po hònjinọtọ lẹ po, po hànjitọ lẹ po, podọ mẹdẽlẹ sọn gbẹtọ lẹ mẹ, po Nẹtinimi lẹ po, po Islaeli lẹpo po, sọ nọ̀ tòdaho yetọn lẹ mẹ. Whenuena yè hẹn osùn ṣinawetọ lọ wá, ovi Islaeli tọn lẹ tin to tòdaho yetọn lẹ mẹ.