NẸHEMIA 1:7 - BIBLU WIWE LỌ 1923

⁷ Mìwlẹ ko yí gbigble susu do zán hẹ we, bo ma ko payi gbèdide lọ lẹ go gba, kavi osẹ́ndoai le, kavi whẹ̀dida lẹ, he hiẹ degbèna Moṣe mẹmẹsi towe.

NẸHEMIA 1:7 Iomraidhean Croise

1 AHỌLU LẸ 2:3

bo yìn asẹ OKLUNỌ Jiwheyẹwhe towe tọn, nado nọ zinzọnlin to aliho etọn lẹ ji, nado nọ yìn osẹ́ndoai etọn lẹ, po gbèdide etọn lẹ po, po whẹ̀dida etọn lẹ po, po aṣedai etọn lẹ po, kẹdẹdi enẹ he yè kàn do osẹ́n Moṣe tọn mẹ, na hiẹ nido dota to ehe hiẹ to wiwà lẹpo mẹ, podọ to fidepope hiẹ lé dewe hlan:

2 OTÀNNUGBO LẸ 25:4

Ṣigba é ma hù ovi yetọn lẹ gba, ṣigba wà kẹdẹdi enẹ he yè wlan to osẹ́n mẹ to owé Moṣe tọn mẹ, dile OKLUNỌ degbè do, dọmọ, Otọ́ lẹ ma na kú na ovi lẹ gba, mọ ovi lẹ ma sọ to na kú na otọ́ lẹ gba; ṣigba omẹ dopodopo na kú na ylando etọn titi.

2 OTÀNNUGBO LẸ 27:2

E sọ wà enẹ he yín jijlọ to nukun OKLUNỌ tọn lẹ mẹ, kẹdẹdile Uzia otọ̀ etọn wà do: ṣogàn é ma biọ tẹmpli OKLUNỌ tọn mẹ. Gbẹtọ lẹ gbé sọ yí gbigble do to wiwà.

ẸZLA 7:6

Ezla he wẹ hẹji yì sọn Babi-lọni; é sọ yín wékantọ alọyatọ de to osén Moṣe tọn mẹ, he OKLUNỌ, Jiwheyẹwhe Islaeli tọn, ko na: ahọlu sọ na kanbiọ etọn lẹpo e, kẹdẹdi alọ OKLUNỌ Jiwheyẹwhe etọn tọn to e ji.

PSALM 106:6

Mí ko wàylando po otọ́ mítọn lẹ po, Mi ko wàdanu, mí ko wà ylankan.

PSALM 89:31

Eyín yé hẹn oséndoai ṣie gble, Bọ yé ma sọ yìn gbèdide ṣie;

PSALM 89:32

Whenẹnu wẹ yẹn na yí opo do dla osẹnmẹjẹ yetọn pọ́n, Podọ oylanwiwà yetọn po hiho po.

ISAIA 1:4

Jẽ akọta ylankan omẹ he agbàn ylando tọn to pinpẹ́n, ovikun ylanwàtọ lẹ tọn, ovi he basi hẹngble: yé ko jó OKLUNỌ dai, yé ko hẹn homẹgblena Omẹ Wiwe Islaeli tọn, bo sọ jagọ̀ yì godo.

DANIẸLI 9:11

Mowẹ, Islaeli lẹpo wẹ ko jẹsẹ́nmẹna osẹ́n towe, yèdọ lilé dapadopo, na yé ma na do sètónuna ogbè towe: enẹwutu wẹ yè ko do kọ̀n odẹ́hodo jẹgbonu do mí ji, po aṣẹtúndo he yè wlan to osẹ́n Moṣe devi Jiwheyẹwhe tọn tọn mẹ lọ po; na míwlẹ ko wàylando do e go.

DANIẸLI 9:13

Dile yè wlan ẹn do to oṣẹ́n Moṣe tọn mẹ, oylan he lẹpo wẹ yè hẹnwá mí ji: gãnṣo mìwlẹ ma ko vẹ̀vẹ̀na nukundágbe OKLUNỌ Jiwheyẹwhe mítọn tọn gba, na míwlẹ ni do lẹ́ sọn oylanwà mítọn lẹ mẹ, bo yí nuyọnẹn do zán to nugbo towe mẹ.

HOSEA 9:9

Yé kó gble yéde susususu, di to azán Gibea tọn lẹ mẹ: ewọ naflin oylanwà yetọn, ewọ na sọ dla ylando yetọn lẹ pọ́n.

Levitiku 27:34

Ehele wẹ gbèdide lẹ lọ, he OKLUNỌ lọ degbèna Moṣe na ovi Islaeli tọn lẹ lọ to oso Sinai mẹ.

ZẸFANIA 3:7

Yẹn dọmọ, Hiẹ na dibusi mi nugbonugbo, hiẹ na yí oplọ́n; mọ yè ma na do san ninọ̀ etọn sẹ̀ gba, kẹdẹdi ehe yẹn ko de gbọn ewọ tọn dali lẹpo: ṣigba yé fọ́n afonnufú bo gble wiwà yetọn lẹpo.

MALAKI 4:4

Mì nọ flin osẹ́n Moṣe devi ṣie tọn, he yẹn degbèna hlan en to Holebi mẹ na Islaeli lẹpo, yèdọ osẹ́ndoai lẹ po whẹ̀dida lẹ po.

Deutelonomi 4:1

PODỌ dinvie, Islaeli È, tùntóai hlan asẹdai lẹ lọ, podọ hlan whẹ̀dida lẹ lọ, he yẹn plọn mì, na nado nọ wà yé; na mì nido gán, bo yì bo tindo aigba lọ he OKLUNỌ lọ, Jiwheyẹwhe otọ mìtọn le tọn lọ na mì.

Deutelonomi 4:5

Dayi e go; yẹn ko plọn aṣẹdai lẹ lọ mì po whẹ̀dida lẹ po, yẹdọ dile OKLUNỌ lọ Jiwheyẹwhe ṣie degbèna mi do, na mì ni do nọ wà mọ to gblagbla aigba lọ tọn mẹ fiedali mẹ mì jei nado tindo e.

Deutelonomi 5:1

MOSE sọ ylọ jẹ Islaeli lẹpo de, bo dọ hlan yé dọmọ, Islaeli È, sè asẹdai lẹ lọ po whẹ̀dida lẹ lọ po he yẹn dọ to otó mìtọn lẹ mẹ to egbé he, na mì nido plọn yé, bo sọ payiha nado nọ basi yé.

Deutelonomi 6:1

DINVIE ehe wẹ gbèdide lọ, asẹdai lẹ lọ, po whẹ̀dida lo po, he OKLUNỌ lọ Jiwheyẹwhe mitọn degbèna nado nọ plọn mi, na mì nido nọ basi yé to aigba lọ ji fiedali mi jei gododọ̃n nado yí i na nútindo:

OSỌHIA 19:2

na nugbo po dódó po wẹ whẹ̀dida etọn lẹ: na é ko da whẹ̀na ayòdetọ daho lọ, he yí ayòdide etọn do hẹn aigba gble, bo sọ yíahosu ohùn devi etọn lẹ tọn to alọ etọn mẹ.