NẸHEMIA 1:5 - BIBLU WIWE LỌ 1923

⁵ Bo dọmọ, OKLUNỌ E, Jiwheyẹwhe olọn tọn, Jiwheyẹwhe daho he dobu lọ, he nọ payi alẹ̀nù po lẹblanu po go to yé he yiwanna ẹn bo sọ nọ payi gbèdide etọn lẹ go, yẹn vẹ̀ we;

NẸHEMIA 1:5 Iomraidhean Croise

1 AHỌLU LẸ 8:23

Bo dọmọ, OKLUNỌ È, Jiwheyẹwhe Islaeli tọn, Jiwheyẹwhe de ma tin to fine di we, to olon mẹ to aga, kavi to aigba go to oglọ; he nọ yìn alẹ̀nù po lẹblanu po he mẹmẹsi etọn lẹ, he yí ayiha yetọn lẹpo do zinzọnlin to nukọn towe.

1 OTÀNNUGBO LẸ 17:21

Podọ akọta dopo de tẹ́wẹ tin to aigba Ji tin jijlẹ do Islaeli omẹ towe lẹ go, mẹhe Jiwheyẹwhe yì nado fli hlan ede na gbẹtọ etọn lẹ de, nado basi oyín de na we gbọn onú daho he dobu lẹ dali, to yìnyàn kosi lẹ tón sọn omẹ towe lẹ nukọn mẹ, he hiẹ fli sọn Egipti?

ẸZLA 1:2

Le wẹ Kilusi ahọlu Pẹlsia tọn dọ, dọmọ, Ahọludu aigba tọn lẹpo wẹ OKLUNỌ, Jiwheyẹwhe olọn tọn, na mì; é ko sọ naṣẹ mi nado dó ohọ̀ de nẹ̃ to Jelusalẹm mẹ, he tin to Juda mẹ.

NẸHEMIA 2:4

Whenẹnu wẹ ahọlu lọ dọ hlan mi dọmọ, Eté wẹ hiẹ basi okanbiọ na? Mowẹ yẹn hodẹ́ hlan Jiwheyẹwhe olọn tọn lọ.

NẸHEMIA 4:14

Yẹn sọ pọ́n, bo tite, bo dọ hlan mẹgbógbo lẹ, podọ hlan ogán lẹ, podọ hlan pipòtọ gbẹtọ lẹ tọn dọmọ, Mì yín avọ̀satọ yé tọn blo: mì nọ flin OKLUNỌ, he yín daho dobu, mì ni sọ hòavùn na mẹmẹsunnu mítọn lẹ, visunnu mítọn lẹ po viyọnnu mítọn lẹ po, asi mítọn lẹ po owhé mítọn lẹ po.

NẸHEMIA 4:8

Yé sọ blató popo yé tọn dopọ nado wá bo sọ hòavùn hẹ Jelusalẹm, podọ nado hẹn oflu wá enẹ mẹ.

NẸHEMIA 9:32

Enẹwutu dinvie, Jiwheyẹwhe mítọn, daho lọ, huhlọnnọ lọ, Jiwheyẹwhe dobu lọ, mẹhe nọ yìn alẹ̀nù po lẹblanu po, a dike tuklajẹ lẹpo sọawuhia pẹvi to nukọn towe blo, he ko wá mi ji, to ahọlu mítọn lẹ go, to ahọvi mítọn lẹ go, podọ to yẹwhenọ mítọn lọ go, podọ to yẹwhegán mítọn lẹ go, podọ to otọ́ mítọn lẹ go, podọ to omẹ towe lẹpo go, sọn ojlẹ ahọlu Asilia tọn lẹ tọn mẹ gbọn jẹ azán he gbè.

PSALM 47:2

Na OKLUNỌ Gigogán jiawu: Ewọ wẹ Ahọlu daho to aihọn lẹpo ji.

PSALM 76:8

Hiẹ hẹn whẹ̀dida zùn sisè sọn olọnmẹ; Aigba dibu, bo sọ ṣite abọẹ,

PSALM 89:2

Na yẹn ko dọmọ, Yè na dó Lẹblanu do aga kakadoi: Olọn lẹ lọ mẹ wẹ hiẹ nasọ hẹn nugbo towe lódo te.

PSALM 89:3

Yẹn ko nualẹ hẹ mẹdide ṣie, Yẹn ko whle hlan Davidi devi ṣie.

PSALM 89:8

OKLUNỌ Jiwheyẹwhe awhànpa lẹ tọn È, Mẹnu wẹ OKLUNỌ, huhlọnnọ de di hiẹ? Nugbo towe lẹ́do we pó.

Eksọdusi 20:6

bo sọ nọ do lẹblanu hia hlan whẹndo fọtọ́n lẹ de, yé he yiwanna mi lẹ tọn bo sọ nọ yìn gbèdide ṣie lẹ.

Deutelonomi 7:12

E nasọ wá jọ, na mì tùntóai hlan whẹ̀dida helẹ wutu, bo sọ to ayihapa, nado nọ basi yé, wẹ OKLUNỌ lọ Jiwheyẹwhe towe na payiha alẹ́nu lọ go to de we po lẹblanu lọ po he é whle hlan otọ́ towe lẹ;

Deutelonomi 7:21

Yè ma na hẹn we yín avosatọ na yé gba: na OKLUNỌ lọ Jiwheyẹwhe towe tin to gblagbla hiẹ tọn mẹ, Jiwheyẹwhe kiklo de podọ didobu de.

Deutelonomi 7:9

Enẹwutu yọnẹn dọ OKLUNỌ lọ Jiwheyẹwhe towe, ewọ wẹ Jiwheyẹwhe; Jiwheyẹwhe nugbonọ lọ, he nọ payi alẹ́nu po lẹblanu po go hẹ yé he yiwanna ẹn bo sọ ayipa gbèdide etọn lẹ go jẹ whẹndo lẹ fọtọ́n de;