NẸHEMIA 1:3 - BIBLU WIWE LỌ 1923

³ Yé sọ dọ hlan mi dọmọ, Pipòtọ he yè pòdai sọn mẹglọnọ mẹ finẹ lẹ to ogbeta lọ mẹ tin to nukunbia daho po ovlẹ po mẹ: yè ko họ́ adó Jelusalẹm tọn liai ga, yè sọ yí miyọn do mẹ̀ họ̀ngbo etọn lẹ.

NẸHEMIA 1:3 Iomraidhean Croise

1 AHỌLU LẸ 9:7

whenẹnu wẹ yẹn na sán Islaeli sẹ́ sọn aigba lọ ji he yẹn ko na yé; podọ ohò he, he yẹn ko hiọ na oyín ṣie, wẹ yẹn na zédlan gbonu sọn nukọn ṣie; Islaeli na sọ yín hówhínwhẹ́n de po hódọnu de po to akọta lẹpo ṣẹnṣẹn:

2 AHỌLU LẸ 25:10

Awhàn Kaldeanu lẹ tọn lẹpo, he tin to awhàngán awhàngbé lọ tọn de gbà adó Jelusalẹm tọn lẹ liai lédo.

2 OTÀNNUGBO LẸ 36:19

Ye sọ mẹ̀ ohò Jiwheyẹwhe tọn, bo gbà adó Jelusalẹm tọn liai, bo sọ yí miyọn do fiọ hònmẹ etọn lepo, bo sọ và nuzinzán dagbedagbe etọn lẹpo.

ẸZLA 2:1

DINVIE ehelẹ wẹ ovi ogbeta tọn lẹ, he hẹji tọ́n yì sọn mẹglọnọ enẹlẹ he yè ko bẹ́ yì lẹ tọn mẹ, mẹhe Nẹbukadnẹzali ahọlu Babilọni tọn ko bẹ́ yì jẹ Babilọni, ehe sọ lẹ́gọ̀ do Jelusalẹm po Juda po, mẹdopodopo jẹ tòdaho etọn mẹ;

ẸZLA 5:8

E ni yín yínyọnẹn hlan ahọlu lọ, dọ mìwlẹ biọ ogbeta Juda tọn mẹ yi, jẹ ohọ̀ Jiwheyẹwhe daho lọ tọn kọ̀n, he yè yí Zannu daho lẹ do to didó, yè sọ tó whlẹlidemẹ do adó lẹ mẹ, azọ́n he sọ yí sọwhiwhe do to yìyì bo sọ doale to alọ yetọn lẹ mẹ.

NẸHEMIA 11:3

Dinvie ehelẹ wẹ ogán gbeta tọn lẹ he nọ nọ̀ Jelusalẹm mẹ: ṣigba to tòdaho Juda tọn lẹ mẹ wẹ omẹ dopodopo nọ nọ̀ nutindo etọn mẹ to tòdaho yetọn lẹ mẹ, nado dọ, Islaeli lẹ, yẹwhenọ lẹ, po Levinu lẹ po, po Netinimi lẹ po, po ovi mẹmẹsi Sọlọmọni tọn lẹ tọn lẹ po.

NẸHEMIA 2:13

Yẹn sọ tọ́n yì to ozán lọ mẹ gbọn họ̀ngbo lọ gbàdomẹ, yèdọ hlan odòtọ odànawanọ lọ tọn kọ̀n, podọ jẹ họ́ngbo agbóji tọn lọ kọ́n, bọ yẹnpón adó Jelusalẹm tọn lọ lọ, he yè ko gbà liai, yè ko sọ yí miyọn do fiọ họ́ngbo etọn lẹ.

NẸHEMIA 2:17

Whenẹnu wẹ yẹn dọ hlan yé dọmọ, Mìwlẹ mọ homẹgblenu ylanylan he mẹ mìwlẹ te, le Jelusalẹm mlọnai jẹvọ́ do, bọ yè yí miyọn do fiọ hòngbo etọn lẹ: mì wá bo gbọ mí ni dó adó Jelusalẹm tọn yìaga, na mí sọ yín ovlẹ de ba blo.

NẸHEMIA 2:3

Yẹn sọ dọ hlan ahọlu dọmọ, Gbọ ahọlu ni togbẹ̀ doidoi: etẹwutu wẹ nukunmẹ ṣie ma na do yín yìnylan, whenuena tòdaho lọ, otẹn oyọ̀whé otọ́ ṣie lẹ tọn lẹ tọn mlọnai jẹvó, bọ yè sọ yí miyọn do fiọ họ̀ngbo etọn lẹ?

NẸHEMIA 7:6

Eheló wẹ ovi gbeta tọn lẹ, he hẹji tón yì sọn mẹglọnọ he yè ko bó yì nẹlẹ̃ tọn mẹ, mẹhe Nẹbukadnẹzali ahọlu Babilọni tọn ko bó yì lọ, podọ he lẹ́gọ̀ jẹ Jelusalẹm podọ jẹ Juda, omẹ dopodopo jẹ tòdaho etọn mẹ;

ẸSTELI 1:1

DINVIE é sọ wá jọ to azán Ahasuelusi tọn lẹ mẹ, (ehe we Ahasuelusi lọ he duahọlu, sọn India yèdọ jẹ Etiopia, to gbetato kantọ̀nṣinawe ji:)

PSALM 79:4

Míwlẹ zùn ovlẹ hlan kọmẹnu mítọn lẹ. Mẹsanko podọ aṣagbọnu hlan yé he lédo mí lẹ.

HÓWHÍNWHÉN LẸ 25:28

Ewọ he ma dùgán do gbigbọ ede tọn Ji taidi otò he yè họ́ liai, bọ é ma tindo dòkó.

ISAIA 43:28

Enẹwutu yẹn ko hẹn ahọvi fiwiwe lọ tọn zùn mawé, bo sọ jó Jakob hlan dẹ́hodo, podọ Islaeli hlan ovlẹ.

ISAIA 5:5

Be mi wá dinvie: yen na dọ na mì onú he yẹn na wà do vẹ̃ngle ṣie: yẹn na bẹ́ opá he lẹ́do e sẹ̀, yè na sọ dù i súdo; yẹn na họ́ dokọ́ etọn liai, yè na sọ zín i dai.

JẸLEMIA 24:9

lèdọ yẹn na jó ye hlan nado yín núsisi de hlan ahọludu aigba tọn lepo na oylan; nado yín ovlẹ de po hówhinwhén de po, mẹkiko de po dẹ̀hodo de po, to otẹn lẹpo me fie yẹn na yàn yé hlan.

JẸLEMIA 29:18

Yen na sọ yí ohi lọ, yí ohùvẹ́ lọ, po azọ̀nylankan lọ po do jẹmọ́ji hodo yé, bo na sọ jó yé nado yín nudobudaho de hlan ahọludu aigba lọ tọn lẹpó, nado yín dẹ̀hodo de, po awujinu de po, po núdèpislọna de po, po ovlẹ de po, to akọta lẹpo ṣẹnṣẹn fie yẹn ko yàn yé hlan:

JẸLEMIA 39:8

Podọ Kaldeanu lẹ yí miyọn do mè ohò ahọlu tọn po ohò gbẹtọ lẹ tọn lẹ po, bo sọ hó odòkọ Jelusalẹm tọn lẹ liai.

JẸLEMIA 42:18

Na le wẹ OKLUNỌ awhànpa lẹ tọn dọ, Jiwheyẹwhe Islaeli tọn; Le yè hẹn adi ṣie po homewlu ṣie po kòn jẹgbonu do tòmẹnu Jelusalẹm ton lẹ ji do, mọwẹ yè na hen homẹwlu ṣie kọn jẹgbonu do mì ji do, whenuena mìwlẹ na biọ Egipti mẹ: mìwlẹ na sọ tin di dẹ̀hodo de, po awujiji de po, po dẹ̀hodo de po, po ovlẹ de po; mìwlẹ ma na sọ mọ otẹn he gbède ba.

JẸLEMIA 5:10

Mì hẹji yì adó etọn lẹ ji, bo và; ṣigba mì basi opodo gigọ̀ de blo: dè alà etọn lẹ sẹ̀: na ye ma yín OKLUNỌ tọn gba

JẸLEMIA 52:14

Awhànfuntọ Kaldeanu lẹ tọn lẹpo, he tin to awhàngán ogànwhé tọn lọ de lẹ, sọ hó odòkọ Jelusalẹm tọn lẹpo liai lédo pé.

AVIGBÈ JẸLEMIA TỌN 1:7

Jelusalẹm flin to azán nukunbia etọn tọn lẹ mẹ po dindán etọn lẹ tọn po Onú etọn whànpẹnọ he tin tọn azán hóhó tọn lẹ mẹ lẹpo: Whenuena omẹ etọn lẹ jai do alọ meglatọ lọ tọn mẹ, bọ mẹde ma goalọna ẹn, Mẹglatọ lẹ lọ mọ ẹn, yé sọ vlẹ alọdote etọn lẹ ko.

AVIGBÈ JẸLEMIA TỌN 2:9

Yè hẹn hòngbo etọn lẹ siọ biọ aigba mẹ; ewọ ko và bo sọ gbà opatin etọn le: Ahọlu etọn po ahọvi etọn le po tin to akọta lẹ ṣẹnṣẹn fie osén lọ ma te; Mọwe, yẹwhegán etọn lẹ ma sọ mọ númimọ de sọn OKLUNỌ de.

AVIGBÈ JẸLEMIA TỌN 3:61

OKLUNỌ E, hiẹ ko sè ovlẹ yetọn, po núbladọ yetọn lẹpo po do ogo e;

AVIGBÈ JẸLEMIA TỌN 5:1

OKLUNỌ È, flin núhe yè hẹn wá: mí ji: Pọ́n bo sọ mọ ovlẹ mítọn.

Levitiku 26:31

Yẹn nasọ hẹn tòdaho mìtọn lẹ zùn gbògbé de, bo hẹn fìwiwe mìtọn lẹ wá ovọ́jẹ mẹ, yẹn ma nasọ whlẹ́n owán vivi owán mìtọn lẹ tọn pọ́n gba.

Levitiku 26:33

Mì wẹ yẹn nasọ vúnvún do akọta lẹ lọ ṣẹnṣẹn, yẹn bo nasọ dòn ohi lọ jẹgbonu to mì godo: aigba mìtọn bo nasọ yin ovójẹ de, tòdaho mìtọn lẹ nasọ yín gbògbé de.