NẸHEMIA 1:2 - BIBLU WIWE LỌ 1923

² wẹ Hanani, dopo sọn mẹmẹsunnu lẹ mẹ, wá, ewọ po dawe dẽlẹ po sọn Juda; yen sọ kanbiọ yé gbọn Ju he ko hòngán lẹ lọ tọn dali, he yè pòdai sọn mẹglọnọ lẹ lọ mẹ, podọ gbọn Jelusalẹm tọn dali.

NẸHEMIA 1:2 Iomraidhean Croise

Gẹnẹsisi 14:10

Agbàdo Siddimi tọn sọ gọ́ ná osẹ̀ndò lẹ; ahọlu Sọdọmi po Gọmọla po tọn lẹ hònyi, yé so jai to finẹ, yé mẹhe pò lẹ sọ họ̀nyì osó ji aga.

2 AHỌLU LẸ 24:14

E sọ bé Jelusalẹm lẹpo yì, po ahọvi lẹpo po, po omẹ hlọnhlọnnọ tudido tọn lẹpo po, yèdọ mẹmẹglọ fọtọ́n ao, po anawàtọ lẹpo po po ayáwàtọ le po; mẹde ma pò, adavo ọmẹ wàmọnọ hunkọ sọn gbẹtọ aigba lọ ji tọn mẹ lẹ.

2 AHỌLU LẸ 25:12

Ṣigba awhàngán awhàngbẹ́ lọ tọn pòdai son wamọnọ aigba lọ tọn mẹ nado yin vẹ̃ntinkọ̀nnọtọ podọ oglẹpòtọ lẹ.

ẸZLA 9:14

Míwlẹ na ka sọ vọ́ gbèdide towe lẹ gbà wẹ, bo kọndopọ tó asijakó mẹ hẹ gbẹtọ he nọ wà osùnú helẹ̃? hiẹ ma ka na yín adinọ to mí de kaka hiẹ ko do súkundona mí, mọ bọ pipòtọ de ma na do tin finẹ, kavi depope nado hòngán?

NẸHEMIA 7:2

wẹ yẹn na asẹ Hanani nọvisunnu ṣie, po Hanania otògán whéhla tọn lọ po, to Jelusalẹm ji: na omẹ nugbonọ de wẹ ewọ, bo sọ nọ dibusi Jiwheyẹwhe hugan mẹsusu.

JẸLEMIA 44:14

mọ bọ pipòtọ Júda tọn lẹ de, he yè hẹn yì biọ aigba Egipti tọn mẹ nado wáwási to finẹ, ma na hòngán kavi pò, bọ yé na do lẹ́gọ̀ biọ aigba Juda tọn mẹ, ehe yé ko zé alindọn yetọn daga hlan: na mẹde ma na lẹ́gọ̀ adavo mẹmọnkọ he na hòngán lẹ.

EZEKIELI 6:9

Podọ yé he hòngan sọn mì mẹ lẹ na flin mi to akọta lẹ ṣẹnṣẹn fiedali yè na bé yé yì mẹglọnọ te, Ìe yẹn ko gbà ayiha ogàlilọ yetọn tọn do, he ko fọ́nyì sọn dè, po nukun yetọn lẹ po, he yi ogàgbó de hodo ovodun yetọn lẹ: yé na sọ gbẹwanna yéde to nukun yetọn titi mẹ na oylan he yé ko wà to ósùnú yetọn lẹpo mẹ.

EZEKIELI 7:16

Ṣigba yé he hòngan sọn yé mẹ lẹ na hòngan, bo na tin to osé lẹ go, taidi owhle agbadò lẹ mẹ tọn lẹ, popo yé tọn wẹ to awubla, omẹ dopodopo to oylanwà etọn mẹ.