MIKA 7:3 - BIBLU WIWE LỌ 1923

³ Alọ awelẹ wẹ yè dè jẹgbonu na oylan Dado wà ẹ po sọwhiwhe po; ahọvi lọ to bibiọ, podọ whèdatọ lọ sọ yín awuwlenọ na ale de; podọ omẹ daho lọ, ewọ to odanú alindọn etọn tọn dọ: le wẹ yé lòn ẹn dopọ do.

MIKA 7:3 Iomraidhean Croise

HÓWHÍNWHÉN LẸ 16:30

Ewọ he miọnnukun etọn nado lẹn onú yẹwiwà tọn wẹ, Ewọ he há nuflo etọn, é hẹn onú ylankan jọ.

HÓWHÍNWHÉN LẸ 17:23

Mẹylankan dè nunina sọn yẹndawe avọ̀ tọn Mẹ nado hẹn aliho whẹ̀dida tọn gble.

ISAIA 1:23

Ahọvi towe lẹ ko zùn atẹsitọ, podọ ogbẹ́ ajotọ lẹ tọn: yé omẹ pó yiwanna nunina, bo sọ to ale din: yé ma sọ dawhẹ́ tọsiọvi tọn, mọ owhó asusiọsi tọn ma wá yé de.

ISAIA 26:21

Enẹwutu, dayi e go OKLUNỌ: tón sọn otẹn etọn mẹ nado sáyahẹ omẹ aihọn mẹ tọn lẹ na ylando yetọn wutu; aihọn ga na sọ yí ohùn etọn hia, é ma to na sukún oṣiọ etọn lẹ tọn do bà.

ISAIA 3:5

Yè na sinawúna gbẹtọ, omẹ depope sọn awetọ etọn si, dopodopo sọn komẹnu etọn si; yọpọ́ na nọ yigò do mẹhó go, omẹ vọnu do yẹyinọ go.

ISAIA 32:7

Oylan wẹ núzinzán fifiẹtọ tọn yín ga: é lẹn oklọ ylankan nado yí ohó lalo tọn do hù wamọnọ súdo, yèdọ eyín wamọnọ tlẹ yọ́n ohó nugbo.

ISAIA 5:23

Yé he suwhẹna mẹylankanna ale wutu, bo sọ yí dódó nugbonọ tọn sọn é si.

JẸLEMIA 3:5

Ewọ na hẹn homẹgble etọn dote kakadoi? ewọ na whla ẹ jẹ opòdo? Dayi e go, hiẹ ko dọhó lẹ, ṣigba bo ko wà onú ylankan lẹ dile hiẹ tin sọgan do.

JẸLEMIA 4:22

Na oklenọ wẹ omẹ ṣie lẹ, Yé ma yón mi gba; ovi agblinọ wẹ yé, podọ yé ma tindo wuntùntùn de: nuyọnẹntọ wẹ yé nado wà oylan, ṣigba nado wà dagbe yé ma tindo oyọnọn de gba.

JẸLEMIA 8:10

Enẹwutu wẹ yen na na asi yetọn lẹ hlan mẹdẽvo, podọ ogle yetọn lẹ hlan yé he na yí yé na nutindo: na omẹ dopodopo sọn pẹvi talala me je daho pete ji wẹ yè jó hlan nukunkẹn, sọn yẹwhegán ji yèdọ jẹ yẹwhenọ ji yé mẹpó wẹ yí lalo do to zinzán.

EZEKIELI 22:12

To hiẹ mẹ wẹ yé ko yí nùbibla te nado kòn ohùn; hiẹ ko yí alemasónmẹ po jideji po, podọ hiẹ yí wọnkúkú do duale sọn kọmẹnu towe de gbọn awusinyẹnnamẹ dali, bo ko sọ wọn yẹn, wẹ OKLUNỌ JIWHEYẸWHE dọ.

EZEKIELI 22:27

Ahọvi etọn lẹ to gblagbla etọn mẹ tin taidi ohia to nuyanwẹnna tlẹndù; nado kọ́n ohùn, podọ nado và alindọn lẹ, na yé nido tindo ale mayínnugbo.

EZEKIELI 22:6

Dayi e go, ahọvi Islaeli tọn lẹ, omẹ dopodopo kẹdẹdi awà etọn, ko tin to hiẹ mẹ nado kọ̀n ohùn.

EZEKIELI 34:21

Na mìwlẹ yí adaja po abó po do tùn wutu, bo sọ yí azò mìtọn lẹ do sisó awutunọ lẹpo, kaka mìwlẹ ko do vúnvún yé pó;

EZEKIELI 9:9

Whenẹnu wẹ é dọ hlan mi dọmọ, Oylanwà owhé Islaeli po Juda po tọn tọn yín kiklo glanglan, podọ aigba lọ sọ tin gọ́ na ohùn, bọ tòdaho lọ sọ gọ́ na odiọdo whẹ̀dida tọn: na yé to didọmọ, OKLUNỌ ko gbẹ́ aigba lọ dai, OKLUNỌ ma mọ gba.

HOSEA 4:18

Núnùnù yetọn tin lẹzùn ovẹ́sìn: yé to gàlọ tẹgbẹtẹgbẹ; yè jó yé do hlan wanyina: ogán etọn lẹ yín winyannọ.

HOSEA 7:3

Yẹn yí yinylan yetọn do hẹnhomẹhùn ahọlu lọ, podọ ahọvi lẹ po olalo yetọn lẹ po

AMỌSI 5:12

Na yẹn yọ́n le osẹ́nmẹjẹ mìtọn lẹ yín sọhasusu do podọ le ylando mìtọn lẹ yín hlọnhlọnnọ do; mì mẹhe miannukunna nugbonọ, he to onúbla de yí, podọ he lẹ́ agbatọnọ lẹ dapadopo to họngboji sọn ojlọjẹ yetọn mẹ.

MIKA 2:8

Ṣigba yè hẹn omẹ ṣie lẹ tite daga di okẹntọ de to osọ: mìwlẹ klọ́n otewu lọ sẹ̀ sọn awugbo lọ go sọn yé he yí mahanú do ju wáyi lẹ si di omẹ lẹ́godo sọn awhàn mẹ.

MIKA 3:11

Nukọntọ etọn lẹ nọ dawhẹ̀ na ale, podọ yẹwhenọ etọn lẹ to mẹplọ́n na azónkuẹ, podọ yẹwhegán etọn lẹ sọ to dọṣẹdọ na akuẹ: gãnṣo wẹ yé na zẹ̀nmẹ OKLUNỌ, bo dọmọ, Bé OKLUNỌ ma tin to gblagbla mi tọn mẹ la? oylan de ma na wa mí ji gba.

MIKA 3:2

Mẹhe gbẹwanna dagbe, bo yiwanna oylan; mẹhe dọ̀n ayú yetọn sùn sẹ̀ sọn yé go, podọ agbasalan yetọn sẹ̀ sọn ohú yetọn lẹ go;

MATIU 26:15

Bo dọ hlan ye, dọmọ, Etẹwẹ mìwlẹ to jijlo na na mi, yẹn nasọ yí i do alọ me na mì? Yé sọ jlẹ fataka-kuẹ ogbàn hlan ẹn.

1 KỌLINTINU LẸ 4:5

Enẹwutu mì dawhéna nudepope jẹnukọnna ojlẹ lọ blo, kaka Oklunọ nado wá, mehe na hẹn onú zinvlu tọn he bé lẹ wá hinhọ́n me, bo nasọ hẹn linlẹn ayiha tọn lẹ sọawúhia: whenẹnu wẹ omẹ dopodopo na tindo pipa etọn to Jiwheyẹwhe de.