MIKA 4:3 - BIBLU WIWE LỌ 1923

³ Ewọ bo na sọ dawhẹ̀ to gbẹtọ susu ṣẹnṣẹn, bo na sọ dawhè gbọn akọta huhlọnnọ lẹ tọn dali to aganu boboe; yé bo na sọ yí ohi yetọn lẹ do tùn glepònugàn lẹ, podọ owhán yetọn lẹ do ohànvi lẹ mẹ: akọta ma na sọ zé ohi daga do akọta ji, mọ yé ma na sọ plón awhàn gbède ba.

MIKA 4:3 Iomraidhean Croise

PSALM 46:10

Mì ṣite abọẹ, na mì ni yọnẹn dọ yẹn wẹ Jiwheyẹwhe; Yè na zé mi daga to aihọn mẹ.

PSALM 46:9

É hẹn awhàn gbọ kaka jẹ aigba, pòdo; É wén ogá, bo sọ sán owhán do awe; hẹn kẹkẹ awhàn tọn fiọ to miyọn mẹ.

PSALM 72:3

Osó daho lẹ na hẹn jijọho wá na gbẹtọ lẹ, Podọ okọta pẹvipẹvi lọ, gbọn dódó dali.

PSALM 72:7

To azán etọn gbè wẹ dódónọ na tónkùn; Podọ jijọho susu kaka osùn ma nado tin ba.

PSALM 82:8

Jiwheyẹwhe E, fọ́n, dawhè aihọn tọn; Na hiẹ wẹ na dugú akọta lẹpo tọn.

PSALM 96:13

Tò OKLUNỌ nukọn na é wá, E ja nado dawhẹ̀na aigba É na yí dódó do dawhẹ́na aihọn, Bo yí nugbo etọn do dawhẹ́na gbẹtọ lẹ.

PSALM 98:9

To OKLUNỌ nukọn; na é ja nado dawhẹ́ aigba tọn: Dódó é na do dawhẹ́ aihọn tọn, Bo yí kunnumahu do dawhẹ́na gbẹtọ lẹ.

ISAIA 2:4

E na dawhẹ̀ to akọta lẹ ṣẹnṣẹn, é na wọhẹ omẹ susu: yé na sọ yí ohi yetọn do tùn agbogọdọẹ: akọta ma to na zé ohi do akọta ji bà, mọ yé ma to na plọ́n awhànfun bà.

ISAIA 25:3

Enẹwutu wẹ omẹ huhlọntọ lẹ na pàgigona we, ótò okọta he dobu lẹ tọn na sọ dibuna we.

ISAIA 51:5

Dódó ṣie tin to yakẹ; whlẹngán ṣie ko tọ́n jẹgbonu, alọ ṣie na dawhẹ̀ gbẹtọ lẹ tọn; olopo na nọtepọ́n mi, yé na sọ dotudo awà ṣie go.

ISAIA 60:12

Na akọta po ahọludu po he ma na sẹ́n we na dọ̀n; nugbo, akọta nẹlẹ yè na gbà yé kija gbidigbidi.

ISAIA 65:25

Ohia po lẹngbọvu po na dùnú dopọ́, kinnikinni na dù amà di oyín asú, kọ́gudu na yín nùdùdù odàn tọn. Yé ma na gbleawuna omẹ, kavi hùsúdo to osó wiwe ṣie lẹpo ji, wẹ OKLUNỌ dọ.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

HOSEA 2:18

Podọ azán nẹ mẹ wẹ yẹn na basi alẹ́nù de na yé hẹ gbékanlin danji tọn lẹ, podọ hẹ ọhẹ̀ olọn tọn lẹ, podọ hẹ onú he nọ lin aigba tọn lẹ: Yẹn bo na sọ wẹ́n ogába po ohi po po awhànfunfun po sọn aigba lọ mẹ, bo na sọ hẹn yé nado mlọnai blẹo.

HOSEA 2:20

Yẹn bo na sọ dà we hlan dẽ nugbowà mẹ: hiẹ bo na sọ yọ́n OKLUNỌ.

JOẸLI 3:2

Yẹn na bẹ́ akọta lẹpo pli, bo sọ hẹn yé jete wá biọ agbàdo Jehọṣafati tọn mẹ; yẹn bo na sọ dowhẹ̀gbè po yé po to finẹ na omẹ ṣie lẹ podọ na Islaeli núdodùgú ṣie, mẹhe yé ko vúnvún do akọta lẹ ṣẹnṣẹn, bo sọ má aigba ṣie.

MIKA 5:15

Podọ yẹn na hẹn ahọsuyi ṣẹ to adi po homẹwlu po mẹ to akọta lẹ ji ehe hunkọ yé ma ko mọsè.

ZEKALIA 14:3

Whenẹnu wẹ OKLUNỌ na jẹgbonu yì, bo hoavùn hẹ akọta nẹlẹ, di whenuena é to avùnho to azán awhan tọn lẹ mẹ.

ZEKALIA 8:20

Le wẹ OKLUNỌ awhànpa lẹ tọn dọ: E na gbẹ́ sọ wá jọ, dọ gbẹtọ lẹ na wá finẹ, po tòmẹnu tòdaho gbò lẹ tọn lẹ po:

ZEKALIA 9:10

Yẹn bo na sọ sán kẹkẹ sẹ̀ sọn Eflaimi mẹ, podọ osó lọ sọn Jelusalẹm mẹ, podọ ogába awhàn tọn na sọ yin sinsán sẹ́; ewọ bo na sọ dọhó jijọho hlan akọta lẹ: ahọluigba etọn bo na sọ tin sọn ohù mẹ jẹ ohù de, podọ sọn Otọ lọ mẹ jẹ opòdo aigba lọ tọn lẹ.

OWALỌ APỌSTELI LẸ TỌN 17:31

sọle ewọ ko dè azán de, ehe mẹ ewọ na dawhèna aihọn to dódó mẹ to dawe he ewọ ko do de mẹ; ehetọn é ko na adọgbigbó hlan gbeto lẹpo, to ehe mẹ é ko fọ́n ẹn sọn osiọ le mẹ.

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.

1 SAMUẸLI 2:10

Yè na gbà ye he to avùnhò hẹ OKLUNỌ lẹ hányán; Yé ji wẹ é na yẹnwan do to olọn mẹ: OKLUNỌ na dawhèna opòdo aigba tọn lẹ; Ewọ na sọ na huhlọn hlan ahọlu etọn, Bo sọ zé azò mẹyíamisádodè etọn tọn daga.