MIKA 1:3 - BIBLU WIWE LỌ 1923

³ Na, dayi e go, OKLUNỌ jẹgbonu sọn otẹn etọn mẹ ja, bo na jẹte wá, bo na tùnafọ otẹn yìaga aigba tọn lẹ ji.

MIKA 1:3 Iomraidhean Croise

OWÈ JOB TỌN. 40:12

Pọ́n omẹ dopodopo he yín saklanọ bo hẹn ẹn wá odò; Bo tunafọ mẹylankan lọ ji to fie e ṣite te.

PSALM 115:3

Ṣigba Jiwheyẹwhe míwlẹ tọn tin to olọn lẹ mẹ: E ko wà onú depope he é jlo.

ISAIA 25:10

Na osó he ji wẹ alọ OKLUNỌ tọn na te, é na sọ zín Moab to oglọ etọn yèdọ dile yè nọ zín ogbé dai do na ogbó.

ISAIA 26:21

Enẹwutu, dayi e go OKLUNỌ: tón sọn otẹn etọn mẹ nado sáyahẹ omẹ aihọn mẹ tọn lẹ na ylando yetọn wutu; aihọn ga na sọ yí ohùn etọn hia, é ma to na sukún oṣiọ etọn lẹ tọn do bà.

EZEKIELI 3:12

Whenẹnu wẹ gbigbọ lọ zé mi daga, yẹn sọ sè to godo ṣie ogbè zínyìnyen daho de tọn, didọmọ, Donanọ gigo OKLUNỌ tọn yín sọn otẹn he mẹ.

AMỌSI 4:13

Na, pọ́n, ewọ he basi osé lẹ, bo sọ dá ojẹhọn, bo sọ lá núhe linlẹn etọn yín hlan gbẹtọ, he hẹn afọnnu zùn zinvlu, bo sọ nọ gbọn otẹn yìaga aigba tọn lẹ ji; oyín etọn wẹ, OKLUNỌ Jiwheyẹwhe awhànpa lẹ tọn.

AMỌSI 9:5

Na, OKLUNỌ, JIWHEYẸWHE awhànpa lẹ tọn wẹ ewọ he sọalọ aigba lọ bọ é yọ́, podọ yé he nọ nọ̀ e mẹ lẹpo wẹ na blawu; podọ é na sọ tite daga pete taidi Otọ̀ lọ; bo na sọ vọ́ siọ taidi Otọ̀ Egipti tọn lọ;

HABBAKUK 3:19

Jehova, OKLUNỌ lọ, wẹ huhlọn ṣie, Ewọ bo sọ basi afọ siẹ lẹ taidi afọ agbànlin tọn lẹ, Bo na sọ hẹn mi nado nọ zinzọnlin to otẹn yìaga ṣie lẹ ji.

ZEKALIA 14:4

To azán nẹ gbè wẹ afọ etọn lẹ na ṣite to oso Olivieli tọn lẹ ji, he tin to Jelusalẹm nukọn to whèzẹtẹn ji, podọ osé Olivieli tọn le na zẹ́dawe to gblagbla etọn mẹ hlan whezẹntẹn ji dali podọ hlan whèyihọ ji dali, agbàdo daho talala de na sọ tin fine; odá osé lọ tọn na diọtẹn hlan agéwaji dali, podọ odá e tọn hlan hùwaji dali.

Deutelonomi 32:13

E hẹn ẹn hẹ́ ofi yìji aigba tọn lẹ ji, E bo sọ dù jideji oglegbo lọ tọn; E bo sọ hẹn ẹn gbẹ́n owín sọn osé lọ mẹ, Podọ amì sọn osé okẹ́nnọ lọ mẹ;

Deutelonomi 33:29

Islaeli È, jijọhono wẹ hiẹ: Mẹnu wẹ tin jijlẹ do ogo we, gbẹtọ whinwhlẹn lẹ gbọn OKLUNỌ lọ dali de, Awọyínu alọgọ towe tọn lọ, Podọ enẹ wẹ ohi gigodaho towe tọn lọ Kẹ̀ntọ towe lẹ bo nasọ jó yéde hlan we; Hiẹ bo nasọ nọ zìn gbọn ofi yìaga yetọn lẹ ji.