LUKU 6:8 - BIBLU WIWE LỌ 1923

⁸ Ṣigba é yón linlẹn yetọn, é dọ hlan ewọ he alọ etọn kuse, dọ, Fọ́n, bo site tọ gbonu to ṣẹnṣẹn. E sọ fọ́n, bo site to ṣẹnṣẹn.

LUKU 6:8 Iomraidhean Croise

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

1 OTÀNNUGBO LẸ 29:17

Yẹn sọ yọnẹn ga, Jiwheyẹwhe ṣie, dọ hiẹ nọ whle ayiha pọ́n, bo sọ tindo homehùn to dódó mẹ. Na yẹn tọn, to dódó ayiha ṣie tọn mẹ wẹ yen do jó onú he lẹpo podọ dinvie yẹn ko sọ mọ po ayajẹ po omẹ towe le, he tin to ofile, nado na po ojlo po hlan we.

OWÈ JOB TỌN. 42:2

Yẹn yọnẹn dọ hiẹ sọgan wà onú lẹpo, Podọ yè ma sọgan dọ̀n ayihalẹn de do godo sọn towe me gba.

PSALM 44:21

Be Jiwheyẹwhe ma na din ehe mọ E yón onú bibè ayiha tọn.

ISAIA 42:4

Onú ma to na dikọ nẹ̃, mọ ewọ ma to na fiọhomẹ, kaka é na do zé whẹ̀dida dai to aihọn mẹ: olopo lẹ na sọ nọtepọ́n osẹ́n etọn.

MATIU 9:4

Jesu sọ yón linlẹn yetọn, é dọmọ, Etẹwutu wẹ mìwlẹ to oylan lẹn to ayiha mìtọn mẹ?

MALKU 3:3

E sọ dọ hlan dawe he alọ etọn kusẹ lọ, dọ, Site to ṣẹnṣẹn.

LUKU 13:12

Whenuena Jesu mọ ẹn, e ylọ ẹ, bo dọ hlan ẹn do, Nawe, yè tún we dai son awuku towe mẹ

LUKU 5:22

Ṣigba whenuena Jesu mọ ayi linlẹn yetọn, é gblon dọ hlan yé, dọmọ, Etẹwẹ mì to linlen to ayiha mìtọn mẹ?

LUKU 6:9

Whenẹnu we Jesu sọ dọ hlan yẹ, dọ, Yẹn na kàn onú dopo se mí; Be é jẹ to, gbọjẹzángbè nado wà dagbe, kavi nado wà ylankan? nado whlẹn ogbè gán, kavi nado hù súdo?

JOHANU 2:25

Podọ é ma yín núwhèdonọ dọ omẹ de na do dekunnu gbọn gbẹtọ tọn dali wutu: hà ewọ lọsu yọn nuhe tin to gbẹtọ homẹ.

JOHANU 21:17

E sọ dọ hlan ẹn whlatòntọ, dọ, Simọni, ovisunnu Jona tọn, hiẹ yiwanna mi? Pita gblehomẹ na e dọ hlan ẹn whlatòntọ, dọ, Hie yiwanna mi wutu? E sọ do hlan ẹn, dọ, Hiẹ yón onú popo, Okluno; hiẹ yonẹn dọ yẹn yiwanna we. Jesu dọ hlan ẹn, dọ, Yìn lẹngbọ ṣie lẹ.

JOHANU 9:4

Mí ma sọgan nọ ma wà azon ewo he do mi hlan ton, whenuena é yín okle: ozán ja whenuena mẹde ma sọ sọgan wàzón.

OWALỌ APỌSTELI LẸ TỌN 20:24

Ṣigba dopo to onú helẹ mẹ ma hẹn mi sẹtẹn gba, mọ yẹn ma sọ lẹn gbigbọ ṣie di nuvivé hlan dẽ, sọmọ dọ yẹn nido yí ayajẹ do hẹn ali ṣie jẹ pòdo, po devizón he yẹn yí sọn Jesu Oklunọ de po, nado nọ la wẹndagbe ojọmiọn Jiwheyẹwhe tọn tọn.

OWALỌ APỌSTELI LẸ TỌN 26:26

Na ahọlu yọnẹn son onú helẹ mẹ, mẹhe nukọn yẹn mọ vivò te ga do to hódọ: na ayiha ṣie dọ na mi dọ, yè ma wa onú helẹ de to nuglọ gba.

FILIPPINU LẸ 1:28

mì dibuna kèntọ mìtọn lẹ to nudepope mẹ blo, he yin ohia dopo na viva yetọn he yè modona, ṣigba whlengan mìtọn tọn, podọ enẹ sọn Jiwheyẹwhe de wẹ.

HEBLU LẸ 4:13

Podọ núdida he ma doawúhia to nukọn etọn de ma tin: mọ onú lepo wẹ to omé bo sọ hùndonuvo to nukun etọn mẹ, mẹhe mìwlẹ do onú nado wà hẹ.

1 PITA 4:1

BE sọle Klisti jiya na mí to agbasalan mẹ, mì yí nuyọnẹn dopolọ do blagbajana mìde: na ewọ he jiya to agbasalan mẹ ko doalọte sọn ylando mẹ;

OSỌHIA 2:23

Yẹn nasọ yí okú do hù ovi etọn lẹ; agùn lẹpo nasọ yọnẹn dọ, yẹn we èwọ he nọ dla homẹ po ayiha po pọ́n: yẹn nasọ na hlan dopodopo mìtọn dile azọ́n mìtọn te.