LUKU 6:10 - BIBLU WIWE LỌ 1923

¹⁰ Whenuena é pọ́n yé omẹ pó lédo, é dọ hlan dawe lọ, dọmọ, Dlẹn alọ towe jẹgbónu. E sọ wà mọ: alọ etọn sọ gòjẹ gángán, kẹdẹdi awetọ.

LUKU 6:10 Iomraidhean Croise

1 AHỌLU LẸ 13:6

Ahọlu lọ sọ gblọn bo dọ hlan omẹ Jiwheyẹwhe tọn lọ domọ, Biọ dinvie nukundagbe OKLUNỌ Jiwheyẹwhe towe tọn bo hodẹ́ na mi, na yè nido vọ alọ ṣie gòjóna mi. Omẹ Jiwheyẹwhe tọn lọ sọ biọ OKLUNỌ, yè sọ vọ́ alọ ahọlu tọn gọjóna ẹn, bo sọ lẹzùn dile é te dai.

PSALM 107:20

E do ohó etọn hlan, bo hẹn azọ̀n yetọn gbọ na yé, Bo sọ whlẹn yé sọn vàsúdo yetọn mẹ.

MALKU 3:5

Whenuena é pọ́n yé lédo po adi po yínyín homẹgblenọ na sinsinyẹn ayiha yetọn tọn wutu, é dọ hlan dawe lọ, dọ, Dlẹn alọ towe. E sọ dlẹn ẹn: alọ etọn sọ jẹ gángán di awetọ.

LUKU 6:11

Ṣigba homẹ yetọn gó na adi; yé sọ to ohó dọ hẹ yénọzo, dọ etẹwẹ yé do wà do Jesu.

LUKU 6:9

Whenẹnu we Jesu sọ dọ hlan yẹ, dọ, Yẹn na kàn onú dopo se mí; Be é jẹ to, gbọjẹzángbè nado wà dagbe, kavi nado wà ylankan? nado whlẹn ogbè gán, kavi nado hù súdo?

JOHANU 5:8

Jesu sọ dọ hlan ẹn, dọ, Fọ́n, zé adòzan towe, bo zinzọnlin.