LUKU 20:10 - BIBLU WIWE LỌ 1923

¹⁰ To osã lọ ji é do afànumẹ de hlan glesi lẹ, na yé nido na ẹn sọn sinsẹ́n vẹ̃ngle tọn mẹ: ṣigba glesi lẹ linu in, bo sọ do e hlan yì agbá.

LUKU 20:10 Iomraidhean Croise

1 AHỌLU LẸ 22:24

Whenẹnu wẹ, Zẹdekia visunnu Ṣenaana tọn wá sẹpọ́, bo hò Mikaia sọn alaka go, bo dọmọ, Aliho tẹwẹ gbigbọ OKLUNỌ tọn gbọn yì sọn dẽ nado dọhó hlan we?

2 AHỌLU LẸ 17:13

Gãnṣo OKLUNỌ sakunnu hlan Islaeli, podọ hlan Juda, gbọn alọ yẹwhegán lẹpo tọn mẹ, podọ sọn númọtọ lẹpo mẹ, dọmọ, Mì gọ́ sọn aliho ylanylan mìtọn lẹ mẹ, bo yìn gbèdide ṣie lẹ po osẹ́ndoai ṣie lẹ po, kẹdẹdi osẹ́n he yẹn degbèna otọ́ mìtọn lẹpo, po ehe yẹn dohlàn mì po gbọn alọ mẹmẹsi ṣie yẹwhegán lẹ tọn mẹ.

1 OTÀNNUGBO LẸ 19:4

Mọwẹ Hanuni bẹ́ mẹmẹsi Davidi tọn lẹ, bo luntánna yé, bo sọ sán awugbó yetọn lẹ tó ṣẹnṣẹn mẹ, yèdọ jẹ alinkan yetọn lẹ, bo sọ do yé yi.

2 OTÀNNUGBO LẸ 16:10

Whenenu wẹ Asa yín homẹgblenọ do numọtọ lọ go, bo yí i do ohọ̀ ogànhọ̀ tọn mẹ; na ewọ tin to adanjijẹ de mẹ po e po na onú he tọn wutu. Asa sọ biánukunna adade sọn gbẹtọ lẹ mẹ to òjlẹ nẹ mẹ.

NẸHEMIA 9:26

Gãnṣo yé yín tólivẹtọ, bo sọ ṣiatẹ hẹ we, bo fọ́ osẹ́n towe dlan nẹgbé yetọn godo, bo sọ hù yẹwhegán towe he sakunnu do yé ji lẹ nado gọ̀ yé do de we, yé sọ wà homẹgblenú dahodaho.

NẸHEMIA 9:30

Gãnṣo owhè susu wẹ hiẹ sinyẹnlin to yé de, bo sọ sakunnu do yé ji gbọn gbigbọ towe dali gbọn yẹwhegán towe lẹ mẹ: gãnṣo yé ma na otọ́: enẹwutu wẹ hiẹ jó yé do alọ akọta aigba lọ lẹ tọn lẹ tọn mẹ.

PSALM 1:3

E na di atin he yè hòndo do asisa osìn tọn tó, He to sinsẹ́n etọn sẹ́n to ojlẹ etọn mẹ; Àmà etọn ga ma na yọ́; Nudepope é to wiwà na doale.

JẸLEMIA 2:30

Ovọ́ mẹ wẹ yẹn linú ovi towe lẹ; yé ma yí oplọnlọ de, ohi mitọn lọsu ko dù yẹwhegán mitọn le, taidi kinnikinni mẹsúdotọ de.

JẸLEMIA 20:2

Whenenu wẹ Pasihuli hò. Jẹlemia yewhegán lo, bo, yí i do osópò mẹ he tin to hòngbo Benjamini tọn ji aga, he tin to ohọ̀ OKLUNỌ tọn mẹ.

JẸLEMIA 35:15

Yẹn ko do devi ṣie yẹwhegán lẹpo hlan mì ga, finfọn afọnnufú bo to yé dohlan, dọmọ, Mì lẹ́gọ̀ dinvie omẹ dopodopo sọn aliho ylankan etọn mẹ, bo jla wiwà mitọn lẹ do, bo sọ hodo yẹwhe devo lẹ yi nado sẹ́n yé blo, mìwlẹ na sọ nọ̀ aigba lọ mẹ he yẹn ko na hlan mì podọ hlan otọ́ mitọn lẹ: ṣigba mìwlẹ ma ko tó otọ́ mitọn dai gba, bo ma sọ tuntóai hlan mi.

JẸLEMIA 5:24

Mọ yé ma sọ dọ to ayiha yetọn mẹ dọ, Gbọ mí ni dibusi OKLUNỌ Jiwheyẹwhe mítọn to dinvie, he to ojikun namẹ, nukọntọn po godotọn po, to osã etọn mẹ; he to osè didè ojije tọn lẹ hladai hlan mí.

LUKU 13:34

Jelusalẹm, Jelusalẹm È, hiẹ he hù yewhegán lẹ, bo sọ dlẹn zannu do yé be yè dohlan we lẹ: whla nẹmu wẹ yẹn ko jlo na bé ovi tọwe lẹ plidopọ, dile koklosi nọ bẹ̀ ovi etọn lẹ pli do awà etọn glọ do, bọ mì ma sọ jlo!

LUKU 20:11

E sọ do afànumẹ devo hlan: yé sọ linu in ga, bo saya nẹ̃ susu, bo sọ do e hlan yì agbá.

LUKU 20:9

E sọ sè oló he dọ hlan gbẹtọ lẹ, dọmọ; Dawe de do vẹ̃ngle de, bo yí i hayana glesi lẹ, bo sọ yì otò devo mẹ na ojle dindẹn de.

JOHANU 15:16

Mìwlẹ ma wẹ dèmi gba, ṣigba yẹn wẹ dè mì, bo sọ nasẹ mì dọ mi ni yì bo hẹn sinsẹ́n, podọ na sinsẹ́n mìtọn nido nọte: na onú depope mì na biọ sọn Otọ́ de to oyín ṣie mẹ, é nido na ẹn mì.

LOMUNU LẸ 7:4

Enẹwutu, mẹmẹsunnu ṣie emi, mìwlẹ ga ko zùn osiọ hlan osén gbọn agbasa Klisti tọn mẹ; na yè nido wlealọna mì hlan omẹ devo, yèdọ hlan ewọ he yè zé tite sọn osiọ lẹ mẹ, na mí nido hẹn sinsẹ́n jẹgbonu wá hlan Jiwheyẹwhe.