LUKU 2:25 - BIBLU WIWE LỌ 1923

²⁵ Do ayi e go, dawe de tin to Jelusalẹm, oyín mehetọn no yín Simeọni; dawe he sọ yín dódónọ, hùnséntọ, mẹhe nọtepọ́n homẹmimiọn Islaeli ton, Gbigbọ Wiwe sọ tin to e ji.

LUKU 2:25 Iomraidhean Croise

Gẹnẹsisi 6:9

Ehelẹ wẹ whẹndo Noa tọn: Noa yín dódónọ bo pó to whẹndo etọn le mẹ: Noa sọ zinzọnlin hẹ Jiwheyẹwhe.

OWÈ JOB TỌN. 1:1

DAWE de tin to aigba Uzi tọn mẹ, oyín mẹhetọn yín Job; podọ dawe nẹ yín pipé jlọjlọ, podọ omẹ he dibusi Jiwheyẹwhe, bo sọ hònsí oylan.

OWÈ JOB TỌN. 1:8

OKLUNỌ sọ dọ hlan Satani dọmọ, Hiẹ ko glo Job devi ṣie pọ́n? dọ mẹde ma tin di i to aigba ji, omẹ pipé de podọ jlọjlọ de, ode he dibusi Jiwheyẹwhe, bo sọ hònsí oylan.

ISAIA 25:9

Yè na sọ dọ ẹ to azán lọ gbè, dọmọ, Pọ́n ẹn, ehe wẹ Jiwheyẹwhe mítọn; míwlẹ ko nọtepọ́n ẹn, é na sọ whlẹn mí: OKLUNỌ wẹ ehe: míwlẹ ko nọte pọ́n ẹn, mí na to ayajẹ, homẹ mítọn na sọ to hùnhùn to whlẹngán etọn mẹ

ISAIA 40:1

MÌ miọnhomẹna omẹ ṣie lẹ, mì miọnhomẹna yé, wẹ Jiwheyẹwhe mitọn dọ.

MIKA 6:8

Hiẹ dawe, ewọ ko do núhe yín dagbe hia we; podọ etẹ̀ wẹ OKLUNỌ to kinkanbiọ sọn de we, adavo nado nọ yí nugbo do wà, podọ nado yiwanna lẹblanu, podọ nado nọ yí whiwhẹ do zinzọnlin po Jiwheyẹwhe towe po.

Osọha lẹ 11:25

OKLUNỌ lọ bo sọ wá odo to aslọ lọ mẹ, bo dọhó hlan ẹn, bo yí son gbigbọ he tin e ji mẹ, bo yí i do mẹho kandegbàn lẹ lọ ji: é bo sọ wá jọ, whenuena gbigbọ lọ jè do yéji, yé dọdọdai, ṣigba yé ma sọ wà mọ ba gba.

Osọha lẹ 11:29

Moṣe sọ dọ hlan ẹn dọmọ, Hiẹ yín awuwhànnọ na ṣie tọn wutu? Jiwheyẹwhe dọ jlo dọ omẹ OKLUNỌ lọ tọn lẹpo wẹ yẹwhegán, dọ OKLUNỌ lọ do yí gbigbọ etọn do yé ji!

MALKU 15:43

Josẹfu Alimate tọn, tòhodọtọ yeyinọ de, mẹhe to nukundo ahọludu Jiwheyẹwhe tọn, wá, bo biọ owhé gbè yì Pilati de madibu, bo biọ osiọ Jesu tọn.

LUKU 1:41

E sọ wá jọ whenuena Elizabẹti sè núdọdomẹ Malia tọn, ovi whàngo to adọ̀ etọn mẹ; Elizabẹti sọ gó na Gbigbọ Wiwe;

LUKU 1:6

Yé omẹ awe lẹ sọ yín dódónọ to Jiwheyẹwhe nukọn, yé to zọnlinzin to osén po ali Oklunọ tọn lẹpo po me mablu.

LUKU 1:67

Zakali otọ́ etọn sọ gó na Gbigbọ Wiwe, bo dọdọdai, dọmọ,

LUKU 2:38

Hihẹji wá to ojlẹ lọ mẹ, é dopéna Jiwheyẹwhe ga, bo sọ dọ ohó etọn hlan mẹhe to nukundo ofligò Jelusalẹm tọn lepo.

LUKU 23:51

(Ewọ ma yígbè hlan hónamẹ po wiwà yetọn po gba;) Alimaténu wẹ ewọ, otò Ju lẹ tọn: mẹhe ewlọsu ga ko to tenọpọn ahọludu Jiwheyẹwhe tọn.

OWALỌ APỌSTELI LẸ TỌN 10:2

Gbẹtọ ayihawiwenọ, mẹhe dibusi Jiwheyẹwhe pó whégbètọ etọn lẹ po, mẹhe nọ na nunina lẹblanu tọn susu gbẹtọ lẹ, bo sọ nọ hodè hlan Jiwheyẹwhe to whepoponu.

OWALỌ APỌSTELI LẸ TỌN 10:22

Yé sọ dọmọ, Kọneliọsi, mẹkanwekowhangán, dawe dódónọ de, mẹhe dibusi Jiwheyẹwhe, bo sọ diyín dagbe to akọta Ju tọn lẹpo mẹ, wẹ yè hensèava sọn Jiwheyẹwhe de gbọn angeli wiwe dali, nado dowẹn hlan we, na hiẹ ni wá owhé etọn gbè nado sè ohó sọn de we.

OWALỌ APỌSTELI LẸ TỌN 2:5

Ju gbẹtọ ayihawiwẹnọ lẹ tin bo nọnọ̀ Jelusalẹm, sọn akọta he tin to olọn glọ lepo me.

OWALỌ APỌSTELI LẸ TỌN 24:16

Ehe mẹ wẹ yẹn to azónna dẽ wà te, nado tindo ayiha he ma tindo afọklẹnnu de hlan Jiwheyẹwhe de, podọ hlan gbẹtọ de to whepoponu.

Deutelonomi 18:15

OKLUNỌ lọ Jiwheyẹwhe towe na zé Yẹwhegán de fọ́n hlan we sọn gblagbla towe mẹ, sọn mẹmẹsunnu towe lẹ mẹ, jijlẹ do ogo e; ewọ wẹ mì na tùntóai hlan;

2 PITA 1:21

Na dodai ma gbọn ojlo gbẹtọ tọn dali wá to hóhówhenu gba: ṣigba gbẹtọ lẹ dọhó sọn Jiwheyẹwhe de dile yè dòn yé yì do gbọn Gbigbọ Wiwe dali.