LUKU 2:13 - BIBLU WIWE LỌ 1923

¹³ Ajiji agùndaho awhanpa olọn tọn de tin to angẹli lọ de, bo tò Jiwheyẹwhe pa, dọmọ,

LUKU 2:13 Iomraidhean Croise

Gẹnẹsisi 28:12

E sọ kudlọ, bo dayi e go, ayila de yè zé dote to aigba bọ aga etọn sú olọn: bo dayi e go, angẹli Jiwheyẹwhe tọn lẹ to jihẹ́, bo sọ to tejẹ to e ji.

1 AHỌLU LẸ 22:19

Ewọ sọ dọmọ, Enẹwutu hiẹ ni sè ohó OKLUNỌ tọn: Yẹn mọ OKLUNỌ to aisínsin to ofìn etọn ji, awhànpa olọn tọn lẹpo site to e de to alọ adusi etọn ji podọ to amiyọn etọn ji.

OWÈ JOB TỌN. 38:7

Whenuena sunwhlẹvu afọnnu tọn lẹ to hànji dopọ, Bọ visunnu Jiwheyẹwhe tọn lẹpo to abóbodo na homẹhùn?

PSALM 148:2

Mì pa ẹ, mì angẹli etọn lẹ emi; Mì pa ẹ, mì awhànpa etọn lẹpo emi.

PSALM 68:17

Fọtón òko wẹ awhàn-kẹkẹ Jiwheyẹwhe tọn lẹ, yèdọ fọtọ́n lẹ to fọtọ́n lẹ ji; OKLUNỌ tin to yé mẹ, Sinai tin to fiwiwe mẹ.

EZEKIELI 3:12

Whenẹnu wẹ gbigbọ lọ zé mi daga, yẹn sọ sè to godo ṣie ogbè zínyìnyen daho de tọn, didọmọ, Donanọ gigo OKLUNỌ tọn yín sọn otẹn he mẹ.

DANIẸLI 7:10

Asisa miyọnnọ de tọn jẹgbonu sọn ewọ nukọn wa: fọtọ́n fọtọ́n lẹ to devizónwà hlan ẹn, podọ fọtọ̀n ao donu fọtọ́n ao site to ewọ nukọn: yè zé whẹ̀dida lọ dai, yè sọ hùn owé lẹ.

LUKU 15:10

Yẹn do hlan mì, mọkẹdẹ we ayajijẹ tin to angẹli Jiwheyẹwhe tọn lẹ nukọn to ylandonọ dopo he vọjọ ji.

LUKU 2:12

Ehe sọ wẹ basi ohia hlan mì; Mì na mọ ovivu de he yè yí ajakẹn hizi do e go, é mlọnai to opa kanlin tọn de mẹ.

LUKU 2:14

Gigo hlan Jiwheyẹwhe to olọn aga, Podọ jijọho to gbẹtọ mẹhe mẹ ewọ yín homẹhùnnọ te lẹ ṣẹnṣẹn.

EFESUNU LẸ 3:10

nu dinvie yè nido hẹn nuyọnẹn hunkọhunkọ susugege Jiwheyẹwhe tọn zùn yinyọnẹn hlan ogán lẹ, po huhlọn he tin to otẹn olọn tọn lẹ po mẹ gbọn agùn lọ mẹ,

1 TIMOTI 3:16

Podọ matin núdindọn, daho wẹ nudabla jijọdi-Jiwheyẹwhe tọn: yè yí Jiwheyẹwhe hia to agbasa mẹ, bo sọ sùwhẹ nẹ̃ to Gbigbọ mẹ, yè mọ ẹn to angeli lẹ de, yè dọyẹwheho etọn hlan Kosi lẹ, yè yí i se to aihọn mẹ, yè sọ yí i daga do gigo mẹ.

HEBLU LẸ 1:14

Be é ma yín yé ome pó we gbigbọ devizònwiwà tọn, he yè dohlan nado wàdevizọ́n na yé he na yin whédutọ whlẹngan tọn lẹ tọn wutu?

1 PITA 1:12

Hlan mẹhe yè sọhia lẹ, dọ é ma yín hlan yélọsu gba, ṣigba mílẹ we yẹ to devizón onú helẹ tọn wà hlan, ehe yè to didọ hlan mi to dinvie, gbọn yé he ko to yẹwheho wẹndagbe tọn dọ hlan mì dali, po Gbigbọ Wiwe he yè dohlan sọn olọn mẹ wá po; onú he angẹli lẹ jlo nado doun e mẹ pọ́n.

OSỌHIA 5:11

Yẹn sọ pọ́n, bo sè ogbè angẹli susu tọn lédo ofìn lọ, podọ lédo mẹdida lẹ lọ, po mẹho lẹ lọ po pó: sọha yetọn sọ yín fọtọ́n ao whla fọtọ́n ao, po fọtọ́n fọtọ́n lẹ tọn po;