LUKU 2:10 - BIBLU WIWE LỌ 1923

¹⁰ Angẹli lọ sọ dọ hlan yé, dọmọ, Mì dibu blo: pon, yẹn hẹn wẹndagbe homehùnhùn daho tọn wá na mì, he na tin hlan gbẹtọ lẹpo.

LUKU 2:10 Iomraidhean Croise

Gẹnẹsisi 12:3

mẹhe dona we wẹ yẹn na dona, ewọ he sọ hodẹ̀do we wẹ yẹn na hodẹ̀do; to hiẹ mẹ wẹ yè na dona hẹnnu aigba tọn lẹpo te.

ISAIA 40:9

Hiẹ wẹ̀ndagbenọ Ziọni tọn, hẹ́ osó daho ji aga yì; hiẹ wèndagbenọ Jelusalẹm tọn, zé ogbè towe doaga po huhlọn po: zé e doaga, a dibu blo; dọ hlan otò Juda tọn dọ, Mì pọ́n Jiwheyẹwhe mitọn.

ISAIA 41:27

Tintan yẹn na dọ hlan Ziọni dọmọ, Pọ́n, pọ́n yé; podọ yẹn na na Jelusalẹm omẹ dopo de he hẹn wẹndagbe wá.

ISAIA 49:6

E sọ dọ dọmọ, E yín onú pẹvi na hiẹ ni yín devi ṣie, nado zé ohẹnnu Jakob tọn lẹ doaga, podọ nado lẹ́ omẹ whiwhla Islaeli tọn gọ́: yẹn na sọ yí we do basi hinhọ́n Kosi lẹ tọn, na hiẹ nido yín whlẹngán ṣie kaka jẹ pòdo aigba tọn.

ISAIA 52:10

OKLUNỌ ko do awà wiwe etọn hia to nukọn akọta lẹpo tọn; aihọn lẹpo na sọ mọ whlẹngán Jiwheyẹwhe mitọn tọn.

ISAIA 52:7

Na afọ ewọ he hẹn wẹndagbe wá tọn yín whànpẹnọ to osó ji do le, he to owẹ́n jijọho tọn dọ, he to wẹndagbe nudagbe tọn hẹn wá, he to whlẹngán tọn dọ; he dọ hlan Ziọni dọ, Jiwheyẹwhe towe duahọlu.

ISAIA 61:1

GBIGBỌ Oklunọ JIWHEYẸWHE tọn tin to oji e; na OKLUNỌ ko yí amisisá do dè mi nado dọyẹwhehó wẹndagbe tọn hlan homẹmimiọnnọ lẹ; é ko do mi hlan nado basi pọ́ngbọ ayiha awublanọ lẹ tọn, nado lá mẹdekannujẹ hlan mẹmẹglọ lẹ, podọ hùnhùn ogànhọ̀ tọn na ogàntọ lẹ.

DANIẸLI 10:19

Ewọ sọ dọmọ, Hiẹ omẹ yiwanna talala È, a dibu blo: jijọho tin hlan we, yín huhlọnnọ, mọwẹ, yín, huhlọnnọ. Podọ whenuena é dọhó hlan mi, yè nahuhlọn mi, yẹn sọ dọmọ, Gbọ; klunọ ṣie ni to hódọ; na hiẹ ko nahuhlọn mi.

ZEKALIA 9:9

Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn.

MATIU 14:27

Ṣigba to afọdoponẹji, Jesu dọhó hlan yé, dọmọ, Mì deji: yẹn wẹ; mì yín avosatọ blo.

MATIU 28:18

Jesu sọ wá yé de, bo dọ hlan yé, dọmọ, Aṣẹ lẹpo wẹ yè ko jo hlan mi to olọn mẹ podọ to aigba ji.

MATIU 28:5

Angeli lọ sọ gblọn, bo dọ hlan yọnnu lẹ, domọ, Mì dibu blo: na yẹn yọnen dọ mì to Jesu din, he yè whè do satin go.

MALKU 1:15

dọmọ, Yè hẹn ojlẹ lọ sò, podọ ahọludu Jiwheyẹwhe tọn sẹpọ́: mí lẹnvọjọ, bo yí wẹndagbe se.

MALKU 16:15

E sọ dọ hlan yé, dọmọ Mì yì aihọn lẹpo me, mì ni to yẹwheho wendagbe tọn dọ hlan gbẹtọ lepo.

LUKU 1:13

Ṣigba angeli lọ dọ hlan ẹn, dọmo, A dibu blo, Zakali: na yè sè odè towe; asi towe Elizabẹti na ji ovisunnu de hlan we, hiẹ nasọ ylọ oyín etọn Johanu.

LUKU 1:19

Angeli lọ sọ gblọn bo dọ hlan ẹn, dọmọ, Yẹn Gabliẹli he nọ site to Jiwheyẹwhe nukọn wẹ; yẹn wẹ yè dohlan nado dọhó hlan we, podọ nado hẹn wẹndagbe helẹ wá de we.

LUKU 1:30

Angẹli lọ sọ dọ hlan ẹn, dọmọ, A dibu blo, Malia, na hiẹ ko mọ nukundagbe to Jiwheyẹwhe de.

LUKU 2:11

Na yè ji Whlẹngan tọ de hlan mì to egbé to otò daho Davidi tọn mẹ, he yín Klisti Oklunọ.

LUKU 24:47

Podọ na yẹwheho ovọjọ po odèsè ylando le tọn po ni yín didọ to oyìn etọn me hlan akọta lẹpo, hinhẹn sọn Jelusalẹm.

LUKU 8:1

E SỌ wá jọ to enẹgodo wẹ e to yìyì lédo otodaho po gbeta le po pé bo to yẹwheho do, bo sọ to wendagbe áhọludu Jiwheyẹwhe tọn tọn hẹnwá: omẹ wiawe le sọ tin to e de.

OWALỌ APỌSTELI LẸ TỌN 13:32

Mìwlẹ sọ to owen dagbe ayajẹ tọn do mì, opagbe yè do hlan otọ mìtọn lẹ.

LOMUNU LẸ 10:15

Nawẹ vó na dọyẹwheho do, adavo yé yín didohlan? dile yè wlan ẹn dọ, Nawẹ afọ yé he dọyẹwheho wẹndagbe jijọho tọn, bo sọ hẹn owẹn dagbe onú dagbe lẹ tọn wá yónwhanpẹ sọ!

EFESUNU LẸ 3:8

Na yen, he whè gbahú godotọ to mẹwiwe lepo me, wẹ yè yí ojọmiọn he na, na yẹn nido dọyẹwheho dinmamọdòna adọkun susu Klisti tọn tọn hlan Kosi lẹ;

KỌLỌSINU 1:23

eyín mì nọte to yise mẹ, bo hẹnadoai bo nọtegli, bọ yè ma sọ hẹn mì seafọ sọn tódido wẹndagbe tọn mẹ gba, ehe mì ko sè, ehe yè dọ yẹwheho etọn hlan omẹ he tin to olọn glọ lẹpo; ehe tọn yè yí yẹn Paulu do basi devizònwàtọ de na.