LUKU 16:11 - BIBLU WIWE LỌ 1923

¹¹ Enẹwutu, eyín mìwlẹ ma yín nugbonọ to mamoni mawàdódónọ mẹ, mẹnu ka wẹ na yí adọkun nugbo lọ na mì?

LUKU 16:11 Iomraidhean Croise

MATIU 6:24

Mẹde ma sọgan sọ̀n Oklunọ awe gba: adavo é gbẹwánna ode, bo yíwánna awetọ: kavi yín é ma yín mọ, é na joawu na ode, bo gbẹkọ awetọ go. Mìwlẹ ma sọgan sẹn Jiwheyẹwhe po Mamoni po gba.

LUKU 12:33

Mì sa onú he mì tindo, bo na nunina lẹblanu tọn: mì basi apo he ma nọ dohó dai na mìde, adọkunnu de to olọn lẹ mẹ, ehe ma nọ gbodò, fie ajotọ ma sogan sẹpọ́, podọ ofi owán ma nọ dùsudo te.

LUKU 16:12

Eyín mìwlẹ ma sọ yín nugbonọ to onú he yín mẹdevo tọn mẹ, mẹnu ka wẹ na na onú he yín mìwlọsu tọn mì?

LUKU 16:9

Yẹn sọ dọ hlan mì, dọmọ, Mì ni yí mamọni mawàdódó tọn do basi họntọn sọn mìde de; dọ, whenuena é fé, yé nido mọ mì yí do gohọtúntún madopodo lẹ lọ mẹ.

LUKU 18:22

Whenuena Jesu sè onú helẹ, é dọ hlan ẹn, domọ, Onú dopo wẹ whèdo we: yì sà onú he hiẹ tindo lẹpo, bo má hlan wamọnọ lẹ, hiẹ nasọ tindo adọkunnú to olọn mẹ: bo wá, hodo mi.

EFESUNU LẸ 3:8

Na yen, he whè gbahú godotọ to mẹwiwe lepo me, wẹ yè yí ojọmiọn he na, na yẹn nido dọyẹwheho dinmamọdòna adọkun susu Klisti tọn tọn hlan Kosi lẹ;

JAKOBU 2:5

Mì dotóai, mì mẹmẹsunnu yiwanna ṣie lẹ emi, Be Jiwheyẹwhe ma ko dè wamọnọ aihọn he tọn lẹ do basi adọkunnọ yise tọn, podọ whédutọ ahọludu lọ tọn he é dopagbe etọn hlan yé he yiwan nẹ̃ lẹ?

OSỌHIA 3:18

yẹn dewẹhẹ we nado hò sọn dè sika he yè whlepọ́n to miyọn mẹ, na hiẹ nido yín adọkunnọ; podọ avọ̀ wéwé lẹ, na yè nido Ṣinyọnavọ̀na we, podọ na winyan omé towe tọn sọawúhia blo; bo sanú do nukun towe, na hie nido mọnú.