LUKU 13:34 - BIBLU WIWE LỌ 1923

³⁴ Jelusalẹm, Jelusalẹm È, hiẹ he hù yewhegán lẹ, bo sọ dlẹn zannu do yé be yè dohlan we lẹ: whla nẹmu wẹ yẹn ko jlo na bé ovi tọwe lẹ plidopọ, dile koklosi nọ bẹ̀ ovi etọn lẹ pli do awà etọn glọ do, bọ mì ma sọ jlo!

LUKU 13:34 Iomraidhean Croise

NẸHEMIA 9:26

Gãnṣo yé yín tólivẹtọ, bo sọ ṣiatẹ hẹ we, bo fọ́ osẹ́n towe dlan nẹgbé yetọn godo, bo sọ hù yẹwhegán towe he sakunnu do yé ji lẹ nado gọ̀ yé do de we, yé sọ wà homẹgblenú dahodaho.

NẸHEMIA 9:30

Gãnṣo owhè susu wẹ hiẹ sinyẹnlin to yé de, bo sọ sakunnu do yé ji gbọn gbigbọ towe dali gbọn yẹwhegán towe lẹ mẹ: gãnṣo yé ma na otọ́: enẹwutu wẹ hiẹ jó yé do alọ akọta aigba lọ lẹ tọn lẹ tọn mẹ.

PSALM 149:2

Mì gbọ Islaeli ni jaya to ewọ he da ẹ mẹ: Mì gbọ ovi Zioni ton lẹ ni yín ayanọ to ahọlu yetọn mẹ

PSALM 17:8

Hla mi dai di nukunzìn, Sọ mi whlá do yẹtẹn awàfan towe tọn glọ,

PSALM 36:7

Jiwheyẹwhe E, na dagbewanyi towe yín nuhọakuẹ do le! Enẹwutu wẹ ovi gbẹtọ tọn lẹ na nọ din fibẹ̀tado to yẹtẹn awà towe tọn glọ.

PSALM 57:1

WÀLẸBLANUNA mi, Jiwheyẹwhe È, wàlẹblanuna mi: Na ayiha ṣie fibẹ̀tado din to hiẹ mẹ; Nugbo, oyẹ̀ awà towe tọn glọ wẹ yẹn na yí do basi fibẹ̀tado ṣie, Kaka hẹngble lọ nado juwayì.

PSALM 81:13

Ṣó dọ omẹ ṣie lẹ do dotóai hlan mi, Dọ Islaeli do zọnlinzin to aliho ṣie lẹ ji!

PSALM 91:4

E na yí awà etọn lẹ ṣinyọn oji we, Podọ to awà etọn lẹ glọ wẹ hiẹ na nọ din fibẹ̀tado te: Nugbo etọn wẹ awọ́yínu de po gaglo po.

ISAIA 30:15

Na le wẹ OKLUNỌ JIWHEYẸWHE dọ, Omẹ Wiwe Islaeli tọn; To lilẹ́gó po gbigbọjẹ po mẹ wẹ yè na whlẹn mì gán te; to abọẹninọ po tudido po mẹ wẹ huhlọn mítọn te.

ISAIA 50:2

Etẹwutu wẹ yẹn wá, mẹde ma tin? whenuena yẹn ylọ mẹde ma tin na gblọn? Bé alọ ṣie whète sọmọ bọ é ma sọgan fligọ̀? Kavi yẹn ma do huhlọn nado whlẹngán? dayi e go, gbọn wọhẹ ṣie mẹ yẹn hú ohù, yẹn sọ hẹn otọ̀ zùn zùngbo: whevi yetọn to wánlùn na osìn ma tin wutu, yé sọ kú na nugbla.

JẸLEMIA 2:30

Ovọ́ mẹ wẹ yẹn linú ovi towe lẹ; yé ma yí oplọnlọ de, ohi mitọn lọsu ko dù yẹwhegán mitọn le, taidi kinnikinni mẹsúdotọ de.

JẸLEMIA 26:23

yé sọ dè Ulia jẹgbonu sọn Egipti, bo hẹn ẹn wá jẹ Jehọiakimi ahọlu lọ de; mehe yí ohi do hù i, bo sọ zé osiọ etọn dlẹn biọ oyọdo visunnu gbẹtọ lẹ tọn lẹ tọn me

JẸLEMIA 35:14

Yè yí ohó Jonadabi visunnu Lekabi tọn tọn lẹ wà, he ewọ dosénna visunnu etọn lẹ ma nado nù ovẹ̃n, podọ jẹ egbé he yé ma nù núde, na yé sètónuna osén otọ́ yetọn tọn: ṣigba yẹn ko dọhó hlan mìwlẹ, finfọ́n afọnnufú bo to hódo; mìwlẹ ma ko sọ tuntóai hlan mi gba.

JẸLEMIA 35:17

enẹwutu le wẹ OKLUNỌ dọ, Jiwheyẹwhe awhànpa lẹ tọn, Jiwheyẹwhe Islaeli tọn: Dayi e go, Yẹn na hẹn oylan he yẹn ko dọ do yé go lẹpo wá Juda ji podọ tomẹnu Jelusalẹm tọn lepo ji: na yen ko dọhó hlan yé ṣigba ye ma ko sè wutu; bọ yẹn ko ylọ hlan yé, ṣigba yé ma ko siọ gba.

JẸLEMIA 6:16

Le wẹ OKLUNỌ dọ, Mì site to aliho lẹ mẹ bo pọ́n, bo sọ kàn omọ́ji hóhó lẹ biọ, fie aliho dagbe lọ te, bo nọ zinzọnlin to e mẹ, mìwlẹ na sọ mọ ogbọje na alindọn mìtọn lẹ: ṣigba yé dọmọ, Mìwlẹ ma to na zinzọnlin to e mẹgba.

AVIGBÈ JẸLEMIA TỌN 1:16

Yẹn viavi na onú helẹ; nukun ṣie, nukun ṣie yí osìn do sà wá odò; Na homẹmiọnnametọ lọ he do doawuyana alindọn ṣie tin to aganu sọn dẽ wutu: Ovi ṣie lẹ tin ovójẹ, na okẹntọ lọ ko tinhuhlọn wutu.

AVIGBÈ JẸLEMIA TỌN 4:13

E tin na ylando yẹwhegán etọn lẹ tọn tọn lẹ wutu, po oylanwà yẹwhenọ etọn lẹ tọn lẹ po, He ko kòn ohùn dódónọ lẹ tọn to ogblagbla ewọ tọn mẹ.

HOSEA 11:2

Le yé ylọ yé, mọwẹ yé yì sọn yé mẹ: yé sánvọ́ hlan Baalimi, bo sọ mẹ̀ nuyọnwan hlan bosiọ pipà lẹ.

HOSEA 11:7

Gbẹtọ ṣie lẹ bo sọ yín didé hlan agọ́jodogodo sọn yẹn de: Yín yé tlẹ ylọ yé jẹ ewọ he tin to agayi ji de, mẹdepope ma na zé ede yìaga.

JOẸLI 2:23

Enẹwutu mì ni yín homẹhùnnọ, mì ovi Ziọni tọn lẹ, bo sọ nọ jaya to OKLUNỌ Jiwheyẹwhe mìtọn mẹ: na ewọ na ojikun nukọntọn mì to dódó mẹ, ewọ bo sọ hẹn ojikun nado jẹte wá na mì, ojikun nukọntọn po ojikun agọ̀gbọnẹn po, to osùn tintan ji.

ZEKALIA 1:4

Mì tin di otọ́ mìtọn lẹ blo, mẹhe yẹwhegán nukọntọn lẹ dawhá hlan, dọmọ, Le wẹ OKLUNỌ awhànpa lẹ tọn dọ, Mì lẹ́gọ̀ dinvie sọn aliho ylanylan mìtọn lẹ mẹ, podọ sọn wiwà ylanylan mìtọn lẹ mẹ: ṣigba yé ma sè, mọ ma sọ tuntóai hlan mi gba, wẹ OKLUNỌ dọ.

MATIU 22:3

Bo do afànumẹ etọn lẹ hlan nado ylọ ye mẹhe yè ko ylọ do alọwle hùnwhẹ kòn dai lẹ: yé ma sọ jlo na wá.

MATIU 22:6

Omẹ he po lẹ sọ hẹn afànumẹ etọn lẹ go, bo saya hẹ yé, bo hù ye.

LUKU 15:28

Ewọ sọ yín homẹgblenọ, bo gbé whégbè bio: otọ́ eton jegbonu yi, bo vẹvẹ nẹ̃.

LUKU 19:44

bo nasọ hó we do odo jẹ aigba, po ovi towe lẹ po to ohò towe mẹ; yé ma to na jo ozannu dopo dai to awetọ ji; na hiẹ ma yọ́n ojlẹ dlapọ́n towe tọn wutu.

LUKU 23:28

Ṣigba Jesu liìó hlan yé, dọmọ, Mì oviyọnnu Jelusalẹm tọn, mì viavi na mi blo, ṣigba mi viavi na mìde, podọ na ovi mìtọn lẹ.

OWALỌ APỌSTELI LẸ TỌN 7:52

Mẹnu wẹ to yẹwhegán lẹ me he otọ mìtọn lẹ ma ko dohomekẹn? yé ko sọ hù mehe to wiwá Dódónọ nẹ tọn dọdai lẹ; mẹhe mìwlẹ yín mẹdohiatọ na, hlọnhutọ:

OWALỌ APỌSTELI LẸ TỌN 7:59

Yé dlẹn ozannu do Stefani, é to Jiwheyẹwhe ylọ, bo to didọmọ, Jesu Oklunọ, yí gbigbọ ṣie.

OWALỌ APỌSTELI LẸ TỌN 8:1

Saulu sọ doalọ to oku eton me Whenẹnu wẹ homẹkẹn daho de tin do agùn he tin to Jelusalẹm ji; yè sọ vúnvún yé omẹ pó pé Jude po Samalia po dali, adavo apọsteli lẹ kẹdẹ.

Deutelonomi 32:29

Ṣó yé do yín núyọnẹntọ, dọ yé tunwun ehe, Dọ yé do yi opòdo godo yetọn tọn lẹnpọ́n!

Deutelonomi 5:29

Ṣó dọ yé tindo ayiha mọnkọ de di ehe whepoponu, nado nọ dibusi mi, bo payi gbèdide ṣie lẹpo go, na é nido yin dagbe to yé de, podọ to ovi yetọn lẹ de kakadoi

OSỌHIA 11:8

Osiọ yetọn na mlọnai to hòntonu otò daho lọ tọn mẹ, he yè nọ yí gbigbọ do ylọ dọ Sọdọmi po Egipti po, fie ga yè whè Oklunọ mítọn do satin go te.

LUTI 2:12

OKLUNỌ ni suahọ azọ́n towe, yè ni sọ na ale gigọ̀ de we sọn OKLUNỌ de, Jiwheyẹwhe Islaeli tọn, awàfún mẹhetọn glọ hiẹ yín hinhẹn wá nado yí fìbẹ̀tado te.