LUKU 13:11 - BIBLU WIWE LỌ 1923

¹¹ Do ayi e go, nawe de tin, he tindo gbigbọ awuku tọn owhè fọtọ̀nnukunatọ̀n gbọn, bo ma sọgan zé ede daga gbọn alọ depope me

LUKU 13:11 Iomraidhean Croise

OWÈ JOB TỌN. 2:7

Mowẹ Satani tónjẹgbonu yì sọn nukọn OKLUNỌ tọn, bo yí nutitẹ́ fifiẹ lẹ do hò Job, sọn afọgbẹn afọ etọn tọn jẹ ahòndòmẹ etọn.

PSALM 145:14

OKLUNỌ jlọ yé he jai lẹpo dote, Bo sọ zé yé he yín didó do odò lẹ daga.

PSALM 146:8

OKLUNỌ hùn nukun nukuntọnnọ lọ tọn; OKLUNỌ zé yé he yè dẹ́ do odò lẹ dote; OKLUNỌ yiwanna dódónọ lẹ:

PSALM 38:6

Yẹn gbán: ota ṣie dokọ̀dò susu; Yẹn to yìyì to awúbla mẹ to azán popo gbè.

PSALM 42:5

Etẹwutu ota towe dokọ̀dò, hiẹ ayiha ṣie? Etẹwutu hiẹ hunhlun to ohò ṣie mẹ? Hiẹ ni do tódido to Jiwheyẹwhe mẹ: na yẹn na sà nọ pa ẹ, Na whlẹngan nukun etọn mẹ tọn wutu.

PSALM 6:2

OKLUNỌ E, wàlẹblanu na mi; na madogán ṣie wutu: OKLUNỌ E, hẹnazọ̀ngbọna mi; na ohú ṣie lẹ kusiọ.

MATIU 4:23

Jesu sọ zinzọnlin lẹdo Galili lẹpo pé, é to omẹ plọn to sìnagogu yetọn lẹ mẹ, bo to yẹwheho wẹndagbe ahọludu tọn dọ, é to azọ̀n hunkọhunkọ po madogán hunkọhunkọ po hẹngbọ to gbẹtọ lẹ ṣẹnṣẹn.

MALKU 9:21

E sọ kánbiọ otọ́ etọn domọ, Nawẹ é dẹn sọ sọn whenuena ehe ko wá nẹ? E sọ dọmọ, Sọn ovu gbọn wẹ.

LUKU 13:12

Whenuena Jesu mọ ẹn, e ylọ ẹ, bo dọ hlan ẹn do, Nawe, yè tún we dai son awuku towe mẹ

LUKU 13:16

Be é ma jẹ na nawe he, he yín viyọnnu Ablaham tọn, mẹhe Satani ko bla, pọ́n, sọn owhè fọtọ̀nnukunatọ̀n helẹ mẹ, nado tún in sọn ogàn he mẹ to azán gbọjẹ tọn gbè?

LUKU 21:28

Whenuena onú helẹ na sè jijọ, mì ni pọ́n aga, bo sọ zé ota mìtọn do aga; na ofligò mìtọn to dindòn sẹpè wutu.

LUKU 8:2

Podọ yọnnusi delẹ he yè ko henazọngbọna sọn gbigbọ ylankan lẹ po madogán lẹ po me, Malia he yè nọ ylọ Magdaleni, mẹhe mẹ aovi ṣinawe ko tọ́njegbonu yì sọn,

LUKU 8:27

Whenuena é sọ jẹ age, dawe de pé e to gbonu otòdaho lọ tọn, mẹhe ko do aovi lẹ, bọ é ko dẹn bo ma nọ sìnyọn avọ̀, mọwẹ é ma nọ sinai to owhé de gbè, adavo to oyòwhó lẹ mẹ.

LUKU 8:43

Nawe he do azọ̀n ozẹntin ohùn tọn de, sọn owhè wiawe gbọn, bo zán Onú he é tindo lẹpo na bokọnọ lẹ, mọwẹ yè ma sọgan hẹnazọ̀ngbọ nẹ̃ gbọn mẹde de.

OWALỌ APỌSTELI LẸ TỌN 3:2

Yè zé dawe he kusé sọn adò onọ etọn tọn me de wá, he yè no zé egbe sọegbésọ wá do hòngbo templi tọn he ye nọ ylọ Dagbedagbe ji, nado no bionu to mehe to tẹmpli me biọ lẹ si;

OWALỌ APỌSTELI LẸ TỌN 4:22

Na dawe he go yè do azón jawu he hia te owhè etọn hú kande.