LUKU 12:1 - BIBLU WIWE LỌ 1923

¹ TO ojlẹ de mẹ, whenuena gbẹtọ gegé madohihia agùndahọ lọ tọn plidopọ, sọmọ bọ yé to yénọzo ji hẹ, é sẹ̀ didọ hlan nuplọntọ eton lẹ nukọnjẹ na popo, domọ, Mì payi otọn Falesi lẹ tọn go, he yin yenuwiwà.

LUKU 12:1 Iomraidhean Croise

2 AHỌLU LẸ 7:17

Ahọlu sọ dè awhàngán lọ alọ mẹhetọn go é nọ zẹn mẹ nado tindo aṣẹ họ̀ngbo ji lọ tọn: gbẹtọ lẹ sọ tùnafọ e ji to họ̀ngboji, bọ é sọ kú dile omẹ Jiwheyẹwhe tọn lọ ko dọ do, mẹhe dọhó whenuena aholu jete wá e de.

OWÈ JOB TỌN. 20:5

Dọ ogli wẹ adanṣàn mẹylankan tọn, Podọ ayajẹ omẹ matin budisi Jiwheyẹwhe na owhènu de wẹ?

OWÈ JOB TỌN. 27:8

Na etẹ́ tódido omẹ matin budisi Jiwheyẹwhe tọn yín, whenuena Jiwheyẹwhe sán ẹn sẹ́, Whenuena é yí alindọn etọn yì?

OWÈ JOB TỌN. 36:13

Ṣigba yé he tin matin budisi Jiwheyẹwhe to ayiha mẹ bẹ́ adi pli: Yé ma dawhá na alọgọ whenuena é sín yé gba.

ISAIA 33:14

Obu di omẹ ylankan lẹ to Ziọni: obu hẹn awùji ylanwàtọ lẹ. Mẹnu wẹ to mí mẹ he nọ̀ sọgan nò zòjiji madopodo mẹ?

LUKU 11:44

Dindọn hlan mì, wekantọ lẹ, po mi Falesi lẹ po, yẹnuwatọ! na mì tin di oyọwhe lẹ he ma sọawúhia, ye he sọ to zọnlinzin to yé ji le ma yọnẹn.

LUKU 12:56

Mì yẹnuwàtọ, mì sọgan dọtadena jinukunmẹ po aigba tọn po; ṣigba nawẹ mì ma yon ojlẹ helẹ do?

LUKU 5:1

DINVIE e sọ wá jọ whenuena gbẹtọ lẹ hodo e nado sè ohó Jiwheyẹwhe tọn, é sọ site to otándo Genesalẹti tọn tó,

LUKU 5:15

Ṣigba humọ wẹ linlin to yìyì gbọn ewọ tọn dali lédo pé, agùndaho lẹ sọ wá pli dopọ nado sè ohó etọn, podo nado yínhinhenje gángán sọn lanmẹmasinyẹn yetọn lẹ mẹ.

LUKU 6:17

sọ jẹte po yé po, bo site to ofi sọgbe de, po agùndaho nuplọntọ etọn lẹ tọn po, po osọha omẹ susu tọn po sọn Judé lẹpo, sọn Jelusalẹm, podọ sọn ohù waji Tile tọn, po Sidọni tọn po, he wá nado sè ohó to onù etọn, podọ nado yín azọ̀nhẹngbọna sọn azọ̀n yeton lẹ mẹ.

OWALỌ APỌSTELI LẸ TỌN 21:20

Whenuena yé sè, yé pagigona Oklunọ, bo sọ dọ hlan ẹn, dọmọ, Mẹmẹsunnu, hiẹ mọ, fọtónfọtón sọha Ju lẹ tọn he yise; yé omẹ pó sọ wẹ vivẹnunọ osén tọn:

1 KỌLINTINU LẸ 15:3

Na jẹnukọnna popo ehe yẹn ko mọyí ga wẹ ehe yẹn yí na mì, le Klisti kú na ylando mítọn lẹ kẹdẹdile Owé wiwe lẹ dọ do;

HEBLU LẸ 12:22

ṣigba osọ́ Ziọni tọn ji wẹ mì wá jẹ, podọ, otòdaho Jiwheyẹwhe ogbènọ lọ tọn mẹ, Jelusalẹm olọn tọn, podọ ogbé angeli le tọn he madohìhia mẹ;

JAKOBU 3:17

Ṣigba nuyọnẹn he sọn aga wẹ wé, whenẹnu wẹ é yín jijọho, bo sọ nọ wà dẹdẹ, é ma sinyẹnawú nado vẹvẹ na, é gọ́ na lẹblanu po sinsẹ́n dagbe po, matin odiọ, matin yẹnuwiwà,

1 PITA 2:1

ENẸWUTU mì yí homẹkẹn lẹpo do apadopo, po oklọ lẹpo po, yenuwiwà, nuvẹun, po ohó ylankan didọ lẹpo po,