LUKU 11:2 - BIBLU WIWE LỌ 1923

² E sọ dọ hlan yé, dọmọ, Whenuena mìwlẹ to dèho, mì nọ dọmọ, Otọ́ mìtọn he tin to olọn mẹ, Oyín towe ni yín hihiọ. Ahọludu towe ni wá. Ojlo towe ni yín wiwà, di to olọn mẹ mọwe to aigba go.

LUKU 11:2 Iomraidhean Croise

1 AHỌLU LẸ 8:43

Hiẹ ni sè to olọn otẹn fìninò towe mẹ, bo wà kẹdẹdi ehe ojonọ lọ ylọ hlan we na lẹpo; na akọta aigba tọn lẹpo nido yọ́n oyín towe, nado nọ dibusi we, dile Islaeli omẹ towe lẹ to wiwà do, podọ yé nido yọnẹn dọ yè ylọ ohọ̀ he ehe yẹn ko dó lọ gbọn oyín towe dali.

2 AHỌLU LẸ 19:19

Enẹwutu dinvie, OKLUNỌ È Jiwheyẹwhe mìtọn, hiẹ ni whlẹn mi sọn alọ etọn mẹ, yẹn vò we, na ahọludu aigba tọn lẹpo nido yọnẹn dọ hiẹ wẹ OKLUNỌ Jiwheyẹwhe, yèdọ hiẹ sokẹdẹ.

2 OTÀNNUGBO LẸ 20:6

E sọ dọmọ, OKLUNỌ È, Jiwheyẹwhe otọ́ mítọn lẹ tọn, hiẹ ma wẹ Jiwheyẹwhe to olọn me? podọ hiẹ ma sọ wẹ ogándutọ to ahọludu akọta lẹ tọn lẹ ji? podọ alọ towe mẹ wẹ huhlọn po hlọnhlọn po te, sọmọ bọ mẹde ma tin sọgan nado glọn we.

PSALM 103:20

Mì dona OKLUNỌ, mì angẹli etọn lẹ emi; Mì hlọnhlọnnọ to huhlọn mẹ lẹ emi, he to ohó etọn basi, He to tótunai hlan ogbẹ̀ ohó etọn tọn.

PSALM 108:5

Yín zizẹdaga to olọn lẹ ji, Jiwheyẹwhe E, Podọ gigo towe to aigba lẹpo ji;

PSALM 11:4

OKLUNỌ tin to tẹmpli wiwe etọn mẹ, Ofìn OKLUNỌ tọn tin to olọn mẹ: Nukun etọn to pinpọn, nukundama etọn to ovi gbẹtọ tọn lẹ whlepọ́n.

PSALM 57:11

Yín zizedaga, Jiwheyẹwhe E, to olọn lẹ ji aga: Gigo towe to aigba lẹpo ji.

YEWHEHÓDỌTỌ 5:2

A yí onù towe do yawu blo, a sọ dike ayiha towe yawu dọ ohó to Jiwheyẹwhe nukọn blo, na Jiwheyẹwhe tin to olọn mẹ, hiẹ tin to: aigba ji; enẹwutu gbọ ohó towe ni yín vude.

ISAIA 63:16

Nugbo, hiẹ wẹ otọ́ mítọn, eyín Ablaham ma tlẹ yón mí, bọ Islaeli ma yígbè mítọn, hiẹ, OKLUNỌ wẹ otọ́ mítọn, Omẹflitọ mítọn.

EZEKIELI 36:23

Yẹn bo na sọ klan oyín daho ṣie do wiwe, he yè ko flu to akọta lẹ ṣẹnṣẹn, he mìwlẹ ko flu to gblagbla yé tọn mẹ; akọta lẹ bo na sọ yọnẹn dọ yẹn wẹ OKLUNỌ, wẹ OKLUNỌ JIWHEYẸWHE dọ, whenuena yè na klan mì do wiwe to mí mẹ to nukun yetọn lẹ nukọn.

DANIẸLI 2:28

ṣigba Jiwheyẹwhe de tin to olọn mẹ he nọ dè aṣli lẹ hia, podọ ewọ ko sọ hẹn núhe na tin to azán godotọn lẹ mẹ zùn yinyọnẹn hlan Nẹbukadnẹzali, Odlọ towe, po numimọ ota towe tọn lẹ po to adọzàn, towẹ ji wẹ ehelẹ:

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

DANIẸLI 7:18

Ṣigba mẹwiwe Gigogán tọn lẹ wẹ na mọ ahọludu lọ yí, bo sọ yí ahọludu lọ na nutindo kaka, yèdọ kaka doidoi.

DANIẸLI 7:27

Podọ ahọludu lọ po ahọluigba lọ po, podọ kiklo ahọludu lẹ lọ tọn to olọn pete glọ, wẹ yè na na hlan gbẹtọ lẹ sọn mẹwiwe Gigogán tọn lẹ mẹ: ahọludu madopodo de wẹ ahọludu etọn, ahọluigba lẹpo na nọ sẹ̀n bo sọ sètónuna ẹn.

HOSEA 14:2

Yí ohó lẹ do dè we, bo lẹ́gọ̀ do OKLUNỌ de: dọ hlan ẹn dọ, Dè oylanwà lẹpo sè, bo kẹaloyi enẹ he yín dagbe: mọwẹ míwlẹ na gọ̀ avọ́ nunina nùflo mítọn lẹ tọn jó.

Levitiku 10:3

Whenẹnu Moṣe dọ hlan Aalọn dọmọ, Ehe wẹ ehe OKLUNỌ ko do dọhó, dọmọ, Yẹn na yín kinklandowiwe to yé he tin sẹ́pọ mọ, podọ to nukọn gbẹtọ lẹpo lọ tọn yẹn na yín gigopana. Aalọn bo sọ nabọẹ.

Levitiku 22:23

Kavi oyìnsú de kavi lẹngbọvú de he tindo onú linlánkàn depope kavi whiwhe to dali etọn, hiẹ sọgan yí enẹ na na avọ́nunina ojlomẹtọn de; ṣigba na opadido de é ma na yin tẹalọyí gba.

HABBAKUK 2:14

Na yè na yí oyọnẹn gigo OKLUNỌ tọn tọn do gó aigba lọ, dile osìn lẹ ṣinyọn ohù do.

MATIU 10:32

Enẹwutu mẹdepope he yigbè ṣie to gbẹtọ le nukọn, ewọ wẹ yẹn na yigbè etọn ga to Otọ́ ṣie he tin to olọn mẹ nukon.

MATIU 3:2

dọmọ, Mì lẹnvọjọ: na ahọludu olọn tọn sẹpọ́.

MATIU 5:16

Mọkẹdẹ wẹ mì ni gbọ hinhọ́n mìtọn ni họ́nwun to gbẹtọ lẹ nukọn do, na ye nido mọ azọ́n dagbe mìtọn lẹ bo pagigona Otọ́ mìtọn he tin to olọn mẹ.

LUKU 11:1

E SỌ wá jọ, le é to dẹho to ofi de, wẹ whenuena é nabọẹ, dopo to núplọntọ etọn lẹ mẹ dọ hlan ẹn, dọ, Oklunọ, plón mí nado nọ hodè, dilé Johanu yèdọ ga plọ́n nuplọntọ etọn lẹ do.

LOMUNU LẸ 1:7

hlan omẹ he tin to Lomu lẹpo, mẹyiwanna Jiwheyẹwhe tọn, he yè ylọ nado yín mẹwiwe: Ojọmiọn hlan mì po jijọho po sọn Jiwheyẹwhe Otò mìtọn de, po Jesu Klisti Oklunọ po.

LOMUNU LẸ 8:15

Na mìwlẹ ma yí gbigbọ mẹglọnọ tọn na sọ do to budi gba; ṣigba gbigbọ sọdodovi tọn wẹ mì yí, ehetọn dali mí to awhádo ylọ, Abba, Oto.

1 KỌLINTINU LẸ 1:3

ojọmiọn po jijọho po ni tin hlan mì sọn Jiwheyẹwhe Otọ́ mítọn de, podọ sọn Jesu Klisti Oklunọ de.

2 KỌLINTINU LẸ 1:2

Ojọmiọn po jijọho po ni tin hlan mì sọn Jiwheyẹwhe Otọ́ mítọn de, podọ sọn Jesu Klisti Oklunọ de.

GALATIANU LẸ 1:4

mẹhe jo ede na ylando mítọn, na ewọ nido whlẹn mí sọn oylan aihọn dinvie tọn mẹ, kẹdẹdi ojlo Jiwheyẹwhe Otọ́ mítọn tọn:

EFESUNU LẸ 1:2

Ojọmiọn, po jijọho po hlan mì sọn Jiwheyẹwhe Otọ́ mítọn de, podọ sọn Jesu Klisti Oklunọ de.

FILIPPINU LẸ 1:2

Ojọmiọn po jijọho po hlan mì, sọn Jiwheyẹwhe Otọ́ mítọn de, podọ sọn Jesu Klisti Oklunọ de.

FILIPPINU LẸ 4:20

Jiwheyẹwhe Otọ́ mítọn tọn wẹ gigo ni yín kaka doidoi. Niṣẹ.

KỌLỌSINU 1:2

Hlan mẹwiwe lẹ, po mẹmẹsunnu yisenọ to Khsti mẹ he tin to Kọlọsi lẹ po: Ojọmiọn po jijọhọ po hlan mì sọn Jiwheyẹwhe Otọ́ mítọn po Jesu Klisti Oklunọ po de.

1 TẸSALONIKANU LE 1:1

PAULU, Silvanu, po Timoti po, hlan agùn Tẹsalonikanu lẹ tọn, to Jiwheyẹwhe Otọ, po Jesu Klisti Oklunọ po mẹ: Ojọmiọn po jijọho po hlan mì son Jiwheyẹwhe Oté mítọn, po Jesu Klisti Oklunọ mítọn po de.

1 TẸSALONIKANU LE 1:3

mìwlẹ to flinflin mágbọjẹ azón yise tọn mìtọn, po tuklajijẹ owanyi tọn mìtọn po, podọ homẹfa tódido tọn mìtọn to Jesu Klisti Oklunọ mítọn mẹ to Jiwheyẹwhe Otọ́ mítọn nukọn;

2 TẸSALONIKANU LẸ 2:16

Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ,

OSỌHIA 11:15

Angẹli sinawetọ sọ kún; yè sọ sè ogbè daho lẹ sọn olọn mẹ wá to didọmọ, Ahọludu aihọn tọn lẹzún ahọludu Oklunọ mítọn tọn, po Klisti etọn po tọn; ewọ nasọ to ahọludu kakadoidoi.

OSỌHIA 15:4

Mẹnu wẹ ma na dibusi we, Oklunọ È, bo ma na pagigona oyín towe? na hiẹ dopokẹdẹ wẹ wiwe; na akọta lẹpo wẹ na wá bo litai to nukọn towe; na yè ko do whẹ̀dida towe lẹ hia.

OSỌHIA 19:6

Yẹn sọ sè taidi ogbè gbẹtọ susu tọn, podọ di ogbè osìn susu tọn, podọ di ogbè wanyinyẹn daho osò tọn, dọmọ, Halleluia: na Oklunọ Jiwheyẹwhe Ganhunupo duahọlu.

OSỌHIA 20:4

Yẹn sọ mọ ofìn lẹ, yé sinai to yé ji, yè sọ na whẹ̀dida hlan yé: yẹn sọ mọ alindọn yé he yè gbòtana na okunnuhó Jesu tọn, po ohó Jiwheyẹwhe tọn po tọn wutu, podọ yé he ma ko litaina kanlin lọ, podọ na bosiọ etọn, kavi yé he ma ko yí ohia etọn do nukọn yetọn, kavi to alọ yetọn mẹ; yé tin to ogbè, bo sọ to ahọludu hẹ Klisti hò owhè fọtọ́n.