OKLUNỌ Jiwheyẹwhe olọn tọn, he ko dè mi sọn owhé otọ ṣie tọn gbè, sọn aigba ajitẹn ṣie tọn ji, bo sọ dọ hlan mi, bo ko sọ whlé hlan mi, dọmọ, Yẹn na aigba he okún towe; ewọ nasọ do angẹli etọn hlan nukọn towe, hiẹ na mọ asi sọn finẹ na visunnu ṣie.
wáwási to aigba he ji, yẹn nasọ tin hẹ we, bo nasọ dona we; na hlan hiẹ, podọ hlan okún towe wẹ yẹn na na aigba he lẹpo; yẹn nasọ hẹn whiwhlé he yẹn whlé hlan Ablaham otọ́ towe lódo;
Na yẹn nido hẹn whiwhle ṣie lódo he yẹn ko whle hlan otọ́ mitọn lẹ, nado na yé aigba de he yí oyìnnọ́ po owín po do to sisa, di to azán he gbè. Whenenu wẹ yẹn gblọn, bo dọmọ, Niṣẹ, OKLUNỌ E.
E nasọ wá jọ, na mì tùntóai hlan whẹ̀dida helẹ wutu, bo sọ to ayihapa, nado nọ basi yé, wẹ OKLUNỌ lọ Jiwheyẹwhe towe na payiha alẹ́nu lọ go to de we po lẹblanu lọ po he é whle hlan otọ́ towe lẹ;
ṣigba na OKLUNỌ lọ yiwanna mì wutu wẹ, podọ na ewọ na do payi whiwhle lọ go he é whle hlan otọ́ mìtọn lẹ wutu wẹ, OKLUNỌ lọ do yi alọ hlọnhlọnnọ de do hẹn mì jẹgbonu wá, bo sọ fli mì sọn owhé afànumẹ tọn lọ gbè, sọn alọ Falo tọn mẹ ahọlu Egipti tọn lọ.
