LUKU 1:48 - BIBLU WIWE LỌ 1923

⁴⁸ Na é ko hùn nukun pọ́n walọmìmiọn afànume yọnnu etọn tọn í Na pọ́n, sọn dinvie wẹ whẹndo lẹpo na nọ ylọ mi donanọ.

LUKU 1:48 Iomraidhean Croise

Gẹnẹsisi 30:13

Lea sọ dọmọ, Jijọhonọ we yẹn! na yiyọnnu lẹ na nọ ylọ mi dọ jijọhonọ : é sọ ylọ oyín etọn dọ Aṣeli.

2 SAMUẸLI 7:8

Enẹwutu dinvie le hiẹ na dọ hlan Davidi devi ṣie, dọ, Le wẹ OKLUNỌ awhànpa lẹ tọn dọ, Yẹn dè we sọn lẹngbọpa mẹ, sọn lẹngbọ hihodo mẹ, dọ hiẹ nido yín ahọvi to omẹ ṣie lẹ ji, to Islaeli ji:

PSALM 102:17

Odẹ̀ agbátọnọ lẹ tọn ewọ ko hopón, E ma ko vlẹ odẹ̀ yetọn gba.

PSALM 136:23

Mẹhe flin mí to oyàgbé mítọn mẹ: Na dagbewanyi etọn to ote kakadoi.

PSALM 138:6

Le OKLUNỌ tlẹ yín meyìaga sọ, gãnṣo é mọ whiwhẹnọ le. Ṣigba saklanọ we é yonẹn sọn aganu

PSALM 72:17

Oyín etọn na tin kakadoi: Oyín etọn na nọte dẹn kaka di owhè: Yè na nọ dona gbẹtọ to ewọ mẹ; Akọta lẹpo na nọ ylọ ẹ jijọhonọ.

ISAIA 66:2

Na alọ ṣie wẹ basi onú helẹpó, onú helẹpó ko tin to ai, wẹ OKLUNỌ dọ: ṣigba ehe wẹ yẹn na pọ́n, yèdọ agbatọnọ po gbigbọ whiwhẹnọ po, he to sisọsisọ na ohó ṣie.

MALAKI 3:12

Akọta lẹpo na sọ nọ ylọ mì jijọhonọ: na mìwlẹ na yín aigba homẹhùnnọdaho de, wẹ OKLUNỌ awhànpa lẹ tọn dọ.

LUKU 1:28

Angẹli lọ sọ wá e de, bo dọmọ, Oyínjla, hiẹ he mọ nukundagbe daho, Oklunọ tin to de we; donano wẹ hiẹ to yọnnu lẹ mẹ.

LUKU 1:42

E sọ zé ogbé etọn daga po awhá lélé de po, bo dọmọ, Donanọ wẹ hiẹ to yọnnv lẹ mẹ, donanọ wẹ sinsẹ́n adò towe mẹ tọn.

LUKU 1:45

Donanọ wẹ ewọ he yise; na didi onú he yè dọ hlan ẹn sọn Oklunọ de lẹ tọn na tin fine wutu.

LUKU 1:49

Na ewọ he yín hlonhlọnnọ ko wà onú he klo lẹ hlan mi; Podọ wiwe wẹ oyín etọn

LUKU 11:27

E sọ wá jọ, le é dọ onú helẹ, nawe de to agùndaho lọ mẹ zé ogbè etọn daga bo dọ hlan ẹn, dọ, Donanọ wẹ adò he ji we, po anọ he hiẹ nò lẹ po.

1 SAMUẸLI 1:11

Ewọ sọ do opà de, bo dọmọ, OKLUNỌ awhànpa lẹ tọn, eyín hiẹ nugbonugbo na pọ́n nukunbibia deviyọnnu towe tọn, bo flin mi, bo ma wọ̀n deviyọnnu towe gba, ṣigba bo na yọ̀pọ sunnu de hlan deviyọnnu towe, whenẹnu yẹn na na ẹn hlan OKLUNỌ to azán ogbè etọn tọn lẹpo mẹ, dalunhi de ma na wá ota etọn go.

1 SAMUẸLI 2:8

E nọ zé wamọnọ tite sọn kògudu mẹ, E nọ jlọ agbatọnọ dote sọn ogbó ji, Nado hẹn yé sinai hẹ ahọvi lẹ, Bo sọ dugú ofìn gigo tọn: Na OKLUNỌ tọn wẹ dotin aigba tọn lẹ, E ko sọ zé aihọn do yé ji.