LUKU 1:13 - BIBLU WIWE LỌ 1923

¹³ Ṣigba angeli lọ dọ hlan ẹn, dọmo, A dibu blo, Zakali: na yè sè odè towe; asi towe Elizabẹti na ji ovisunnu de hlan we, hiẹ nasọ ylọ oyín etọn Johanu.

LUKU 1:13 Iomraidhean Croise

Gẹnẹsisi 17:10

Ehe wẹ alènu ṣie, ehe mì na nọ yìn to yẹn po mìwlẹ po ṣẹnṣẹn po okún towe po to godo towe; visunnu dopodopo to mì mẹ wẹ yè na nọ gbowhẹna.

Gẹnẹsisi 17:19

Jiwheyẹwhe sọ dọmo, Lala, ṣigba Sala, asi towe, na ji visunnu de na we dodo; hiẹ nasọ ylọ oyín etọn Isaki : yẹn na hẹn alẹ́nu ṣie lodo he ẹ na alẹ́nu madopodo de na okún etọn to godo etọn.

Gẹnẹsisi 18:14

Bé núde sinyẹnawu na OKLUNỌ wẹ? to ojlẹ he yè dè mẹ yẹn na lẹ́gọ̀ wá de we, whenuena osã lọ wá, Sala na tindo visunnu de.

Gẹnẹsisi 25:21

Isaki sọ vè OKLUNỌ na asi etọn, na wènsinọ wẹ ewọ yín wutu: OKLUNỌ sè ovè etọn, Lebeka asi etọn sọ mọhò.

PSALM 113:9

E hẹn yọnnu wẹnsinọ nado pọ́n owhégbè go, Podọ nado yín onọ ayajẹnọ ovi lẹ tọn. Hallelujah.

PSALM 118:21

Yẹn na to opẹ́ na hlan we: Na hiẹ ko siọ mi, bo sọ lẹzun whlẹngan ṣie.

ISAIA 8:3

Yẹn sọ biọ ohò mẹ hodo yẹwhegán yọnnu nẹ; ewọ sọ mọho, bo ji visunnu dopo. Whenẹnu wẹ OKLUNỌ dọ hlan mi dọmọ, ylọ oyìn etọn dọ Mahẹl-Salal-Has-Baz.

DANIẸLI 10:12

Whenẹnu wẹ é dọ hlan mi dọ, A dibu blo, Daniẹli; na sọn azán tintan he mẹ hiẹ zé ayiha towe do nado tùnwun, podọ nado huwhẹ dewe to Jiwheyẹwhe towe nukọn, yè sè ohó towe lẹ: yè sọ hẹn mi wá na towe tọn wutu.

HOSEA 1:4

OKLUNỌ sọ dọ hlan ẹn dọmọ, Ylọ oyín etọn Jezleẹli; na ojlẹ pẹvi de dogọ́, Yẹn na dla ohùn Jezleẹli tọn pọ́n to owhé Jehu tọn ji, bo na sọ hẹn ahọludu owhé Islaeli tọn tọn lọ nado gbòdò.

HOSEA 1:6

Ewọ sọ mọhò devo, bo ji viyọnnu de. OKLUNỌ sọ dọ hlan ẹn dọmọ, Ylọ oyín etọn Loluhama: na yẹn ma to na sọ tindo lẹblanu to owhé Islaeli tọn jì ba gba, na yẹn to alọdepope mẹ ma na do jona yé.

MATIU 1:21

E nasọ ji ovisunnu de, JESU wẹ hiẹ na ylọ oyín etọn, na ewọ wẹ na whlẹn omẹ etọn lẹ gán sọn ylando yetọn lẹ mẹ.

MATIU 14:27

Ṣigba to afọdoponẹji, Jesu dọhó hlan yé, dọmọ, Mì deji: yẹn wẹ; mì yín avosatọ blo.

MATIU 28:5

Angeli lọ sọ gblọn, bo dọ hlan yọnnu lẹ, domọ, Mì dibu blo: na yẹn yọnen dọ mì to Jesu din, he yè whè do satin go.

MALKU 16:6

é sọ dọ hlan yé, dọ, Mì dibu blo: mì to Jesu Nazaleti tọn he yè whè do satin go din: é ko fọ́n; é ma tin to ofi gba; mì pọ́n ofi he yé tó ẹ do

LUKU 1:14

Hiẹ na tindo homẹhùnhùn po ayajijẹ po; omẹ susu na jaya to JIJI etọn mẹ.

LUKU 1:30

Angẹli lọ sọ dọ hlan ẹn, dọmọ, A dibu blo, Malia, na hiẹ ko mọ nukundagbe to Jiwheyẹwhe de.

LUKU 2:21

Whenuena azán sinatòn pé nado gbowhena ẹn yé ylọ oyìn etọn dọ JESU, he yè ylọ mọ gbọn angeli lọ dali, whẹpo yè do mọhò etọn to adò mẹ.

OWALỌ APỌSTELI LẸ TỌN 10:31

bo dọmo, Kọneliọsi, yè sè odè towe yè sọ yi nunina towe to oflin mẹ to Jiwheyẹwhe nukọn.

WHẸ̀DATỌ 6:23

OKLUNỌ sọ dọ hlan ẹn dọ, Jijọho tin hlan we; a dibu blo: hie ma na kú gba.

1 SAMUẸLI 2:21

OKLUNỌ dla Hanna pọ̀n, é sọ mọhò, bo ji visunnu atọ̀n po viyọnnu awe po. Ovi Samuẹli sọ whẹ́n to OKLUNỌ nukọn.