Levitiku 4:3 - BIBLU WIWE LỌ 1923

³ eyín yẹwhenọ amìsisánọ lọ na wàylando sọmọ nado hẹn whègbledo wá gbẹtọ lẹ lọ ji; whenẹnu gbọ ewọ ni navọ́nunina na ylando etọn, he é ko do wàylando, oyìnsú winyanwinyan dopo madazòngo hlan OKLUNỌ lọ na avọ́nunina ylando tọn de.

Levitiku 4:3 Iomraidhean Croise

2 OTÀNNUGBO LẸ 29:21

Yé sọ hẹn oyìnsú ṣinawe wá, po agbò ṣinawe po, po lẹngbọvu ṣinawe po, po alunkùn ṣinawe po, na avọ́ nunina ylando tọn de na ahọludu lọ podọ na fiwiwe lọ na Juda. E sọ degbèna yẹwhenọ visunnu Aalọn tọn lẹ lo nado yí yé do sánvọ́ to agbà OKLUNỌ tọn lọ ji.

ẸZLA 8:35

Ovi mẹglọnọ tọn lẹ lọ, he yè hẹn tọ́n wá sọn ogbéji, sọ na avọ́ nunina mimẹ̀ lẹ hlan Jiwheyẹwhe Islaeli tọn, oyìnsú wiawe na Islaeli Ìẹpo, agbò kanwefọtọ̀nnukundopo, lẹngbọvu kandegbãntọ̀nnukunawe, alunkùn wiawe na avọ́ nunina ylando de tọn: ehe lẹpo wẹ avọ́ nunina mimẹ̀ blan OKLUNỌ.

Eksọdusi 29:14

Ṣigba olàn oyìnsú winyanwinyan lọ tọn, po ayú etọn po, po omí etọn po, wẹ hiẹ na yí miyọn do mó to gbonu osla lọ tọn: avọ́nunina ylando de tọn wẹ.

Eksọdusi 29:21

Hiẹ nasọ yí sọn ohùn he tin to agbà lọ ji mẹ, podọ sọn amì sisá lọ mẹ, bó mì in do Aalọn ji, podọ do awu etọn lẹ ji, podọ do visunnu etọn lẹ ji, podọ do awu visunnu etọn lẹ tọn lẹ ji po e po; ewọ bo nasọ yín hihiọ, po awu etọn lẹ po, po visunnu etọn lẹ po, po awu visunnu etọn lẹ tọn lẹ po po e po.

Eksọdusi 29:7

Whenẹnu wẹ hiẹ na yí amì sisá lọ, bo kòn ẹn do ota etọn ji, bo samìsisana ẹn.

Eksọdusi 30:10

Aalọn nasọ basi ovẹ̀se na azò e tọn lẹ lọ whladopo to owhè lọ mẹ: po ohùn ovẹ̀se avọ́nunina ylando tọn lọ tọn po, whladopo to owhè lọ mẹ wẹ é na nọ basi ovẹ̀se to e ji gbọn whẹndo mìtọn lọ mẹ: wiwe gbahúgbahú wẹ hlan OKLUNỌ LỌ.

EZEKIELI 40:39

Podọ to awánu họngboji lọ tọn dali wẹ tafo awe te to adà he ji, podọ awe to adà nẹ ji, nado nọ hù avọ́ nunina mimẹ̀ lọ po avọ́ nunina ylando tọn po po avọ́ nunina whèylan tọn po to finẹji.

EZEKIELI 43:19

Hiẹ na na hlan yẹwhenọ lẹ Levinu lẹ lọ he tin sọn okún Zadọki tọn mẹ, he tin sẹpè hlan dẽ lẹ, nado nọ wàdevizén hlan mi, wẹ OKLUNỌ JIWHEYẸWHE dọ, oyìnsú winyanwinyan dopo na avè nunina ylando de tọn.

EZEKIELI 44:27

Podọ azán he mẹ ewọ yì biọ fiwiwe lọ mẹ, biọ otògùn homẹtọn mẹ, nado wàdevizọ̀n to fiwiwe lọ mẹ, ewọ na na avọ́ nunina ylando etọn tọn, wẹ OKLUNỌ Jiwheyẹwhe dọ.

Levitiku 1:10

Podọ eyín avọ́nunina etọn yín kanlinpá lọ mẹ tọn, sọn lẹngbọ lọ lẹ mẹ, kavi sọn gbọgbọẹ lọ lẹ mẹ, na avọ́nunina mimẹ̀ de: asú madazọ̀ngo de é na na.

Levitiku 1:3

Eyín avọ́nunina etọn yín avọ́nunina mimẹ̀ kanlinpó lọ tọn de, asú madazòn de é na na: to ohòn ogohò opli tọn lọ tọn kòn é na na te, na ewọ nido yín tẹalọyi to OKLUNỌ lọ nukọn.

Levitiku 16:11

Aalọn nasọ do oyìnsú ovónunina ylando tọn lọ hia, ehe tin na ewlọsu, bo na basi ovẹ̀se na ede, podọ na owhé etọn, bo nasọ hù oyìnsú avọ́nunina ylando tọn lọ ehe tin na ewlọsu:

Levitiku 16:3

Po ehe po wẹ Aalọn na do nọ biọ otẹn wiwe lọ mẹ wá: po oyìnsú winyanwinyan dopo po na avọ́nunina ylando de tọn, po agbò dopo po na avọ́nunina ínimè de.

Levitiku 16:5

Ewọ nasọ yí alunkun awe sọn agùn ovi Islaeli tọn lẹ tọn si na avọ́nunina ylando de tọn, po agbò dopo po na avọ́nunina mimẹ̀ de

Levitiku 16:6

Aalọn bo na yí oyìnvú avọ́nunina ylando tọn lọ hia, ehe tin na ewlọsu, bo basi ovẹ̀se na ede, podọ na owhé etọn.

Levitiku 4:14

whenuena ylando fiemẹ yé ko wàylando te yín yinyọnẹn, whenẹnu agùndido lọ na na oyìnsú winyanwinyan de na avọ́nunina ylando de tọn, bo na hẹn ẹn wà ogohò opli tọn lọ nukọn.

Levitiku 4:23

eyín ylando etọn, fiemẹ ewọ wàylando te, yín hinhẹn zún yinyọnẹn hlan ẹn, é na hẹn gbọgbọẹ dopo wá na avọ́nunina eton, asú madazòngo de;

Levitiku 4:28

eyín ylando etọn, he ewọ ko do wàylando yín hinhẹn zùn yinyọnẹn hlan ẹn, whenẹnu é na hen gbọgbọe dopo wá na avọ́nunina etọn, asi de madazọngo, na ylando etọn he é ko do wàylando.

Levitiku 4:5

Yẹwhenọ amìsisánọ lọ bo na yí sọn ohùn oyìnsú lọ tọn mẹ, bo hẹn ẹn wá ogohọ̀ pli tọn lọ kòn:

Levitiku 5:6

ewọ bo na hen avọ́nunina whègbledo etọn tọn wá OKLUNỌ lọ de na ylando etọn, ehe ewọ ko do wàylando, Asi de sọn kanlinpá lọ mẹ, lẹngbọvú de kavi gbọgbọẹ de, na avọ́nunina ylando de tọn; yẹwhenọ lọ nasọ basi ovẹ̀se nẹ̀ kẹdedi ylando etọn tọn.

Levitiku 6:18

Sunnusi to ovi Aalọn tọn lẹ mẹ lẹpo na dù sọn e mẹ, di aṣẹ kakadoi gbọn whẹndo mìlọn lẹ mẹ, sọn avọ́nunina OKLUNỌ lọ tọn lọ mẹ he yè basi gbọn miyọn dali: mẹdepope he gan do yé go na yín wiwe.

Levitiku 8:12

E sọ kon sọn amì sisá lọ mẹ do ota Aalọn tọn ji, bo samìsisána ẹn, nado hẹn ẹn zùn wiwe.

Levitiku 9:2

ewọ bo sọ dọ hlan Aalọn dọmọ, Yí ọyinsúvú dopo na avọ́nunina ylando de tọn, po agbò dopo po na avọ́nunina mimẹ̀ de, madazòngo, bo yí ye na to OKLUNỌ lọ nukọn.

Levitiku 9:3

Podọ hlan ovi Islaeli tọn lẹ hiẹ na dọhó, dọmọ, Mì yí alúnkun dopo na avọ́nunina ylando de tọn; po oyìnvú de po po lẹngbọvú de po, awelẹ owhè tintan lọ tọn, madazòngo, na avọ́nunina mime de;

Osọha lẹ 16:22

Yé sọ họ́ jẹ nukunmẹ yetọn lẹ ji, bo dọmọ, Jiwheyẹwhe Èjiwheyẹwhe gbigbọ agbasalan lẹpo lẹ tọn lọ tọn, omẹ dopo na wàylando bọ hiẹ na yín homẹgbletọ po agùn lọ lẹpo po?

Osọha lẹ 8:8

Whenẹnu gbọ yé ni yí oyìnsú winyanwinyan dopo, po avọ́nunina jinulili etọn po, linfin dagbedagbe yè yí amì do hò, hiẹ bo nasọ yí oyìnsú winyanwinyan devo dopo na avọ́nunina ylando tọn de.

LOMUNU LẸ 8:3

Na ehe osén ma sọgan wà, na ehe mẹ è yín madogánnọ te gbon agbasalan dali, Jiwheyẹwhe to dido Ovi etọn titi hlan to ohia agbasalan he gó na ylando, podọ na ylando, ko gblewhẹdo ylando to agbasalan mẹ:

2 KỌLINTINU LẸ 5:21

Na e ko basi ewọ he ma yon ylando depope nado yín ylando na mí, na yè nido yí mí do basi dódó Jiwheyẹwhe tọn to ewọ mẹ.

HEBLU LẸ 5:3

Na ehewutu wẹ é jẹ, dile é to bibasi na gbẹtọ lẹ tọn do, mọwẹ na ewọ ni na na ylando ewlosu tọn ga.

HEBLU LẸ 9:12

mọ é ma yín gbọn ohùn gbọgbọẹ po oyìnvu tọn po dali, ṣigba gbọn ohùn etọn titi mẹ wẹ é biọ fiwiwe nẹ mẹ whladopo, to ehegodo é mọ ofligọ̀ madopodo yí na mí.