JỌṢUA 9:5 - BIBLU WIWE LỌ 1923

⁵ po afọpa hóhó vàsú lẹ po do afọ yetọn, po awu hóhó lẹ po do ògo; akla núdùgbàn yetọn tọn lẹpo wẹ hú bo sọ lẹzùn owhà dodo.

JỌṢUA 9:5 Iomraidhean Croise

LUKU 15:22

Ṣigba otọ dọ hlan afànumẹ etọn lẹ, dọ, Mì hẹn otewu dagbedagbe jẹgbonu wá, bo zé do nẹ̃; mì yí alọké do alọ etọn mẹ, podọ afọpa do afọ etọn:

Deutelonomi 29:5

Podọ yẹn ko to mì do to zùngbo lọ mẹ owhè kande: avọ̀ mìtọn lẹ ma dohó to mì go, podọ afọpa towe ma sọ dohó to afọ towe go gba.

Deutelonomi 33:25

Afọpa towe lẹ na yín ogànyu po gánvẽ po; Podọ di azán towe lẹ, mọ wẹ huhlọn towe na te.

JỌṢUA 9:12

Akla mìtọn miyọnawu wẹ mì yí na núdùgbàn mìtọn sọn owhé mìtọn lẹ gbè to azán he gbè mi tọ́n wá nado yì mì de; ṣigba dinvie, dayi e go, é yín húhú, é sọ tin lẹzùn owhà dodo:

JỌṢUA 9:13

podọ ayúgo helẹ, he mí gọ́, yín yọ̀yọ̀; bo, dayi e go, Yé yín tintlẹn podọ awu mìtọn helẹ po afọpa mìtọn lẹ po tin lezùn hóhó gbọn tedidi glanglan gbéjizọnlin lọ tọn tọn dali.

JỌṢUA 9:4

Yéwlẹ ga yí vòblanamẹ do wànú, yé yì bo basi di mẹdagun lẹ wẹ yé yín, bo yí oku hóhó lẹ do kẹtẹkẹtẹ yetọn lẹ ji, po ayú-gò ovẹ̃n tọn lẹ po, he dohó bo sọ tlẹn bọ yè dé;

JỌṢUA 9:6

Yé sọ yì Jọṣua de to osla mẹ to Gilgali, bo dọ hlan ẹn, podọ hlan omẹ Islaeli tọn lẹ dọ, Òtò dindẹn mẹ wẹ míwlẹ sọn: enẹwutu dinviẹ basi alènu de hẹ mí.