JỌṢUA 9:1 - BIBLU WIWE LỌ 1923

¹ E sọ wá jọ, whenuena ahọlu he tin to Jọdani godo lẹpo, to otò okọta tọn mẹ, podọ to dòdòklidò mẹ, podọ to hùtò ohù daho tọn lẹpo to nukọn Lebanọni tọn, Hitinu lẹ, po Amolinu lẹ po, Kananinu lẹ, Pẹlizinu lẹ, Hivinu lẹ, po Jẹbusinu lẹ po, sè e;

JỌṢUA 9:1 Iomraidhean Croise

2 SAMUẸLI 24:7

Bo wá jẹ agbó Tile tọn ji, podọ jẹ tòdaho Hivinu lẹ tọn lẹpo mẹ, podọ Kananinu lẹ tọn lẹ mẹ: yé sọ jẹgbonu yí jẹ hùwàji Juda tọn, to Beẹli-seba.

Eksọdusi 23:23

Na angẹli ṣie na to yìyì to nukọn towe, bo hẹn we wá jẹ Amolinu lẹ de, po Hitinu lẹ po, po Pẹlizinu lẹ po, po Kananinu lẹ po, Hivinu lẹ, po Jẹbusinu lẹ po: Yẹn bo nasọ sán yé sẹ́.

Eksọdusi 23:31

Yẹn bo nasọ do agboji towe ai sọn Ohù Vó lọ kòn yèdọ jẹ ohù Filistini lẹ tọn kòn, podọ sọn zùngbo lọ mẹ jẹ Otọ́ lọ kón: na yẹn na jó tòmẹnu aigba lọ tọn lẹ do alọ mìtọn mẹ; hiẹ bo nasọ yàn yé jẹgbonu to nukọn towe.

Eksọdusi 3:17

Yẹn ko sọ dọmọ, Yẹn na hẹn mí hẹ́ji sọn nukunbibia Egipti tọn mẹ wa aigba Kenaninu tọn, po Hitinu tọnpo, po Amolinu tọn po, po Pẹlizinu tọn po, po Hivinu tọn po, po Jẹbusinu tọn po, wá aigba he yí anósìn po owín po do to sisá ji.

Eksọdusi 34:11

Payi enẹ he yẹn degbèna we to egbé go: dayi e go, yẹn yẹn Àmọlinu lọ, po Kananinu lọ po, po Hitinu lọ po, po Pẹlizinu lọ po, po Hiviiiu lọ po, po Jẹbusinu lọ po jẹgbonu tọ nukọn towe.

Osọha lẹ 13:29

Amalẹki nọnọ̀ aigba huwaji tọn lọ mẹ: podọ Hitinu lọ, po Jẹbusinu lọ po, po Amolinu lọ po, nọnọ̀ osé lẹ lọ mẹ: podọ Kananinu lọ nọnọ̀ ohù lọ dali, podọ to agbègbèji awà Jọdani tọn lọ dali.

Osọha lẹ 34:6

Podọ na agboji hlan whèyihọ dali, mì na tindo ohù daho lọ na agboji de: ehe wẹ na yín agboji whèzẹtẹn tọn mìtọn.

Deutelonomi 1:7

mì lé, bo yí gbéjizọnlin mìtọn, bo yì jẹ oto okọta Amolinu lẹ lọ tọn, podọ jẹ otẹn lọ lẹpo mẹ he sẹpọ́ enẹ lẹ lọ, to Alaba mẹ, to otò okọta tọn mẹ, podọ to dòdòklido mẹ, to huwaji ọ mẹ, podọ to ohù tó dali, to aigba Kananinu lẹ tọn ji, po Lebanoni po, yì kaka jẹ otọ́ daho lọ kón, otò Eufelati lọ.

Deutelonomi 3:25

Yẹn vẹ́ wẹ, gbọ yẹn ni yì gododọ̃n, bo mọ aigba dagbe he tin to Jọdani gododọ̃n lọ, osé dagbenọ nẹ, po Lebanọni po.

Deutelonomi 4:49

po Alaba lọ lẹpo po to Jọdani gododọ̃n hlan whèzẹtẹn dali, yèdọ jẹ ohù Alaba tọn lọ kọ̀n, to asisà Pisga tọn lẹ lọ glọ.

Deutelonomi 7:1

WHENUENA OKLUNỌ lọ Jiwheyẹwhe towe na hẹn we wá jẹ aigba lọ mẹ fie hiẹ jei nado yi i, bo na dọn akọta sùsù sún sọn nukọn towe, Hitinu lọ, po Gilgasinu lọ po, po Amolinu lọ po, po Kananinu lọ po, po Pelizinu lọ po, po Hivitenu lọ po, po Jẹbusinu lọ po, akọta ṣinawe kiklohu podọ hlọnhlọnnọhu gán hiẹ;

JỌṢUA 1:15

kaka OKLUNỌ ko na ogbọjẹ mẹmẹsunnu mìtọn lẹ, dile é ko na mìwlẹ do, bọ yéwlẹ ga ko tindo aigba lọ he OKLUNỌ Jiwheyẹwhe mìtọn na yé: whenẹnu; mìwlẹ na gódo aigba nutindo mìtọn tọn ji, bo na tindo e, ehe Moṣe mẹmẹsi OKLUNỌ tọn na mì to Jọdani godo hlan whèzẹtẹn dali.

JỌṢUA 1:4

Sọn zùngbo lọ mẹ, po Lebalọni he po, yèdọ jẹ otò daho lọ kón, otọ́ Euflate lẹ, aigba Hitinu lẹ tọn, podọ jẹ ohù daho lọ kòn hlan odò yìyì owhè tọn dali, wẹ na yín agbóji mìtọn.

JỌṢUA 10:23

Yé sọ wà mọ, bo hẹn ahọlu atọ́n nẹlẹ tón wá e de sọn aigbaslo lọ mẹ, ahọlu Jelusalẹm tọn, ahọlu Heblọni tọn, ahọlu Jalmuti tọn, ahọlu Lakisi tọn, ahọlu Eglọni tọn.

JỌṢUA 11:17

Sọn osé Halaki, he yì aga jẹ Seìli, yèdọ jẹ Baali-gadi to agbàdo Lebanọni tọn mẹ to osé Helmọni glọ: po ahọlu yetọn lẹpo po wẹ é yí, bo hò yé, bo hù yé.

JỌṢUA 13:5

Po Gebalinu lẹ tọn po, po Lẹbalọni lẹpo po, hlan whèzẹtẹn dali, sọn Baali-gadi to osé Helmọni glọ jẹ bibiọ Hamati tọn mẹ:

JỌṢUA 15:12

Dògboji whèyihọ dali tọn wẹ jẹ ohù daho kòn, po dògboji etọn po. Ehe wẹ dògboji ovi Juda tọn lẹ tọn lẹ́dolédo kẹdẹdi whédo yetọn lẹ.

JỌṢUA 22:4

Dinvie OKLUNỌ Jiwheyẹwhe mìtọn ko na ogbọjẹ hlan mẹmẹsunnu mìtọn lẹ, dile é dọhó hlan mì do: enẹwutu dinvie mì ni lé, bo yì gohò mìtọn lẹ mẹ, bo yì aigba nutindo mìtọn tọn ji, ehe Moṣe mẹmẹsi OKLUNỌ tọn na mì to Jọdani gododọ̃n

JỌṢUA 22:7

Dinvie hlan oda whendo Manassẹ tọn Moṣe ko na ogú to Baṣani mẹ: ṣigba hlan odá awetọ wẹ Jọṣua na to mẹmẹsunnu yetọn lẹ ṣẹnṣẹn to Jọdani gọdodọ̃n hlan whèyìhọ dali. Humọ whenuena Jọsua kija yé yì gohò yetọn lẹ kòn, é dona yé,

JỌṢUA 23:4

Dayi e go, yẹn ko dedẹ́ hlan mì akọta helẹ he po, nado yín ogú de na whẹ̀ndo mìtọn le, sọn Jọdani, po akọta he yẹn ko sán sẹ̀ lẹpe po, yèdọ jẹ ohù daho kọ̀n hlan yìyì odò owhè tọn

JỌṢUA 24:11

Mìwlẹ sọ yì Jọdani godo, bo wá jẹ Jẹliko: omẹ Jẹliko tọn lẹ sọ hòavùn hẹ mì, Amọlinu, po Pelizzinu po, po Kananinu po, po Hitinu po, po Gilgasinu po, Hivinu, po Jẹbusinu po; yẹn sọ jó yé do alọ mìtọn mẹ.

JỌṢUA 3:10

Jọṣua sọ dọmọ, Fidali mì na yọnẹn te dọ Jiwheyẹwhe ogbẹnọ tin to mì ṣẹnṣẹn, podọ ewọ matin winyandomẹ na yàn Kananinu lẹ, po Hitinu lẹ po, po Hivinu lẹpo, po Pelizinu lẹ po, po Gilgaṣinu lẹ po, po Amọlinu lẹ po, po Jẹbusinu lẹ po sọn mì nukọn.

JỌṢUA 3:17

Yẹwhenọ he hẹn alki alẹ̀nu OKLUNỌ tọn tọn lọ nọte gli to aigba húhú ji to ṣẹnṣẹn Jọdani tọn, Islaeli lẹpo sọ juwayì to aigba húhú ji, kaka akọta lẹpo do juwayì Jọdani godo patapata.

JỌṢUA 5:1

E sọ wá jọ, whenuena ahọlu Amọlinu lẹ tọn lẹpo, he tin to Jọdani godo hlan whèyìhọ dali, po ahọlu Kananinu lẹ tọn lẹpo po, he tin to ohù dali, sè le dọ OKLUNỌ ko hú osìn Jọdani tọn lẹ sọn ovi Islaeli tọn lẹ nukọn, kaka mí do juwayì godo, wẹ ayiha yetọn yè, mọ gbigbọ ma sọ tin to yé homẹ ba, na ovi Islaeli tọn lẹ tọn wutu.

JỌṢUA 6:27

Mowẹ OKLUNỌ tin po Jọṣua po; linlin etọn sọ tin to aigba lẹpo ji.

JỌṢUA 9:7

Ómẹ Islaeli tọn lẹ sọ dọ hlan Hivinu lẹ dọ, Èya ṣẹnṣẹn mí tọn wẹ mì nọnọ̀; nawẹ mí na basi alẹ̀nu de hẹ mì do?