JỌṢUA 8:8 - BIBLU WIWE LỌ 1923

⁸ E na sọ yín, whenuena mìvle ko zónzín tòdaho lọ ji, wẹ mì na simiyọn todaho lọ ji; kedẹdile ohó OKLUNỌ tọn te wẹ mì na wà do: pọ́n, yẹn ko degbèna mì.

JỌṢUA 8:8 Iomraidhean Croise

2 SAMUẸLI 13:28

Absalọmi sọ degbèna mẹmẹsi etọn lẹ, dọmọ, Mì ni dohia dinvie, whenuena ayiha Ammọni tọn yín hùnhùn na ovẹ̃n; whenuena yẹn dọ hlan mì dọ, Hò Ammọni, whenẹnu mì ni hù i, mì dibu blo: yẹn ma ka ko degbèna mì? mì yín tudotọ, bo yín hlọnhlọnnọ.

Deutelonomi 20:16

Ṣigba sọn tòdaho akọta helẹ tọn lẹ mẹ, he OKLUNỌ lọ Jiwheyẹwhe towe na we na ogú de, hiẹ ma na whlen núdepope he gbigbọ dogbẹ́ gba:

JỌṢUA 1:16

Yé sọ gblọnna Jọsua, dọmọ, Ehe hiẹ ko degbèna mí lẹpo mí na basi, podọ ofi he hiẹ do mí hlan depope mí na yì.

JỌṢUA 1:9

Yẹn ma ko degbèna we? Yín huhlọnnọ po tudotọ dagbe de tọn po; a yín avosatọ blo, a sọ yín butọnọ blo: na OKLUNỌ Jiwheyẹwhe towe tin po hiẹ po to ofi hiẹ yìyì depope.

JỌṢUA 6:24

Yé sọ yi miyọn do mè tòdaho lọ, po ehe tin to e mẹ lẹpo po: fataka kẹdẹ, po sika po, po nuzinzán gànvẹ̃ po gànyu po tọn lẹ, yé bẹ́ do adọkunnu ohò OKLUNỌ tọn tọn mẹ.

JỌṢUA 8:13

Mọwẹ yé do gbẹtọ lẹ, yèdọ awhànpa he tin to agewàji tòdaho lọ tọn lẹpo, po aimlọntọ yetọn lẹ po to ovàmẹ he tin to whèyìhọ todaho lọ tọn ji: Jọsua sọ yì ṣẹnṣẹn agbàdo lọ tọn to ozán nẹ mẹ.

JỌṢUA 8:2

Hiẹ na sọ wà hlan Ai po ahọlu etọn po dile hiẹ wà hlan Jẹliko po ahọlu etọn po do: ogblannu etọn lẹ kẹdẹ, po kanlinyìnyìn etọn lẹ po, wẹ mì na yí na ogblan de hlan mìde: dè omẹ do owumẹ na todaho lọ to godo etọn.

JỌṢUA 8:22

Omẹ devo lẹ sọ tọ́n sọn tòdaho lọ mẹ wá yé ji; mọwẹ yé tin to ṣẹnṣẹn Islaeli tọn, omẹ delẹ to ada he jì, omẹ delẹ to ada nẹ ji; yé sọ hò yé, sọmọ bọ yé ma dike ode yé tọn pò kavi họ̀ngan.

JỌṢUA 8:28

Mọwẹ Jọṣua mẹ́ Ai, bo hẹn ẹn zùn okiti de kakadoi, yèdọ adóto de, kakajẹ egbe.

JỌṢUA 8:7

míwlẹ na sọ fọ́nṣite sọn owu mẹ, bo yí nutindo tòdaho lọ tọn: na OKLUNỌ Jiwheyẹwhe mìtọn na yí i do alọ mìtọn mẹ

JỌṢUA 8:9

Jọsua sọ do yé hlan: yé sọ yì owu mẹ, bo nò Bẹteli po Ai po ṣẹnṣẹn, to whèyìhọ Ai tọn dali: ṣigba Jọṣua nò gbẹtọ lẹ ṣẹnṣẹn to ozán nẹ mẹ.

WHẸ̀DATỌ 4:6

E sọ do omẹ hlan bo ylọ Balaki visunnu Abinoami tọn sọn Kedẹsi—naftali, bo dọ hlan ẹn dọ, OKLUNỌ, Jiwheyẹwhe Islaeli tọn, ma ko degbè, dọmọ, Yì bo sẹpọ́ osé Taboli, bo yí sunnusi fọtọ́n ao sọn ovi Naftali tọn lẹ mẹ podọ sọn ovi Zebuluni tọn lẹ mẹ gọ́na we?