JỌṢUA 7:11 - BIBLU WIWE LỌ 1923

¹¹ Islaeli ko wàylando; nugbo, yèdọ yé ko dasa alènu ṣie he yẹn degbèna yé: nugbo, yèdọ yé ko yí sọn onú dodèpa lọ mẹ; bo ko sọ fìn ga, bo sọ wàblu ga, yèdọ yé ko yi i do agbàn yetọn titi ṣẹnṣẹn.

JỌṢUA 7:11 Iomraidhean Croise

2 AHỌLU LẸ 18:12

na yé ma sètónuna ogbè OKLUNỌ Jiwheyẹwhe yetọn tọn wutu, ṣigba bo gbà alẹ̀nù etọn, yèdọ ehe Moṣe mẹmẹsi OKLUNỌ tọn degbèna lẹpo, bo ma jio na sè e, kavi wà ẹ.

2 AHỌLU LẸ 5:24

Whenuena é wá okọta lọ kọ̀n, é bẹ yé sọn alọ yetọn mẹ, bo kọ̀n yé do owhé gbè: é sọ gbọ omẹ ewlẹ ni yì, yéwlẹ sọ fọ́nyì.

ISAIA 24:5

Yè sọ hẹn aihọn gble to omẹ he to e mẹ lẹ glọ; na yé ko jẹ osẹ́n lẹ lọ mẹ, yé diọ alẹnuhó, yé hẹn alẹnu madopodo gble.

JẸLEMIA 31:32

Kẹdẹdi alẹ̀nù he yẹn basi hẹ otọ́ yetọn lẹ to azán he mẹ yẹn yí alo do hẹn yé nado hẹn yé tón sọn aigba Egipti tọn ji ma wẹ gba; alẹnù ṣie he yé gbà, le yẹn tlẹ yín OKLUNỌ to yé ji do, wẹ OKLUNỌ dọ.

HOSEA 6:7

Ṣigba yéwlẹ taidi Adam ko jẹsẹ́nmẹna alẹ̀nù lọ: finẹ wẹ yé ko yí odanuwiwà do zán do ogo e te.

Levitiku 5:15

eyín omẹ depope wàylan de, bo wàylando gbọn nusiwà mẹ, to onú wiwe OKLUNỌ lọ tọn lẹ mẹ; whenẹnu ewọ na hẹn avọ́nunina whègbledo tọn etọn wá OKLUNỌ lọ de, agbò dopo madazòngo sọn kanlinpó lọ mẹ, kẹdedì ahidona towe to fataka mẹ gbọn ṣẹkle lẹ dali, kẹdẹdi íìwiwe lọ tọn, na avọ́nunina whógbledo de tọn:

HABBAKUK 2:6

Bé ehe lẹpo ma na zé oló de daga do e ji, po ojlu hóvivẹ́nọ de po do e ji, bo dọmọ, Dindọn hlan ewọ he hẹn enẹ he ma yín etọn sudeji! dọ̀n sọ na? podọ he yí ogòdènu lẹ do doagbànna ede

ZEKALIA 5:4

Yẹn na sọ hẹn ẹn nado jẹgbonu yì, wẹ OKLUNỌ awhànpa lẹ tọn dọ, é bo na sọ biọ ohò ajotọ lọ tọn mẹ, podọ biọ ohò ewọ he nọ yí oklọ do whle gbọn oyín ṣie dali lọ tọn mẹ: é bo na sọ nọnọ̀ gblagbla ohò etọn tọn mẹ, bo na sọ dù i súdo po whlẹlidemẹ etọn po po zannu etọn po.

MATIU 22:21

Yé dọ hlan ẹn, dọmọ, Sesali tọn. Whenenu wẹ é dọ hlan yé, dọmọ, Enẹwutu mi yí onú he yin Sesali tọn lẹ hlan Sesali, podọ onú he sọ yín Jiwheyẹwhe tọn lẹ hlan Jiwheyẹwhe.

OWALỌ APỌSTELI LẸ TỌN 5:9

Whenẹnu wẹ Pita dọ hlan ẹn, dọmọ, Etẹwutu we mìwlẹ dogbèpó nado whle Gbigbọ Oklunọ tọn pòn? Pọ́n, afọ mẹhe disiọ asú towe tọn lẹ tin to hòngbo ji, yé nasọ ze we jẹgbonu.

Deutelonomi 17:2

Eyín é yín mimọ to gblagbla towe mẹ, to depope hòngbo towe he OKLUNỌ lọ Jiwheyẹwhe towe na we lẹ lọ hòmẹ finẹ, sunnusi de kavi yọnnusi, he wà enẹ he yín oylan to nukun OKLUNỌ lọ Jiwheyẹwhe towe tọn mẹ, to sẹ́nmejijẹna alónu etọn mẹ,

HEBLU LẸ 4:13

Podọ núdida he ma doawúhia to nukọn etọn de ma tin: mọ onú lepo wẹ to omé bo sọ hùndonuvo to nukun etọn mẹ, mẹhe mìwlẹ do onú nado wà hẹ.

JỌṢUA 23:16

Whenuena mì gbà alẹ̀nu OKLUNỌ Jiwheyẹwhe mìtọn tọn, ehe é degbèna mìj bo yì bo sẹ́n yẹwhe devo lẹ, bo dé mìde hlan yé; whenẹnu wẹ yè na hẹn adi OKLUNỌ tọn jimiyọn do mì ji, bọ mì na sọ và plaun sọn aigba dagbe lọ ji ehe é ko na hlan mì.

JỌṢUA 7:1

ṢIGBA ovi Islaeli tọn lẹ wà ylankan de to onú dodèpa lọ mẹ: na Akani, visunnu Kalmi tọn, vìsunnu Zabdi tọn, visunnu Zela tọn, sọn whẹndo Juda tọn mẹ, yí sọn onú dodèpa lọ mẹ: yè sọ hẹn adi OKLUNỌ tọn jimiyọn do ovi Islaeli tọn lọ Ji.

JỌṢUA 7:10

OKLUNỌ sọ dọ hlan Jọṣua dọ, Fọ́n ṣite; etẹwutu wẹ hiẹ họ̀ jẹ nukunmẹ towe jí dole?

WHẸ̀DATỌ 2:20

Yé sọ hẹn adi OKLUNỌ tọn jimiyọn do Islaeli ji; é sọ dọmọ, Na akọta he ko gbà alẹ̀nu ṣie wutu ehe yẹn degbèna otọ́ yetọn lẹ, bo ma ko tuntóai hlan ogbè ṣie gba;

1 SAMUẸLI 14:38

Sauli sọ dọmọ, Dòn sẹpò file, mì ogán gbẹtọ lẹpo tọn emi: bo yònẹn bo sọ mọ fìemẹ ylando he ko tin te to azán he gbè.